ທ່ານ ໂຕເລິມ ເລຂາທິການໃຫຍ່ ຕ້ອນຮັບລັດຖະມົນຕີກະຊວງປ້ອງກັນປະເທດ ຈີນ

ທ່ານ ໂຕເລິມ ເລຂາທິການໃຫຍ່, ເລຂາຄະນະພັກການທະຫານສູນກາງ ຕ້ອນຮັບທ່ານພົນໂທ  Dong Jun ລັດຖະມົນຕີກະຊວງປ້ອງກັນປະເທດ ຈີນ.

ກ່າວຄໍາເຫັນທີ່ພິທີ, ທ່ານ ໂຕເລິມ ຕີລາຄາສູງຄວາມໝາຍຄວາມສໍາຄັນຕໍ່ການຢ້ຽມຢາມຂອງທ່ານພົນໂທ Dong Jun, ສະແດງໃຫ້ເຫັນການຖືເປັນສໍາຄັນຂອງພັກ, ລັດຖະບານ ແລະກອງທັບ ຈີນ ຕໍ່ການພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງສອງພັກ, ສອງລັດ, ກອງທັບສອງປະເທດ, ປະກອບສ່ວນຫັນຄວາມຮັບຮູ້ລວມຂັ້ນສູງກ່ຽວກັບການເພີ່ມທະວີການຮ່ວມມືດ້ານປ້ອງກັນຊາດ, ປ້ອງກັນຄວາມສະຫງົບເປັນລະອຽດດ້ວຍບົດບາດແມ່ນໜຶ່ງໃນບັນດາເສົາຄໍ້າສໍາຄັນຂອງການພົວພັນ ຫວຽດນາມ-ຈີນ.

ຜູ້ແທນຫວຽດນາມ ທີ່ການຕ້ອນຮັບ. ພາບ: qdnd.vn

ໃນບັນຍາກາດທີ່ເຕັມໄປດ້ວຍໄມຕີຈິດມິດຕະພາບ, ທ່ານເລຂາທິການໃຫຍ່ ຢັ້ງຢືນວ່າ ພັກ, ລັດ, ກອງທັບ ແລະປະຊາຊົນຫວຽດນາມ ຍາມໃດກໍເຄົາລົບຕໍ່ການຊ່ວຍເຫຼືອອັນໃຫຍ່ຫຼວງຂອງພັກ, ລັດ, ກອງທັບ ແລະປະຊາຊົນ ຈີນ ໃນປະຫວັດສາດໄລຍະຕ່າງໆ, ຕີລາຄາສູງບາດກ້າວພັດທະນາທີ່ຕັ້ງໜ້າ, ກະໂດດຂັ້ນຂອງການພົວພັນລະຫວ່າງສອງພັກ, ສອງລັດ, ກອງທັບສອງປະເທດ; ການຮ່ວມມືດ້ານປ້ອງກັນຊາດໄດ້ຮັບການເອົາໃຈໃສ່ຊຸກຍູ້ ທີ່ນັບມື້ນັບແທດຈິງ, ມີປະສິດທິຜົນຈາກສອງຝ່າຍ, ປະກອບສ່ວນປັບປຸງຄວາມໄວ້ເນື້ອເຊື່ອໃຈດ້ານການເມືອງ, ການພົວພັນສາມັກຄີມິດຕະພາບ, ນໍາເອົາຜົນປະໂຫຍດອັນແທດຈິງມາໃຫ້ປະຊາຊົນສອງປະເທດ, ປະກອບສ່ວນຕັ້ງໜ້າເຂົ້າໃນການຮັກສາສັນຕິພາບ, ສະຖຽນລະພາບ, ພັດທະນາຢູ່ພາກພື້ນ ແລະໃນໂລກ.

ຄະນະຜູ້ແທນກອງທັບ ຈີນ ທີ່ການຕ້ອນຮັບ. ພາບ: qdnd.vn

ທ່ານເລຂາທິການໃຫຍ່ ສະເໜີກະຊວງປ້ອງກັນປະເທດ ແລະກອງທັບສອງປະເທດ ເພີ່ມທະວີການແລກປ່ຽນ, ພົບປະຂັ້ນສູງ ແລະທຸກຊັ້ນ; ຜັນຂະຫຍາຍບັນດາກົນໄກທີ່ມີຢູ່ແລ້ວ ກໍຄືຄົ້ນຄວ້າ, ຊຸກຍູ້ການຮ່ວມມືໃນບັນດາຂົງເຂດຮ່ວມມືໃໝ່ທີ່ມີຄວາມສາມາດບົ່ມຊ້ອນຢ່າງມີປະສິດທິຜົນ; ເປີດກວ້າງການຮ່ວມມືໃນຂົງເຂດການສຶກສາອົບຮົມການເມືອງແນວຄິດ, ກໍ່ສ້າງພະນັກງານ; ເພີ່ມທະວີການຮ່ວມມືຊາຍແດນ, ຄວບຄຸມ ແລະແກ້ໄຂຄວາມບໍ່ລົງລອຍກັນ ຢູ່ທະເລບົນພື້ນຖານທີ່ສອດຄ່ອງກັບຄວາມຮັບຮູ້ລວມຂັ້ນສູງ ແລະກົດໝາຍສາກົນ ໃຫ້ເປັນຢ່າງດີ.

ສ່ວນທ່ານລັດຖະມົນຕີ Dong Jun ຢັ້ງຢືນວ່າ ຈີນ ຍາມໃດກໍຖືເປັນສໍາຄັນການພົວພັນມິດຕະພາບທີ່ເປັນມູນເຊື້ອລະຫວ່າງສອງພັກ, ສອງລັດ, ກອງທັບສອງປະເທດ; ກອງທັບປົດປ່ອຍປະຊາຊົນ ຈີນ ພ້ອມແລ້ວທີ່ຈະຊາບຊຶມຄວາມຮັບຮູ້ລວມຂັ້ນສູງ, ພ້ອມກັບກອງທັບປະຊາຊົນຫວຽດນາມ ຊຸກຍູ້ການຮ່ວມມືທີ່ແທດຈິງ, ຮອບດ້ານ, ປະກອບສ່ວນກໍ່ສ້າງປະຊາຄົມແບ່ງປັນອະນາຄົດ ຫວຽດນາມ-ຈີນ ໃຫ້ມີຄວາມໝາຍຍຸດທະສາດ.

ໂດຍ: ໄຊຊະນະ