ເລຂາທິການໃຫຍ່ ໂຕເລິມ ພົບປະກັບຜູ້ຕາງໜ້າປັນຍາຊົນ, ນັກວິທະຍາສາດ, ນັກສິລະປິນ

ຕາງໜ້າການນໍາພັກ, ລັດ, ທ່ານເລຂາທິການໃຫຍ່ ໂຕເລິມ ໄດ້ຮັບຮູ້, ຍ້ອງຍໍ, ຕີລາຄາສູງ ແລະຊົມເຊີຍບັນດາຜົນງານ, ໝາກຜົນເຊິ່ງບັນດາປັນຍາຊົນ, ນັກວິທະຍາສາດ, ນັກສິລະປິນບັນລຸໄດ້ໃນວິວັດການປະຕິວັດຂອງພັກ, ພິເສດແມ່ນໃນໄລຍະປ່ຽນແປງໃໝ່ປະເທດຊາດ.

ທ່ານເລຂາທິການໃຫຍ່ ໂຕເລິມ ແລະຜູ້ຕາງໜ້າປັນຍາຊົນ, ນັກວິທະຍາສາດ. ພາບ: qdnd.vn

ທີ່ການພົບປະກັບບັນດາປັນຍາຊົນ, ນັກວິທະຍາສາດ, ສະຫາຍເລຂາທິການໃຫຍ່ ເນັ້ນໜັກວ່າ: ພຽງແຕ່ວິທະຍາສາດ-ເຕັກໂນໂລຊີ ແລະການປ່ຽນແປງໃໝ່ປະດິດສ້າງຈຶ່ງສາມາດຍົກສູງສະມັດຕະພາບແຮງງານ, ເປັນກຳລັງໜູນໃຫ້ແກ່ການເຕີບໂຕ, ເປັນປັດໄຈສຳຄັນແຖວໜ້າຕໍ່ການພັດທະນາຢ່າງວ່ອງໄວ ແລະຍືນຍົງຂອງປະເທດເຮົາໄດ້.

ກ່າວຄຳເຫັນທີ່ການພົບປະກັບຜູ້ຕາງໜ້ານັກສິລະປິນ, ທ່ານເລຂາທິການໃຫຍ່ ໂຕເລິມ ເນັ້ນໜັກວ່າ: ພາລະກໍາອັນສູງສົ່ງຂອງຖັນແຖວນັກສິລະປິນປະຕິວັດແມ່ນສ້າງບຸກຄະລິກພາບວັດທະນະທຳ ແລະສ້າງມະນຸດສັງຄົມນິຍົມ. ພາລະກິດປ່ຽນແປງໃໝ່ພາຍຫຼັງເກືອບ 40 ປີ ດ້ວຍທ່າ ແລະກໍາລັງແຮງ, ໂອກາດ, ນັບທັງຄວາມສ່ຽງ ແລະສິ່ງທ້າທາຍພວມເປັນວັດຖຸອັນລໍ້າຄ່າ, ແມ່ນກໍາລັງໜູນໃໝ່ ແລະເປັນພື້ນຖານເພື່ອໃຫ້ນັກສິນລະປິນຫັນປ່ຽນຢ່າງແຂງແຮງ...

ທ່ານເລຂາທິການໃຫຍ່ ໂຕເລິມ ແລະຜູ້ຕາງໜ້ານັກສິລະປິນ. ພາບ: qdnd.vn

ສະຫາຍເລຂາທິການໃຫຍ່ ຮຽກຮ້ອງ, ກໍ່ສ້າງຖັນແຖວນັກສິລະປິນເປັນນັກຮົບປະຕິວັດຕັ້ງໝັ້ນຈົ່ງຮັກພັກດີບົນແນວຮົບວັດທະນະທຳ, ແນວຄິດຂອງພັກ. ທ່ານເລຂາທິການໃຫຍ່ ໂຕເລິມ ຢືນຢັນວ່າ: ເສີມຂະຫຍາຍມູນເຊື້ອອັນສະຫງ່າລາສີ, ຖັນແຖວນັກສິລະປະກອນຂອງປະເທດຈະບັນລຸໄດ້ບັນດາຜົນງານໃໝ່ຢ່າງແນ່ນອນ, ເພີ່ມພູນຄູນສ້າງ, ສ້າງວັດທະນະທຳຫວຽດນາມ ທີ່ກ້າວໜ້າ, ເຕັມໄປດ້ວຍສີສັນຊາດ, ສ້າງກຳລັງແຮງພາຍໃນໃຫ້ແກ່ການພັດທະນາປະເທດຊາດຢ່າງບໍ່ຢຸດຢັ້ງ.

ໂດຍ: ທະນາພອນ