ກ່າວຄໍາເຫັນທີ່ພິທີ, ທ່ານ ຫວູຫວຽດງວ້ານ ປະທານສະມາຄົມມິດຕະພາບຫວຽດນາມ-ສິງກະໂປ ໄດ້ຕີລາໂດຍລວມໄລຍະທາງ 10 ປີແຫ່ງວັນສ້າງຕັ້ງ ແລະພັດທະນາຂອງສະມາຄົມມິດຕະພາບ ຫວຽດນາມ-ສິງກະໂປ ຕັ້ງແຕ່ວັນສ້າງຕັ້ງວັນທີ 16 ກໍລະກົດ 2014. ທ່ານຍັງໃຫ້ຮູ້ວ່າ ສະມາຄົມມິດຕະພາບຫວຽດນາມ-ສິງກະໂປ ໄດ້ເຮັດບົດບາດເປັນຂົວເຊື່ອມຕໍ່ມິດຕະພາບເປັນຢ່າງດີ, ເພີ່ມທະວີຄວາມເຂົ້າໃຈກັນກ່ຽວກັບເສດຖະກິດ ແລະວັດທະນະທໍາ, ກ່ຽວກັບປະເທດ ແລະຊາວຫວຽດນາມ, ປະກອບສ່ວນນໍາການພົວພັນສອງຊາດຫວຽດນາມ-ສິງກະໂປ ຫຍັບເຂົ້າໄກ້ກັນກວ່າ. ສະມາຄົມໄດ້້ເປັນເຈົ້າການສ້າງສາ ແລະປະຕິບັດລາຍການກະທໍາທັງເປັນຫຼາຍຮູບຫຼາຍແບບກ່ຽວກັບຮູບການ, ນັບແຕ່ການເຊື່ອມຕໍ່ປະຊາຄົມວິສາຫະກິດເຖິງການເຊື່ອມຕໍ່ວົງຄະນະຍາດວັດທະນະທໍາ, ການສຶກສາ ແລະສັງຄົມ; ທັງມີໄຫວພິບກ່ຽວກັບວິທີການຮ່ວມມື; ພ້ອມທັງ ຮັບປະກັນລັກສະນະແທດຈິງ, ມີປະສິດທິຜົນ.
    |
 |
|
ທ່ານ ຫວູຫວຽດງວ້ານ ປະທານສະມາຄົມມິດຕະພາບຫວຽດນາມ-ສິງກະໂປ ກ່າວຄໍາເຫັນ. ພາບ: qdnd.vn |
ໃນ 10 ປີຜ່ານມາ, ສະມາຄົມໄດ້ຜັນຂະຫຍາຍບັນດາກິດຈະກໍາເຄື່ອນໄຫວດ້ວຍ 3 ເສົາຄໍ້າຫຼັກ: ເຊື່ອມຕໍ່ປະຊາຊົນວິສາຫະກິດຫວຽດນາມ-ສິງກະໂປ ເພື່ອສ້າງຂົວເຊື່ອມຕໍ່ແນໃສ່ຊຸກຍູ້ການເຄື່ອນໄຫວການຄ້າ-ການລົງທຶນ; ຜັນຂະຫຍາຍບັນດາການເຄື່ອນໄຫວພົບປະແລກປ່ຽນ, ແລກປ່ຽນວັດທະນະທໍາ, ການທູດປະຊາຊົນລະຫວ່າງສອງປະເທດ; ສົມທົບກັບບັນດາຄູ່ຮ່ວມມືສິງກະໂປ ຜັນຂະຫຍາຍບັນດາການເຄື່ອນໄຫວກຸສົນ ແລະບັນດາໂຄງການຮ່ວມມືສັງຄົມ.
ໃນໄລຍະຈະມາເຖິງ, ສະມາຄົມໄດ້ກໍານົດໜ້າທີ່ຈຸດສຸມແມ່ນສືບຕໍ່ປັບປຸງບູລະນະວຽກງານຈັດຕັ້ງ ແລະພັດທະນາສະມາຄົມ, ສ້າງສາ ແລະພັດທະນາການພົວພັນຄູ່ຮ່ວມມືການຮ່ວມມືກັບບັນດາສຳນັກງານ, ອົງການຈັດຕັ້ງ, ສ່ວນບຸກຄົນຂອງຫວຽດນາມ ແລະສິງກະໂປ ໃຫ້ສໍາເລັດ, ພ້ອມທັງເປັນຂົວເຊື່ອມຕໍ່ໃຫ້ບັນດາວິສາຫະກິດຫວຽດນາມ ແລະສິງກະໂປ ສ້າງຕັ້ງ ແລະເປີດກວ້າງການພົວພັນຮ່ວມມື, ດໍາເນີນທຸລະກິດໃນບັນດາຂົງເຂດທີ່ຕ່າງຝ່າຍຕ່າງມີຄວາມສົນໃຈບົນພື້ນຖານພ້ອມມີຜົນປະໂຫຍດ...
|
|
 |
|
ທ່ານ ຫງວຽນມິງຫວູ ຮອງລັດຖະມົນຕີການຕ່າງປະເທດຫວຽດນາມ ມອບໃບຍ້ອງຍໍຂອງທ່ານ ຟ້າມມິງຈິ໊ງ ນາຍົກລັດຖະມົນຕີໃຫ້ສະມາຄົມມິດຕະພາບຫວຽດນາມ-ສິງກະໂປ. ພາບ: qdnd.vn |
ທີ່ພິທີ, ທ່ານ ຫງວຽນມິງຫວູ ຮອງລັດຖະມົນຕີຜູ້ປະຈໍາການກະຊວງການຕ່າງປະເທດຫວຽດນາມ ໄດ້ຕີລາຄາສູງບັນດາການເຄື່ອນໄຫວຫຼາຍຮູບຫຼາຍແບບ, ອຸດົມສົມບູນເຊິ່ງສະມາຄົມໄດ້ຜັນຂະຫຍາຍເພື່ອເຊື່ອມຕໍ່ ແລະຊຸກຍູ້ການລົງທຶນ, ການຄ້າ, ວັດທະນະທໍາ, ການສຶກສາ-ກໍ່ສ້າງ... ລະຫວ່າງສອງປະເທດ. ຕາມທ່ານແລ້ວ, ສະມາຄົມມິດຕະພາບຫວຽດນາມ-ສິງກະໂປ ໄດ້ປະກອບສ່ວນບົດບາດຫຼັກແຫຼ່ງ, ແກ່ນສານໃນການເຊື່ອມຕໍ່ລະຫວ່າງປະຊາຊົນທຸກຊັ້ນວັນນະຂອງສອງປະເທດ, ທ່ານ ເຊື່ອໝັ້ນວ່າ ໃນໄລຍະທີ່ຈະມາເຖິງສະມາຄົມຈະສືບຕໍ່ແມ່ນສະຖານທີ່ບົ່ມຊ້ອນແນວຄວາມຄິດຮ່ວມມືໃໝ່ໃຫ້ ຫວຽດນາມ ແລະສິງກະໂປ.
ເນື່ອງໃນໂອກາດນີ້, ທ່ານ ຫງວຽນມິງຫວູ ໄດ້ມອບໃບຍ້ອງຍໍຂອງທ່ານ ຟ້າມມິງຈິ໊ງ ນາຍົກລັດຖະມົນຕີໃຫ້ສະມາຄົມມິດຕະພາບຫວຽດນາມ-ສິງກະໂປ. ສະຫະສະມາຄົມມິດຕະພາບຫວຽດນາມ ໄດ້ມອບຫຼຽນໄຊລະນຶກ “ເພື່ອສັນຕິພາບ, ມິດຕະພາບລະຫວ່າງບັນດາຊາດ” ໃຫ້ 2 ບຸກຄົນ; ມອບໃບຍ້ອງຍໍໃຫ້ 7 ບຸກຄົນ ແລະ 1 ໝູ່ຄະນະໃນຄະນະບໍລິຫານງານສະມາຄົມມິດຕະພາບຫວຽດນາມ-ສິງກະໂປ.
ສະມາຄົມມິດຕະພາບຫວຽດນາມ-ສິງກະໂປ ກໍ່ມອບໃບຍ້ອງຍໍຂອງສູນກາງສະມາຄົມມິດຕະພາບຫວຽດນາມ-ສິງກະໂປ ໃຫ້ບັນດາໝູ່ຄະນະທີ່ມີຜົນງານດີເລີດໃນວຽກງານການທູດປະຊາຊົນ; ມອບສັນຍາລັກເຊີດຊູຂອງສະມາຄົມໃຫ້ບັນດາຄູ່ຮ່ວມມືສິງກະໂປ.
ໂດຍ: ເກື່ອງດັ້ງ