ເດັດຂາດບໍ່ໃຫ້ຂາດເຂີນໄຟຟ້າ ເມື່ອການເຕີບໂຕເສດຖະກິດ 2 ຕົວເລກ

ທ່ານນາຍົກລັດຖະມົນຕີ ຟ້າມມິງຈີ້ງ ກ່າວຄໍາເຫັນຊີ້ນໍາທີ່ກອງປະຊຸມ. ພາບ: ຫວູຢຸງ.

ກ່າວຄໍາເຫັນທີ່ກອງປະຊຸມ, ທ່ານນາຍົກລັດຖະມົນຕີ ໃຫ້ຮູ້ວ່າ ຜົນສໍາເລັດຂອງໂຄງການໄດ້ປະກອບສ່ວນຍົກສູງຄຸນຄ່າວັດທະນະທໍາ, ຜົນງານຂອງຂະແໜງໄຟຟ້າ; ຮູບພາບຊ່າງໄຟຟ້າ ໄດ້ຮັບການຍົກສູງໃນໃຈປະຊາຊົນ. ທ່ານນາຍົກລັດຖະມົນຕີ ຢັ້ງຢືນວ່າ ໜ້າທີ່ໃດກໍ່ສາມາດເຮັດໄດ້ຖ້າຫາກມີຄວາມຕັດສິນໃຈ, ກ້າຄິດ, ກ້າເຮັດ ແລະຮູ້ວິທີເຮັດ... ກ່ຽວກັບບົດຮຽນປະສົບການ, ທ່ານນາຍົກລັດຖະມົນຕີ ຖືວ່າ ຜົນສໍາເລັດຂອງໂຄງການແມ່ນຍ້ອນຮູ້ເສີມຂະຫຍາຍກໍາລັງແຮງມະຫາສາມັກຄີທົ່ວປວງຊົນທັງຊາດ, ລະດົມກໍາລັງແຮງຂອງທັງລະບົບການເມືອງ, ຮັບປະກັນການນໍາພາຂອງພັກດ້ວຍທັດສະນະແຫຼ່ງກໍາລັງເລີ່ມຈາກຈິນຕະນາການ ແລະວິໄສທັດ, ກໍາລັງໜູນເລີ່ມຈາກການປ່ຽນແປງໃໝ່ ແລະປະດິດສ້າງ, ກໍາລັງແຮງເລີ່ມຈາກປະຊາຊົນ, ວິສາຫະກິດ...

ບັນຍາກາດທີ່ກອງປະຊຸມ. ພາບ: ຫວູຢຸງ.

ທ່ານນາຍົກລັດຖະມົນຕີ ໃຫ້ຮູ້ວ່າ 1 ຄະແນນເປີເຊັນການເຕີບໂຕລວມຍອດຜະລິດຕະພັນພາຍໃນ (GDP) ຕ້ອງການປະມານ 1,5 ຄະແນນເປີເຊັນການເຕີບໂຕໄຟຟ້າ. ສະນັ້ນ, ຂະແໜງໄຟຟ້າຕ້ອງມີການບຸກທະລຸ, ບັນດາໂຄງການສະຕະວັດ, ໂຄງການທີ່ມີລັກສະນະຫັນປ່ຽນສະຖານະການ, ຫັນປ່ຽນພາວະ ແລະເດັດຂາດບໍ່ໃຫ້ຂາດເຂີນໄຟຟ້າດ້ວຍເປົ້າໝາຍເຕີບໂຕ GDP 2 ຕົວເລກ, ສືບຕໍ່ປະຕິບັດການຫັນປະເທດເປັນອຸດສາຫະກໍາ ແລະທັນສະໄໝ. ບົນຈິດໃຈນັ້ນ, ທ່ານນາຍົກລັດຖະມົນຕີ ຮຽກຮ້ອງໃຫ້ຂະແໜງໄຟຟ້າຕ້ອງເສີມຂະຫຍາຍລັກສະນະເພິ່ງຕົນເອງ, ສ້າງຄວາມເຂັ້ມແຂງດ້ວຍຕົນເອງ, ມີຄຸນນະທາດ, ໄຫວພິບ, ປະດິດສ້າງ, ປ່ຽນແປງໃໝ່; ເສີມຂະຫຍາຍກໍາລັງແຮງຂອງຂະແໜງໄຟຟ້າ ແລະທົ່ວລະບົບການເມືອງ, ຮັບປະກັນແຫຼ່ງໄຟຟ້າ, ການຈ່າຍໄຟຟ້າ, ຈໍາໜ່າຍ, ນໍາໃຊ້ໄຟຟ້າຢ່າງມີປະສິດທິຜົນ ແລະລາຄາໄຟຟ້າທີ່ເໝາະສົມ; ສົມທົບກັບວິສາຫະກິດອື່ນ, ລະດົມກໍາລັງແຮງຈາກປະຊາຊົນ, ສັງຄົມ ເພື່ອພັດທະນາຂະແໜງໄຟຟ້າ...

ທ່ານນາຍົກລັດຖະມົນຕີ ຟ້າມມິງຈີ້ງ ແລະບັນດາຜູ້ແທນເຂົ້າຮ່ວມກອງປະຊຸມ. ພາບ: ຫວູຢຸງ.

ທີ່ກອງປະຊຸມ, ສະຫະພັນໃຫຍ່ແຮງງານຫວຽດນາມ ແລະ EVN ໄດ້ປຸກລະດົມຂະບວນການແຂ່ງຂັນຍູ້ແຮງຄວາມຄືບໜ້າລົງທຶນກໍ່ສ້າງບັນດາໂຄງການຈຸດສຸມຂອງ EVN ປີ 2025, ດ້ວຍຫົວຂໍ້ແຂ່ງຂັນ “3 ນໍາໜ້າ, 2 ຮັບຜິດຊອບ”, ລວມມີ: ນໍາໜ້າໃນພື້ນຖານໂຄງລ່າງ, ນໍາໜ້າປະຕິບັດສໍາເລັດຄວາມຄືບໜ້າ, ນໍາໜ້າຜ່ານຜ່າຄວາມຫຍຸ້ງຍາກ; ຄວາມຮັບຜິດຊອບຮັບປະກັນຄຸນນະພາບ, ຄວາມຮັບຜິດຊອບໃນການປະຢັດ, ຕ້ານການຟຸມເຟືອຍ.

ໂດຍ: ໄຊຊະນະ