    |
 |
|
ການນຳ, ອະດີດການນຳພັກ, ລັດເຂົ້າຮ່ວມພິທີສະເຫຼີມສະຫຼອງ. ພາບ: qdnd.vn |
ວັນທີ 20 ທັນວາ, ຢູ່ຮ່າໂນ້ຍ, ຄະນະບໍລິຫານງານສູນກາງພັກກອມມູນິດຫວຽດນາມ, ສະພາແຫ່ງຊາດ, ປະທານປະເທດ, ຄະນະກຳມະການແນວໂຮມປະເທດຊາດຫວຽດນາມ ແລະຄະນະພັກການທະຫານສູນກາງ, ກະຊວງປ້ອງກັນປະເທດຫວຽດນາມ ໄດ້ຈັດພິທີສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ (22 ທັນວາ 1944 / 22 ທັນວາ 2024) ແລະ 35 ປີແຫ່ງວັນບຸນປ້ອງກັນຊາດທົ່ວປວງຊົນ (22 ທັນວາ 1989 / 22 ທັນວາ 2024).
|
|
 |
|
ຜູ້ແທນສາກົນເຂົ້າຮ່ວມພິທີສະເຫຼີມສະຫຼອງ. ພາບ: qdnd.vn |
|
|
 |
|
ຜູ້ແທນເຂົ້າຮ່ວມພິທີສະເຫຼີມສະຫຼອງ. ພາບ: qdnd.vn |
ເຂົ້າຮ່ວມພິທີມີທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ, ເລຂາຄະນະພັກການທະຫານສູນກາງ, ທ່ານ ເລືອງເກື່ອງ ປະທານປະເທດ, ທ່ານ ຟ້າມມິງຈິ໊ງ ນາຍົກລັດຖະມົນຕີ, ທ່ານ ເຈິ່ນແທັງເໝີ້ນ ປະທານສະພາແຫ່ງຊາດ, ພ້ອມກັບບັນດາອະດີດການນຳພັກ, ລັດ, ກອງທັບ, ນັກປະຕິວັດຜູ້ອາວຸໂສ, ແມ່ຫວຽດນາມ ວິລະຊົນ…
|
|
 |
|
ຕາງໜ້າການນໍາພັກ, ລັດ, ທ່ານ ໂຕເລິມ, ເລຂາທິການໃຫຍ່, ເລຂາຄະນະພັກການທະຫານສູນກາງ ອ່ານສູນທອນພົດທີ່ພິທີສະເຫຼີມສະຫຼອງ. ພາບ: qdnd.vn |
ອ່ານສູນທອນພົດທີ່ພິທີສະເຫຼີມສະຫຼອງ, ທ່ານ ໂຕເລິມ, ເລຂາທິການໃຫຍ່, ເລຂາຄະນະພັກການທະຫານສູນກາງ ຢືນຢັນວ່າ ພິທີສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ ບໍ່ພຽງແຕ່ແມ່ນໂອກາດ ເພື່ອຫວນຄືນມູນເຊື້ອອັນສະຫງ່າງາມ, ປັບປຸງກຸ່ມກ້ອນມະຫາສາມັກຄີທົ່ວປວງຊົນທັງຊາດເທົ່ານັ້ນ, ຫາກຍັງແມ່ນໂອກາດເພື່ອໃຫ້ ຫວຽດນາມ ເຫັນໄດ້ຄຸນຄ່າຂອງສັນຕິພາບ, ສະຖຽນລະພາບ, ຄວາມຕັດສິນໃຈປົກປ້ອງ ແລະຮັກສາພື້ນຖານສັນຕິພາບ, ເອກະລາດອີກດ້ວຍ.
|
|
 |
|
ຕາງໜ້າການນໍາພັກ, ລັດ, ທ່ານ ໂຕເລິມ, ເລຂາທິການໃຫຍ່, ເລຂາຄະນະພັກການທະຫານສູນກາງ ປະດັບຫຼຽນໄຊໂຮ່ຈີມິນ ໃຫ້ກອງທັບປະຊາຊົນຫວຽດນາມ. ພາບ: qdnd.vn |
“ດ້ວຍເປົ້າໝາຍສູງສຸດແມ່ນສ້າງສາປະເທດຫວຽດນາມ ແຫ່ງສັນຕິພາບ, ສີວິໄລ, ວັດທະນາຖາວອນ ແລະຮ່ວມແຮງຮ່ວມໃຈສ້າງໂລກສັນຕິພາບ, ບໍ່ມີສົງຄາມ, ມະນຸດໄດ້ດຳລົງຊີວິດດ້ວຍຄວາມເສລີພາບ, ອີ່ມໜຳສຳລານ, ສົມບູນພູນສຸກ. ຫວຽດນາມ ມີແຜນນະໂຍບາຍສະເໝີຕົ້ນສະເໝີປາຍແກ້ໄຂທຸກການຂັດແຍ້ງກັນໂດຍສັນຕິວິທີ, ບົນພື້ນຖານກົດໝາຍສາກົນ, ເຄົາລົບເອກະລາດ, ຜືນແຜ່ນດິນອັນຄົບຖ້ວນຂອງທຸກໆປະເທດ, ບໍ່ເຂົ້າຮ່ວມສຳພັນທະມິດດ້ານການທະຫານ, ບໍ່ຮ່ວມສຳພັນກັບປະເທດນີ້ເພື່ອຕ້ານປະເທດອື່ນ, ບໍ່ໃຫ້ຕ່າງປະເທດຕັ້ງຖານທີ່ໝັ້ນການທະຫານ ຫຼືນຳໃຊ້ຜືນແຜ່ນດິນຂອງຫວຽດນາມ ເພື່ອຕ້ານຄືນປະເທດອື່ນ, ບໍ່ນຳໃຊ້ອາວຸດ ຫຼື ນາບຂູ່ນຳໃຊ້ອາວຸດໃນການພົວພັນສາກົນ”.
|
|
 |
|
ລາຍການສະແດງສິລະປະທີ່ພິທີສະເຫຼີມສະຫຼອງ. ພາບ: qdnd.vn |
|
|
 |
|
ການນໍາ, ອະດີດການນໍາພັກ, ລັດ ແລະກອງທັບຖ່າຍຮູບຮ່ວມ. ພາບ: qdnd.vn |
ໃນຂອບເຂດພິທີສະເຫຼີມສະຫຼອງ ຍັງມີລາຍການສະແດງສິລະປະ, ລວບລວມປະຫວັດຄວາມເປັນມາ, ການຕໍ່ສູ້, ຍາດເອົາໄຊຊະນະຂອງກອງທັບຫວຽດນາມ, ກໍ່ຄືຢືນຢັນບົດບາດໃຫຍ່ຫຼວງຂອງກອງທັບປະຊາຊົນຫວຽດນາມ ໃນພາລະກິດແຫ່ງການສ້າງສາ ແລະປົກປັກຮັກສາປະເທດຊາດ.
ໂດຍ: ກວຽດເຕິມ