ນີ້ແມ່ນເຫດການສຳຄັນສໍາລັບການອະນຸລັກຮັກສາ ແລະເສີມຂະຫຍາຍບັນດາຄຸນຄ່າວັດທະນະທຳສິລະປະພື້ນເມືອງຂອງປະເທດຫວຽດນາມ, ແມ່ນ “ສາຍເຊື່ອມຕໍ່” ແລະຊຸກຍູ້ນໍ້າໃຈມິດຕະພາບອັນດີງາມລະຫວ່າງຫວຽດນາມ ແລະຍີ່ປຸ່ນ.

ກ່າວຄຳເຫັນທີ່ພິທີ, ທ່ານເອກອັກຄະລັດຖະທູດ ຟ້າມກວາງຫ້ຽວ ຊີ້ແຈ້ງວ່າ: ການຮ່ວມມື, ພົບປະແລກປ່ຽນດ້ານວັດທະນະທຳລະຫວ່າງ ຫວຽດນາມ-ຍີ່ປຸ່ນ ແມ່ນວິທີດີທີ່ສຸດເພື່ອເພີ່ມທະວີຄວາມເຂົ້າອົກເຂົ້າໃຈເຊີ່ງກັນແລະກັນລະຫວ່າງປະຊາຊົນສອງປະເທດ;  ນີ້ກໍ່ແມ່ນໜຶ່ງໃນບັນດາປັດໄຈສຳຄັນທີ່ສຸດເພື່ອຫັນ “ການພົວພັນຄູ່ຮ່ວມມືຍຸດທະສາດ” ລະຫວ່າງສອງປະເທດໃຫ້ປະກົດຜົນເປັນຈິງຜ່ານການພົບປະແລກປ່ຽນປະຊາຊົນ.

leftcenterrightdel
ທ່ານເອກອັກຄະລັດຖະທູດ ຟ້າມກວາງຫ້ຽວ ກ່າວຄຳເຫັນທີ່ພິທີເປີດຕົວສະມາຄົມ. ພາບ: vov.vn

ທ່ານເອກອັກຄະລັດຖະທູດ ຟ້າມກວາງຫ້ຽວ ກໍ່ຢືນຢັນວ່າ ສະຖານທູດຫວຽດນາມ ປະຈຳຍີ່ປຸ່ນ ຍາມໃດກໍ່ຮ່ວມເດີນທາງ, ໜູນຊ່ວຍສະມາຄົມວັດທະນະທຳພື້ນເມືອງຫວຽດນາມ ປະຈໍາຍີ່ປຸ່ນ ແລະບັນດາສະມາຄົມສະມາຊິກເພື່ອພ້ອມກັນຮ່ວມແຮງຮ່ວມໃຈກໍ່ສ້າງປະຊາຄົມຊາວຫວຽດນາມ ຢູ່ຍີ່ປຸ່ນ ໃຫ້ໝັ້ນຄົງ, ສາມັກຄີ, ມຸ່ງຫາບ້ານເກີດເມືອງນອນ.

ທີ່ພິທີ, ຄະນະບໍລິຫານງານສະມາຄົມຍັງໄດ້ເປີດຕົວຢ່າງເປັນທາງການ ແລະໃຫ້ຄຳໝັ້ນສັນຍາຍົກສູງນ້ຳໃຈສາມັກຄີ, ປະດິດສ້າງ, ປະກອບສ່ວນກໍ່ສ້າງປະຊາຄົມຊາວຫວຽດນາມ ຢູ່ຍີ່ປຸ່ນ ໃຫ້ນັບມື້ນັບເຕີບໃຫຍ່ເຂັ້ມແຂງ, ຕັ້ງໜ້າເຂົ້າຮ່ວມການສ້າງສາຍພົວພັນມິດຕະພາບ, ການພົບປະແລກປ່ຽນ, ແລກປ່ຽນວັດທະນະທຳລະຫວ່າງສອງປະເທດ ຫວຽດນາມ-ຍີ່ປຸ່ນ.

ໂດຍ: ຈາງຫງວຽນ