ຊາວຫວຽດນາມ ອາໄສຢູ່ຕ່າງປະເທດ ປະກອບສ່ວນແຜ່ຂະຫຍາຍຄຸນຄ່າວັດທະນະທຳຂອງຊາດຫວຽດນາມ ຢູ່ຕ່າງປະເທດ

ທ່ານ ເຈິ່ນແທັງເໝິນ ປະທານສະພາແຫ່ງຊາດຫວຽດນາມ ກ່າວຄໍາເຫັນທີ່ການພົບປະ. ພາບ: ຫວຽດຈູງ

ທີ່ການຕ້ອນຮັບ, ທ່ານປະທານສະພາແຫ່ງຊາດ ໄດ້ຫວນຄືນບັນດາຜົນງານດີເດັ່ນ ແລະຖານະບົດບາດຂອງປະເທດເຮົາໃນປີ 2024. ທ່ານປະທານສະພາແຫ່ງຊາດ ຢືນຢັນວ່າ ບັນລຸໄດ້ບັນດາຜົນງານທີ່ສຳຄັນນັ້ນແມ່ນຍ້ອນມີການນຳພາຂອງພັກ, ຄວາມມານະພະຍາຍາມຂອງທັງລະບົບການເມືອງ, ການເສີມຂະຫຍາຍກໍາລັງແຮງມະຫາສາມັກຄີທົ່ວປວງຊົນທັງຊາດ, ໃນນັ້ນມີການປະກອບສ່ວນອັນລ້ຳຄ່າ ແລະສຳຄັນຂອງປະຊາຄົມຊາວຫວຽດນາມ ອາໄສຢູ່ຕ່າງປະເທດ.

ຮຽກຮ້ອງໃຫ້ບັນດານັກຊ່ຽວຊານ, ປັນຍາຊົນ, ນັກວິທະຍາສາດຢູ່ຕ່າງປະເທດ ສືບຕໍ່ນຳເອົາພູມປັນຍາ, ປະສົບການ, ຄວາມຮູ້ຂອງຕົນມາກໍ່ສ້າງ ແລະພັດທະນາບ້ານເກີດເມືອງນອນ, ປະເທດຊາດ, ທ່ານປະທານສະພາແຫ່ງຊາດ ຫວັງວ່າ ພໍ່ແມ່ປະຊາຊົນຈະເປັນເຈົ້າການ, ຕັ້ງໜ້າປະກອບຄຳເຫັນເຂົ້າໃນການກໍ່ສ້າງນະໂຍບາຍ, ກົດໝາຍ; ຊຸກຍູ້ການທູດປະຊາຊົນ; ການລົງທຶນ, ຖ່າຍທອດເຕັກໂນໂລຢີ ແລະການພັດທະນາເສດຖະກິດ; ອະນຸລັກຮັກສາ ແລະເສີມຂະຫຍາຍສີສັນວັດທະນະທຳຂອງຊາດ; ຕັ້ງໜ້າປະກອບຄຳເຫັນ, ຂໍ້ລິເລີ່ມທີ່ແທດຈິງເພື່ອໜູນຊ່ວຍສະພາແຫ່ງຊາດປະຕິບັດບົດບາດຕິດຕາມກວດກາ ແລະຕັດສິນບັນດາບັນຫາສຳຄັນນີ້...

ທ່ານ ເຈິ່ນແທັງເໝິນ ປະທານສະພາແຫ່ງຊາດຫວຽດນາມ ຢ້ຽມຢາມຖາມຂ່າວຊາວຫວຽດນາມ ອາໄສຢູ່ຕ່າງປະເທດ. ພາບ: ຫວຽດຈູງ

ທີ່ການພົບປະ, ຜູ້ຕາງໜ້າຊາວຫວຽດນາມ ອາໄສຢູ່ຕ່າງປະເທດ ສະແດງຄວາມປິຕິຊົມຊື່ນທີ່ໄດ້ຕ້ອນຮັບບຸນເຕັດຢູ່ບ້ານເກີດເມືອງນອນ, ພ້ອມກັບປະຊາຊົນໃນທົ່ວປະເທດຕ້ອນຮັບປີໃໝ່ ປີມະເສັງ 2025. ຊາວຫວຽດນາມ ອາໄສຢູ່ຕ່າງປະເທດ ສະແດງຄວາມຂອບອົກຂອບໃຈຕໍ່ຄວາມເອົາໃຈໃສ່ຂອງພັກ, ລັດ, ລັດຖະບານ, ສະພາແຫ່ງຊາດ ແລະການໜູນຊ່ວຍພາຍໃນປະເທດ, ສ້າງເງື່ອນໄຂສະດວກໃຫ້ປະຊາຊົນກັບເມືອປະເທດທຳມາຫາກິນ ແລະລົງທຶນຢູ່ຫວຽດນາມ ຢ່າງມີປະສິດທິຜົນ. ບັນດາຜູ້ແທນຊາວຫວຽດນາມ ອາໄສຢູ່ຕ່າງປະເທດ ຢືນຢັນຈະສືບຕໍ່ມານະພະຍາຍາມເພີ່ມທະວີຄວາມສາມັກຄີ, ຮັກສາ ແລະເສີມຂະຫຍາຍມູນເຊື້ອ ແລະສີສັນວັດທະນະທຳຂອງຊາດ, ສ້າງປະຊາຄົມໃຫ້ໝັ້ນຄົງເຂັ້ມແຂງ, ມຸ່ງຫາບ້ານເກີດເມືອງນອນ, ປະເທດຊາດ.

ໂດຍ: ເຈິ່ນຮວ່ຽນ