“ສຳຫຼວດ” ບັນດາຕະຫຼາດທີ່ມີຄວາມສາມາດບົ່ມຊ້ອນ
ໃນຊຸມປີມໍ່ໆມານີ້ິ້, ການເຄື່ອນໄຫວລົງທຶນອອກສູ່ຕ່າງປະເທດຂອງຫວຽດນາມ ບັນລຸໝາກຜົນໜ້າທີ່ເປັນສົ່ງເສີມ ແລະນັບມື້ນັບມີຫຼາຍວິສາຫະກິດມີມູມມອງຢາກອອກສູ່ໂລກເພື່ອລົງທຶນ, ດໍາເນີນທຸລະກິດ.
ຕາມຂໍ້ມູນຂອງກົມລົງທຶນຕ່າງປະເທດ (ກະຊວງແຜນການ ແລະການລົງທຶນຫວຽດນາມ) ໃຫ້ເຫັນວ່າ, ໃນ 10 ເດືອນຕົ້ນປີ 2024, ການລົງທຶນຂອງຫວຽດນາມ ຢູ່ຕ່າງປະເທດມີ 124 ໂຄງການໃໝ່, ລວມຍອດເງິນລົງທຶນບັນລຸ 473,1 ລ້ານໂດລາສາຫະລັດ (ເພີ່ມຂຶ້ນ 11,5% ເມື່ອທຽບໃສ່ໄຕມາດດຽວກັນຂອງປີ 2023); ບັນດານັກລົງທຶນ ຫວຽດນາມ ທີ່ລົງທຶນຕ່າງປະເທດແມ່ນ 15 ຂະແໜງການ ແລະມີ 30 ປະເທດ ແລະເຂດແຄວ້ນຮັບການລົງທຶນຂອງຫວຽດນາມ.
    |
 |
|
ພະນັກງານຂອງ Metfone (Viettel ຢູ່ກໍາປູເຈຍ) ແນະນໍາຜະລິດຕະພັນ, ບໍລິການກັບລູກຄ້າ. ພາບ: ຈູງຢຸງ |
ສະສົມມາຮອດເດືອນຕຸລາ ປີ 2024, ຫວຽດນາມ ໄດ້ມີ 1.789 ໂຄງການລົງທຶນຢູ່ຕ່າງປະເທດຍັງມີຜົນສັກສິດດ້ວຍຍອດເງິນລົງທຶນທັງໝົດກວ່າ 22,4 ຕື້ໂດລາຫະລັດ. ບັນດາປະເທດໄດ້ຮັບການລົງທຶນຂອງຫວຽດນາມ ຫຼາຍທີ່ສຸດແມ່ນລາວ (24,8%); ກໍາປູເຈຍ (13,1%); ເວເນຊູເອລາ (8,1%);...
ບັນດາຕົວເລກດັ່ງຂ້າງເທິງຍັງຈຳກັດຢູ່ແຕ່ກໍຖືວ່າແມ່ນກໍາລັງໜູນເພື່ອໃຫ້ບັນດາວິສາຫະກິດຫວຽດນາມ ສືບຕໍ່ບືນຕົວອອກສູ່ໂລກ. ມາຮອດປະຈຸບັນ. ບັນດາວິສາຫະກິດຫວຽດນາມ ມີຫຼາຍໂຄງການລົງທຶນຢູ່ຫຼາຍປະເທດ ແລະເຂດແຄວ້ນ, ຄື: ອາຊີ, ອະຟຣິກາ, ເອີລົບ ແລະອາເມລິກາລາຕິນ.
ຄຽງຂ້າງກັນນັ້ນ, ການເຄື່ອນໄຫວລົງທຶນຢູ່ຕ່າງປະເທດຂອງຫວຽດນາມ ເປັນຕົ້ນແມ່ນມາຈາກບັນດາກຸ່ມບໍລິສັດ, ບໍລິສັດໃຫຍ່ແຫ່ງລັດຜ່ານບັນດາໂຄງການມີຂະໜາດທຶນຫຼາຍມາໃນປະຈຸບັນ, ຫຼາຍວິສາຫະກິດພາກເອກະຊົນໄດ້ເຂົ້າຮ່ວມການລົງທຶນ ແລະເກັບກ່ຽວສໍາເລັດຜົນຢູ່ຫຼາຍປະເທດ ແລະເຂດແຄວ້ນ, ພົ້ນເດັ່ນ, ຄື: Vingroup, FPT, TH, Vinamilk. ການລົງທຶນຂອງຫວຽດນາມ ຢູ່ຕ່າງປະເທດກໍ່ລົງທຶນຢູ່ຫຼາຍຂົງເຂດ, ແຕ່ການເຄື່ອນໄຫວດ້ານວິຊາສະເພາະວິທະຍາສາດ, ເຕັກໂນໂລຢີ, ນ້ໍາມັນອາຍແກັດ, ໂທລະຄົມມະນາຄົມ, ອຸດສາຫະກໍາປຸງແຕ່ງ, ປະດິດເຖິງການຂຸດຄົ້ນ, ຂາຍຍົກ, ຂາຍຍ່ອຍ, ສ້ອມແປງລົດໂອໂຕ, ລົດຈັກ, ຂົນສົ່ງສາງເຄື່ອງ...
ສໍາຄັນກວ່ານັ້ນແມ່ນຫຼາຍໂຄງການລົງທຶນຂອງຫວຽດນາມ ຢູ່ຕ່າງປະເທດໄດ້ ແລະພວມເສີມຂະຫຍາຍຢ່າງມີປະສິດທິຜົນ, ນຳເອົາກໍາໄລມາໃຫ້ ແລະຊ່ວຍວິສາຫະກິດພັດທະນາ, ພ້ອມກັນນັ້ນແມ່ນການປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງປະເທດກໍ່ຄືບັນດາປະເທດປະຈໍາຖິ່ນບ່ອນທີ່ຜັນຂະຫຍາຍການເຄື່ອນໄຫວລົງທຶນ.
|
|
 |
|
ພະນັກງານຂອງ Movitel (Viettel ຢູ່ໂມຊໍາບິກ) ແນະນໍາຜະລິດຕະພັນ, ບໍລິການກັບລູກຄ້າ. ພາບ: ຈູງຢຸງ |
ເມື່ອບັນລຸໄດ້ບັນດາຜົນງານໃດໜຶ່ງ ແລະ“ຕິດແທດ” ກັບບັນດາຕະຫຼາດລົງທຶນທີ່ເປັນມູນເຊື້ອ, ບາງວິສາຫະກິດຫວຽດນາມ ພວມພິສູດໃຫ້ເຫັນກໍາລັງບືນຕົວຂຶ້ນຢ່າງແຂງແຮງຂອງຕົນດ້ວຍວິທີຊອກຫາບັນດາຂະແໜງອາຊີບດໍາເນີນທຸລະກິດໃໝ່, ເຂົ້າເຖິງ ແລະ“ສຳຫຼວດ” ບັນດາຕະຫຼາດທີ່ມີຄວາມສາມາດບົ່ມຊ້ອນໃໝ່.
ຕາມຮອຍບັນດາວິສາຫະກິດທີ່ນໍາໜ້າ
ພາຍຫຼັງທີ່ວິສາຫະກິດສໍາເລັດຖືວ່າແມ່ນນໍາໜ້າໃນການເຄື່ອນໄຫວລົງທຶນສາກົນ, ນັບມື້ນັບມີຫຼາຍວິສາຫະກິດຫວຽດນາມ ສົ່ງເສີມ ຫຼື ພວມມີຄວາມຝັນຢາກຄອງບັນດາຕະຫຼາດທີ່ມີຄວາມສາມາດບົ່ມຊ້ອນຢູ່ຕ່າງປະເທດ.
ພຽງແຕ່ໃນປີນີ້, ກຸຸ່ມບໍລິສັດ TH ໄດ້ເລີ່ມກໍ່ສ້າງໂຄງການລ້ຽງງົວ ແລະປຸງແຕ່ງນົມລວມຍອດເງິນລົງທຶນ 18 ຕື້ rub (ກວ່າ 5.200 ຕື້ດົງ) ຢູ່ເຂດຕາເວັນອອກໄກສະຫະພັນລັດເຊຍ, ຈາກນັ້ນແມ່ນຫຍັບເຂົ້າໃກ້ກວ່າຕໍ່ເລື່ອງຫັນເປົ້າໝາຍລົງທຶນ 2,7 ຕື້ໂດລາສະຫະລັດຢູ່ຕະຫຼາດນີ້ໃຫ້ປະກົດຜົນເປັນຈິງ. ໃນຂະນະນັ້ນ, ກຸ່ມບໍລິສັດ FPT ໄດ້ຊື້ 100% ທຶນຂອງບໍລິສັດບໍລິຫານເຕັກໂນໂລຢີຂໍ້ມູນຂ່າວສານຍີ່ປຸ່ນ Next Advanced Communications (NAC)-ການຊື້ຂາຍ, ໂຮມເຂົ້າກັນ (M&A) ທໍາອິດຂອງ FPT ຢູ່ຕະຫຼາດຍີ່ປຸ່ນ, ພ້ອມທັງເປີດບັນດາສາຂາໃໝ່ຢູ່ຕະຫຼາດຕ່າງປະເທດຕື່ມອີກ.
ເມື່ອເວົ້າເຖິງຜົນສໍາເລັດຂອງບັນດາວິສາຫະກິດຫວຽດນາມ ທີ່ລົງທຶນທໍາມາຫາກິນຢູ່ຕ່າງປະເທດ, ແນ່ນອນວ່າຕ້ອງເວົ້າເຖິງກຸ່ມບໍລິສັດອຸດສາຫະກໍາ-ໂທລະຄົມມະນາຄົມກອງທັບ (Viettel). ແຕ່ປີ 2006, ໝາຍຄວາມວ່າພຽງສອງປີທີ່ດໍາເນີນທຸລະກິດບໍລິການມືຖືຢູ່ພາຍໃນ ປະເທດ, Viettel ເລີ່ມບືນຕົວອອກສູ່ຕະຫຼາດສາກົນດ້ວຍຍຸດທະສາດ “ເຜີຍແຜ່ບໍລິການໂທລະຄົມມະນາຄົມ” ຢູ່ກໍາປູເຈຍ ດ້ວຍການກໍາເນີດຂອງເຄື່ອງໝາຍການຄ້າ Metfone ຢູ່ຕະຫຼາດນີ້. ມາຮອດປະຈຸບັນ Viettel ໄດ້ກາຍເປັນນັກລົງທຶນໂທລະຄົມມະນາຄົມໃຫຍ່ຢູ່ຫຼາຍປະເທດດ້ວຍມູນຄ່າເຄື່ອງໝາຍການຄ້າບັນລຸ 9 ຕື້ໂດລາສະຫະລັດ, ຮັກສາທີ່ຕັ້ງນໍາໜ້າກ່ຽວກັບເບີໂທລະສັບມືຖືຢູ່ 7/10 ຕະຫຼາດສາກົນເຊິ່ງກຸ່ມບໍລິສັດລົງທຶນ, ດ້ວຍບັນດາເຄື່ອງໝາຍການຄ້າ Metfone (Viettel ຢູ່ກໍາປູເຈຍ), Unitel (ຢູ່ລາວ), Telemor ຢູ່ (ຕີມໍ ແລັດເຕ), Lumitel ຢູ່ (Burundi), Natcom (ຢູ່ Haiti), Mytel (ຢູ່ ມຽນມາ) ແລະ Movitel (ຢູ່ໂມຊໍາບິກ). Viettel ກໍ່ແມ່ນເຄື່ອງໝາຍການຄ້າໂທລະຄົມມະນາຄົມໜຶ່ງດຽວຂອງອາຊີຕາເວັນອອກສ່ຽງໃຕ້ທີ່ມີໜ້າຢູ່ຕາຕະລາງຈັດອັນດັບ Global 500 ຂອງ Brand Finance. ດ້ວຍລາຍຮັບຈາການເຄື່ອນໄຫວລົງທຶນລື່ນກາຍລະດັບ 3 ຕື້ໂດລາສະຫະລັດ, Viettel ຮັກສາລະດັບເຕີບໂຕສູງໃນ 6 ປີລຽນຕິດ ແລະແຕ່ລະປີສາມາດສ້າງລາຍຮັບເງິນຕ່າງປະເທດສົ່ງກັບຫວຽດນາມ ຂຶ້ນເຖິງ 500 ລ້ານໂດລາສະຫະລັດ. ທ່ານ ດ່າວຊວນຫວູ ຮອງຜູ້ອໍານວຍການໃຫຍ່ກຸ່ມບໍລິສັດ Viettel ໃຫ້ຮູ້ວ່າ ໃນໄລຍະຜ່ານມາ, ຫຼາຍປະເທດຢູ່ພາກພື້ນອາເມລິກາລາຕິນ ແລະອະຟຣິກາ ສະແດງຄວາມປາດຖະໜາຢາກເຊີນ Viettel ມາສໍາຫຼວດລົງທຶນ.
|
|
 |
|
ເຄື່ອງໝາຍການຄ້າ Unitel (Viettel ຢູ່ລາວ) ຖືວ່າແມ່ນແບບຢ່າງໃຫ້ການຮ່ວມມືເສດຖະກິດລະຫວ່າງຫວຽດນາມ ແລະລາວ. ພາບ: ຈູງຢຸງ |
ຜົນສໍາເລັດຂອງບັນດາວິສາຫະກິດ ຖືວ່າແມ່ນ “ເປີດທາງໄປກ່ອນ”, ຄື: Viettel ນຳເອົາປະສົບການອັນລໍ້າຄ່າມາໃຫ້ບັນດາວິສາຫະກິດທີ່ພວມຊອກຫາບັນດາຕະຫຼາດຕ່າງປະເທດ. ນັ້ນແມ່ນວິໄສທັດຍຸດທະສາດ ແລະທິດສະດີປັດຊະຍາດໍາເນີນທຸລະກິດສອດຄ່ອງ, ແມ່ນນະໂຍບາຍຕິດພັນກັບຄວາມຕ້ອງການກ່ຽວກັບວຽກເຮັດງານທໍາ, ດັດປັບ ແລະຍົກສູງຄຸນນະພາບຊີວິດຂອງຊາວບ້ານ. ໜຶ່ງໃນບັນດາຕົວຢ່າງພົ້ນເດັ່ນແມ່ນເມື່ອ Viettel ມາ Burundi, ເກືອບ 80% ຄອບຄົວຢູ່ປະເທດ 10 ລ້ານຄົນນີ້ບໍ່ມີໂທລະພາບ ແລະ 98% ພົນລະເມືອງຍັງບໍ່ເຄີຍນໍາໃຊ້ອິນເຕີແນັດ. ແຕ່ດ້ວຍການມີໜ້າຂອງເຄື່ອງໝາຍການຄ້າ Lumitel, ອິນເຕີແນັດໄດ້ມີສັນຍານ 18/18 ແຂວງ, ນະຄອນຂອງ Burundi. ຫຼືວ່າຄືຢູ່ຕະຫຼາດ ເປຣູ, Viettel ຊະນະການປະມູນໃບອະນຸຍາດໂທລະຄົມມະນາຄົມໂດຍອີງໃສ່, ປະຕິບັດສິ່ງທີ່ບໍ່ມີບໍລິສັດໂທລະຄົມມະນາຄົມອື່ນສາມາດເຮັດໄດ້: ສະໜອງອິນເຕີແນັດໃຫ້ 4.000 ໂຮງຮຽນໂດຍບໍ່ເສຍຄ່າ. ໃນຕະຫຼອດ 10 ປີທີ່ດໍາເນີນທຸລະກິດຢູ່ທີ່ນີ້, Viettel ຍັງປະຕິບັດພາລະກໍານັ້ນຕະຫຼອດ, ນັ້ນແມ່ນຮັບໃຊ້ປະຊາຊົນນັບທັງຢູ່ເຂດທີ່ຮ້າຍແຮງ.
ກໍ່ຕ້ອງເວົ້າຕື່ມອີກວ່າ, ເພື່ອສາມາດບືນຕົວອອກໂລກ, ຄຽງຂ້າງການເປັນເຈົ້າການຂອງວິສາຫະກິດຍັງຕ້ອງມີການຊ່ວຍເຫຼືອຈາກບັນດາກົນໄກ, ນະໂຍບາຍທີ່ກ່ຽວຂ້ອງເພື່ອໃຫ້ວິສາຫະກິດສາມາດເຂົ້າເຖິງ ແລະວາງອອກບັນດາຍຸດທະສາດດໍາເນີນທຸລະກິດທີ່ສອດຄ່ອງກັບແຕ່ລະປະເທດທີ່ລົງທຶນ, ໂດຍສະເພາະແມ່ນບັນດາຕະຫຼາດຕ່າງປະເທດນັບມື້ນັບຮຽກຮ້ອງຫຼາຍມາດຕະຖານທີ່ເຄັ່ງຄັດ.
ບືນຕົວອອກສູ່ຕະຫຼາດຕ່າງປະເທດອາດຈະແມ່ນຄວາມປາດຖະໜາຂອງວິສາຫະກິດໃດໜຶ່ງ. ເມື່ອມີໂອກາດ, ແຕ່ລະວິສາຫະກິດຈະກາຍເປັນແຫຼ່ງກໍາລັງໜຶ່ງເພື່ອປະກອບສ່ວນໃຫ້ແກ່ການບືນຕົວຂຶ້ນຂອງປະເທດ ແລະຫັນເປົ້າໝາຍນໍາຫວຽດນາມ ກາຍເປັນປະເທດພັດທະນາ, ມີລາຍຮັບສູງປະກົດຜົນເປັນຈິງ.
ໂດຍ: ໄຊນີດາ