ທີ່ການເຮັດວຽກ, ທ່ານ ຟ້າມມິງຈິ໊ງ ໃຫ້ຮູ້ວ່າ ທ່ານໄດ້ສົ່ງຈົດໝາຍແຈ້ງໃຫ້ການນຳຂອງ ກາຕາ, ອາຣັບ ເອມີເຣດ, ອາຣັບບີ ຊາອຸດິດ ຊາບກ່ຽວກັບເລື່ອງ ທ່ານນາຍົກລັດຖະມົນຕີ ໄດ້ມອບໃຫ້ກະຊວງແຜນການ ແລະການລົງທຶນ ເປັນຫົວເງື່ອນຂອງຝ່າຍຫວຽດນາມ ເພື່ອຜັນຂະຫຍາຍ ແລະຫັນເນື້ອໃນການຮ່ວມມືລະຫວ່າງລັດຖະບານຫວຽດນາມ ກັບ ອາຣັບບີ ຊາອຸດິດ, UAE, ກາຕາ ເປັນລະອຽດ; ມອບໃຫ້ກະຊວງແຜນການ ແລະການລົງທຶນ ເປັນຜູ້ຮັບຜິດຊອບ, ສັງລວມ ແລະສົ່ງບັນຊີລາຍຊື່ບັນດາໂຄງການດຶງດູດການລົງທຶນບຸລິມະສິດໃຫ້ບັນດາຝ່າຍໂດຍໄວ, ສະເພາະໜ້າແມ່ນສອງຝ່າຍຕ້ອງສ້າງຕັ້ງກຸ່ມເຮັດວຽກຮ່ວມເພື່ອຜັນຂະຫຍາຍວຽກງານດັ່ງກ່າວ; ມອບໃຫ້ກະຊວງການຕ່າງປະເທດ ເປັນຜູ້ຮັບຜິດຊອບ ແລະຊຸກຍູ້ການແລກປ່ຽນຄະນະຜູ້ແທນທຸກຂັ້ນ, ເປັນຕົ້ນແມ່ນຂັ້ນສູງ, ພ້ອມທັງເຈລະຈາ ແລະລົງນາມໃນສັນຍາຍົກເວັ້ນວີຊາກັບ 3 ປະເທດ; ມອບໃຫ້ກະຊວງອຸດສາຫະກຳ ແລະການຄ້າ ເປັນຜູ້ຮັບຜິດຊອບຄົ້ນຄວ້າຄວາມສາມາດເຈລະຈາ FTA/CEPA ກັບ ອາຣັບບີ ຊາອຸດິດ, ກາຕາ; ບັນດາກະຊວງ, ຂະແໜງການ, ທ້ອງຖິ່ນ ພ້ອມແລ້ວທີ່ຈະຮ່ວມມືກັບພວກເພື່ອນ.
    |
 |
|
ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ຕ້ອນຮັບບັນດາເອກອັກຄະລັດຖະທູດ ອາຣັບບີ ຊາອຸດິດ, ສະຫະລັດ ອາຣັບ ເອມີເຣດ, ກາຕາ ປະຈໍາຫວຽດນາມ. ພາບ: ສໍານັກຂ່າວສານຫວຽດນາມ |
ແຈ້ງໃຫ້ຊາບກ່ຽວກັບຄວາມມານະພະຍາຍາມກ້າວສູ່ສັງກາດບືນຕົວຂຶ້ນໃຫ້ຮັ່ງມີເຂັ້ມແຂງ, ສີວິໄລ ແລະວັດທະນາຖາວອນຂອງຊາດຫວຽດນາມ, ໃນນັ້ນບັນດາປະເທດຕາເວັນອອກກາງແມ່ນໜຶ່ງໃນບັນດາຈຸດສຸມໃນວຽກງານການຕ່າງປະເທດຂອງຫວຽດນາມ, ທ່ານ ຟ້າມມິງຈິ໊ງ ປາດຖະໜາຢາກພ້ອມກັບບັນດາປະເທດຕາເວັນອອກກາງ ແບ່ງປັນວິໄສທັດ ແລະຄວາມມຸ່ງຫວັງພັດທະນາປະເທດ ແລະສາມາດຮ່ຳຮຽນ, ຖອດຖອນບົດຮຽນເຊິ່ງກັນ ແລະກັນ, ຮ່ວມມືຕ່າງຝ່າຍຕ່າງມີຜົນປະໂຫຍດເພື່ອຫັນເປົ້າໝາຍ ແລະຍຸດທະສາດຂອງຊາດໃຫ້ປະກົດຜົນເປັນຈິງ.
ທ່ານນາຍົກລັດຖະມົນຕີ ສະເໜີໃຫ້ສົມທົບກັນຄົ້ນຄວ້າສ້າງຕັ້ງກຸ່ມປະຕິບັດງານຮ່ວມໂດຍໄວ ເພື່ອຊຸກຍູ້ການຫັນຂໍ້ຕົກລົງຂັ້ນສູງກ່ຽວກັບການສ້າງບາດກ້າວບຸກທະລຸດ້ານເສດຖະກິດ, ການຄ້າ ແລະການລົງທຶນ ຜ່ານການເປີດຕະຫຼາດໃຫ້ສິນຄ້າທີ່ມີທ່່າແຮງຂອງສອງຝ່າຍ, ໃນນັ້ນມີຜະລິດຕະພັນກະເສດ, ສິນໃນນໍ້າ, ຜະລິດຕະພັນ Halal; ເພີ່ມທະວີການລົງທຶນສອງຝ່າຍໃນຂົງເຂດທີ່ຕ່າງຝ່າຍຕ່າງມີຄວາມສົນໃຈ ແລະມີຜົນປະໂຫຍດ, ໃນນັ້ນມີກະສິກຳ, ພະລັງງານ, ນ້ຳມັນອາຍແກັດ, ການຫັນເປັນດີຈີຕອນ, ຫັນເປັນສີຂຽວ...
ພ້ອມກັນນັ້ນ, ຊຸກຍູ້ການຮ່ວມມືໃນຂົງເຂດປ້ອງກັນຊາດ, ປ້ອງກັນຄວາມສະຫງົບ, ແຮງງານ, ເພີ່ມທະວີການຮ່ວມມືດ້ານການທ່ອງທ່ຽວ, ວັດທະນະທຳ, ການສຶກສາ...; ສືບຕໍ່ສົມທົບກັນຢ່າງແໜ້ນແຟ້ນ ແລະ ສະໜັບສະໜູນເຊິ່ງກັນ ແລະກັນ ໃນບັນຫາພາກພື້ນ ແລະໂລກ ຢູ່ບັນດາເວທີປາໄສສາກົນ, ພິເສດແມ່ນຢູ່ ສປຊ.
ສ່ວນບັນດາເອກອັກຄະລັດຖະທູດ ຢືນຢັນວ່າ ອາຣັບບີ ຊາອຸດິດ, ສະຫະລັດ ອາຣັບ ເອມີເຣດ, ກາຕາ ຖືເປັນສຳຄັນການຮ່ວມມືກັບຫວຽດນາມ, ພ້ອມທັງຖືວ່າ ນີ້ແມ່ນກາລະໂອກາດເພື່ອເປີດກວ້າງ, ເປັນຂົວຕໍ່ການຮ່ວມມືລະຫວ່າງອາຊຽນ ແລະ ສະພາຮ່ວມມືເຂດອ່າວ (GCC). ຖືວ່າ ປະຈຸບັນ, ການເຄື່ອນໄຫວຮ່ວມມືລະຫວ່າງຫວຽດນາມ ກັບບັນດາປະເທດ ພວມດຳເນີນໄປຢ່າງຟົດຟື້ນ, ບັນດາເອກອັກຄະລັດຖະທູດ ສະແດງຄວາມເຊື່ອໝັ້ນວ່າ ໃນໄລຍະຈະມາເຖິງ, ການພົວພັນລະຫວ່າງຫວຽດນາມ ກັບ 3 ປະເທດ ຈະໄດ້ຮັບການຊຸກຍູ້ຢ່າງແຂງແຮງ, ແທດຈິງກວ່າອີກ, ບັນລຸບັນດາເປົ້າໝາຍ ທີ່ສອງຝ່າຍ ໄດ້ວາງອອກໂດຍໄວ ຄື ຄໍາເຫັນຂອງທ່ານນາຍົກລັດຖະມົນຕີ.
ໂດຍ: ທູຈາງ