ການແລກປ່ຽນໂທລະເລກຊົມເຊີຍເນື່ອງໃນໂອກາດສະເຫຼີມສະຫຼອງ 75 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ-ຈີນ
ເນື່ອງໃນໂອກາດສະເຫຼີມສະຫຼອງ 75 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ-ຈີນ (18 ມັງກອນ 1950 – 19 ມັງກອນ 2025), ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ໂຕເລິມ, ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິງຈິງ, ທ່ານປະທານສະພາແຫ່ງຊາດ ເຈິ່ນແທັງເໝີ້ນ ໄດ້ແລກປ່ຽນຈົດໝາຍ/ໂທລະເລກຊົມເຊີຍກັບການນຳຂັ້ນສູງຈີນ.
    |
 |
|
ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ແລະທ່ານ ສີຈິ້ນຜິງ ເລຂາທິການໃຫຍ່, ປະທານປະເທດຈີນ. ພາບ: vov.vn |
ໃນບັນດາຈົດໝາຍ, ໂທລະເລກຊົມເຊີຍຂອງການນຳຫວຽດນາມ ທີ່ສົ່ງເຖິງການນຳຈີນ, ມີຕອນຂຽນວ່າ: ພັກ, ລັດ ແລະປະຊາຊົນຫວຽດນາມ ຍາມໃດກໍ່ກຳນົດການພັດທະນາສາຍພົວພັນມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານກັບ ຈີນ ແມ່ນແຜນນະໂຍບາຍສະເໝີຕົ້ນສະເໝີປາຍ, ບຸລິມະສິດແຖວໜ້າໃນແນວທາງການຕ່າງປະເທດເອກະລາດ, ເປັນເຈົ້າຕົນເອງ, ຫັນເປັນຫຼາຍຮູບຫຼາຍແບບ ແລະຫຼາຍຝ່າຍ; ຊຸກຍູ້ການສ້າງປະຊາຄົມແບ່ງປັນອະນາຄົດ ຫວຽດນາມ-ຈີນ ມີຄວາມໝາຍຍຸດທະສາດ, ເພື່ອຄວາມຜາສຸກຂອງປະຊາຊົນສອງປະເທດ, ເພື່ອພາລະກິດສັນຕິພາບ ແລະຄວາມກ້າວໜ້າຂອງມວນມະນຸດ.
ບັນດາໂທລະເລກຂອງການນຳຈີນ ທີ່ສົ່ງເຖິງການນຳຫວຽດນາມ ມີຕອນຂຽນວ່າ: ຈີນ ແລະຫວຽດນາມ ແມ່ນສອງປະເທດຖານບ້ານໃກ້ເຮືອນຄຽງມິດຕະພາບ, ສັງຄົມນິຍົມ ແລະປະຊາຄົມແບ່ງປັນອະນາຄົດມີຄວາມໝາຍຍຸດທະສາດ. ໃນພາລະກິດສ້າງລັດທິສັງຄົມນິຍົມ, ສອງປະເທດຮໍ່າຮຽນເຊິ່ງກັນ ແລະກັນ, ພ້ອມກັນກ້າວຂຶ້ນ, ສືບຕໍ່ເຮັດໃຫ້ການຮ່ວມມືຍຸດທະສາດຮອບດ້ານໃຫ້ເລິກເຊິ່ງກວ່າເກົ່າ.
ໂດຍ: ວິທະຍຸກະຈາຍສຽງຫວຽດນາມ