ທ່ານພົນໂທ ຈິ້ງວັນກວຽດ ຢ້ຽມຢາມ, ມອບຂອງຂວັນໃຫ້ອະດີດການນໍາກະຊວງປ້ອງກັນປະເທດ ແລະກົມໃຫຍ່ການເມືອງ

ທ່ານພົນໂທ ຈິ້ງວັນກວຽດ ຢ້ຽມຢາມທ່ານພົນເອກ ໂງຊວນລິກ. ພາບ: ຫວຽດຮ່າ

ທ່ານພົນໂທ ຈິ້ງວັນກວຽດ ອວຍພອນທ່ານພົນເອກ ໂງຊວນລິກ, ພົນເອກ ຫງວຽນກວຽດ, ພົນໂທ ຟ້າມແທງເງິນ ຈົ່ງມີສຸຂະພາບແຂງແຮງ, ສືບຕໍ່ເອົາໃຈໃສ່, ປະກອບສະຕິປັນຍາເຂົ້າພາລະກິດປະຕິວັດຂອງພັກ, ພາລະກິດກໍ່ສ້າງກອງທັບເວົ້າລວມ ແລະອົງການກົມໃຫຍ່ການເມືອງ ກອງທັບປະຊາຊົນຫວຽດນາມ ເວົ້າສະເພາະ. ທ່ານພົນໂທ ຈິ້ງວັນກວຽດ ໄດ້ແຈ້ງໃຫ້ຊາບກ່ຽວກັບໝາກຜົນພົ້ນເດັ່ນໃນການປະຕິບັດໜ້າທີ່ການທະຫານ, ການປ້ອງກັນຊາດ ແລະໝາກຜົນໃນການປະຕິບັດໜ້າທີ່, ການເຄື່ອນໄຫວວຽກງານພັກ, ວຽກງານການເມືອງຂອງທົ່ວກອງທັບປີ 2024, ທິດທາງໜ້າທີ່ປີ 2025... ຕາມນັ້ນແລ້ວ, ປີ 2024 ຄະນະພັກການທະຫານສູນກາງ, ກະຊວງປ້ອງກັນປະເທດ ໄດ້ຊີ້ນໍາ, ນໍາພາທົ່ວກອງທັບປະຕິບັດສຳເລັດບັນດາໜ້າທີ່ຢ່າງຮອບດ້ານ, ມີຫຼາຍໜ້າທີ່ປະຕິບັດສໍາເລັດຢ່າງດີເລີດ. ເສີມຂະຫຍາຍບົດບາດຫຼັກແຫຼ່ງເປັນຢ່າງດີໃນການກໍ່ສ້າງພື້ນຖານປ້ອງກັນຊາດທ່ົວປວງຊົນ, ທ່າສະໜາມປ້ອງກັນຊາດທ່ົວປວງຊົນ ຕິດພັນກັບທ່າສະໜາມປ້ອງກັນຄວາມສະຫງົບປະຊາຊົນ ແລະ “ທ່າສະໜາມໃນໃຈປະຊາຊົນ” ນັບມື້ນັບໝັ້ນຄົງເຂັ້ມແຂງ. ການເຄື່ອນໄຫວວຽກງານພັກ, ວຽກງານການເມືອງຂອງທ່ົວກອງທັບ ຍາມໃດກໍ່ຕິດແທດກັບສະພາບການ, ໜ້າທີ່ຂອງກອງທັບ; ນັບມື້ນັບລົງເລິກ, ມີປະສິດທິຜົນ. ທົ່ວກອງທັບ ຕັ້ງໜ້າເຂົ້າຮ່ວມກໍ່ສ້າງຮາກຖານການເມືອງຢູ່ທ້ອງຖິ່ນໃຫ້ໝັ້ນຄົງເຂັ້ມແຂງ, ຊ່ວຍປະຊາຊົນລົບລ້າງຄວາມອຶດຫິວຫຼຸດຜ່ອນຄວາມທຸກຍາກ, ກໍ່ສ້າງຊົນນະບົດໃໝ່, ເຮັດວຽກງານແນວຫຼັງກອງທັບ, ຢ້ຽມຢາມ, ມອບຂອງຂວັນໃຫ້ຄອບຄົວເປົ້າໝາຍນະໂຍບາຍ, ຜູ້ມີຄຸນງາມຄວາມດີຕໍ່ການປະຕິວັດເປັນຢ່າງດີ; ຊ່ວຍປະຊາຊົນໃນການປ້ອງກັນ, ຕ້ານ, ແກ້ໄຂຜົນຮ້າຍຢ້ອນຫຼັງຈາກໄພທໍາມະຊາດ, ພາຍຸນໍ້າຖ້ວມຢ່າງມີປະສິດທິຜົນ...

ທ່ານພົນເອກ ໂງຊວນລິກ, ທ່ານພົນເອກ ຫງວຽນກວຽດ, ທ່ານພົນໂທ ຟ້າມແທງເງິນ ໄດ້ຂອບໃຈຕໍ່ການເອົາໃຈໃສ່ຂອງຄະນະພັກການທະຫານສູນກາງ, ກະຊວງປ້ອງກັນປະເທດ; ສະແດງຄວາມປິຕິຊົມຊື່ນຕໍ່ໝາກຜົນ ເຊິ່ງ ທົ່ວກອງທັບບັນລຸໄດ້ໃນປີ 2024; ເຊື່ອໝັ້ນວ່າພາຍໃຕ້ການຊີ້ນໍາ, ນໍາພາຂອງພັກ, ລັດ, ໂດຍກົງແມ່ນຄະນະພັກການທະຫານສູນກາງ, ກະຊວງປ້ອງກັນປະເທດ, ກອງທັບປະຊາຊົນຫວຽດນາມ ຍາມໃດກໍ່ຈະເສີມຂະຫຍາຍມູນເຊື້ອອັນສະຫງ່າງາມ, ປະຕິບັດໜ້າທີ່ ທີ່ພັກ, ລັດ ແລະປະຊາຊົນມອບໝາຍໃຫ້ຢ່າງດີເລີດ.

ໂດຍ: ໄຊນີດາ