ນັກຂ່າວ: ຂໍຮຽນທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ, ທ່ານສາມາດໃຫ້ຮູ້ຄວາມໝາຍແຫ່ງການຢ້ຽມຢາມ 3 ປະເທດຕາເວັນອອກກາງຂອງທ່ານນາຍົກລັດຖະມົນຕີ ຟ້າມມິງຈິ໊ງ ໄດ້ບໍ?

ທ່ານ ບຸ່ຍແທງເຊີນ ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ: ການຢ້ຽມຢາມເປັນຂີດໝາຍສຳຄັນ, ສະແດງໃຫ້ເຫັນການພົວພັນພວມຢູ່ໃນທ່າພັດທະນາອັນດີງາມລະຫວ່າງຫວຽດນາມ ກັບ 3 ປະເທດ ແລະມີຄວາມໝາຍພິເສດດັ່ງນີ້:

ທີໜຶ່ງ, ການຢ້ຽມຢາມເປັນການຢັ້ງຢືນຈິນຕະນາການໃໝ່, ວິໄສທັດຍຸດທະສາດໃໝ່, ຄວາມຕັດສິນໃຈສູງຂອງການນຳຫວຽດນາມ ໃນເລື່ອງນຳການພົວພັນກັບ 3 ປະເທດສຳຄັນຂອງເຂດອ່າວເຂົ້າສູ່ໄລຍະໃໝ່, ແຂງແຮງກວ່າ, ຮອບດ້ານກວ່າ, ໄວ້ເນື້ອເຊື່ອໃຈ, ເລິກເຊິ່ງກ່ວາດ້ວຍຫຼາຍກາລະໂອກາດກວ່າ.

ທີສອງ, ການຢ້ຽມຢາມໄດ້ຍົກລະດັບການພົວພັນລະຫວ່າງຫວຽດນາມ ກັບ 3 ປະເທດເວົ້າສະເພາະ ແລະເຂດຕາເວັນອອກກາງ - ອາຟຣິກາເໜືອ ເວົ້າລວມ. ເລື່ອງຍົກລະດັບການພົວພັນກັບສະຫະລັດ ອາຣັບ ເອມີເຣດ  ເປັນຄູ່ຮ່ວມມືຮອບດ້ານຢ່າງເປັນທາງການໄດ້ເປີດຄວາມສາມາມາດບົ່ມຊ້ອນພັດທະນາໃໝ່ໃຫ້ການພົວພັນລະຫວ່າງ 2 ປະເທດ, ເປີດກວ້າງເຄືອຂ່າຍຄູ່ຮ່ວມມືຮອບດ້ານຫວຽດນາມ ຂຶ້ນເປັນ 13 ປະເທດ; ພ້ອມກັນນັ້ນ, ເລື່ອງຫວຽດນາມ, ອາຣາບີ ຊາອຸດິດ ແລະ ກາຕາ ເຫັນດີຊຸກຍູ້ການຍົກລະດັບການພົວພັນຂຶ້ນສູ່ລະດັບສູງໃໝ່ໃນໄລຍະຈະມາເຖິງໂດຍໄວໄດ້ສ້າງກຳລັງໜູນເພື່ອພັດທະນາການພົວພັນມິດຕະພາບ ແລະການຮ່ວມມືຫຼາຍດ້ານລະຫວ່າງຫວຽດນາມ ກັບບັນດາປະເທດຢ່າງຮອບດ້ານ, ສ້າງໄມ້ງັດ ເພື່ອເພີ່ມທະວີການພົວພັນກັບຄູ່ຮ່ວມມືສຳຄັນອື່ນໆ ຢູ່ເຂດຕາເວັນອອກກາງ - ອາຟຣິກາເໜືອ.

leftcenterrightdel
ທ່ານ ບຸ່ຍແທງເຊີນ ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ. ພາບ: baoquocte.vn

ທີສາມ, ອີກເທື່ອໜຶ່ງ, ການຢ້ຽມຢາມຄັ້ງນີ້ໄດ້ສະແດງໃຫ້ເຫັນຈິນຕະນາການປ່ຽນແປງໃໝ່, ວິໄສທັດຍຸດທະສາດ, ຄໍາໝັ້ນສັນຍາຢ່າງແຂງແຮງ, ການກະທໍາຢ່າງຂ້ຽວຂາດໃນການຊຸກຍູ້ການຮ່ວມມືຫຼາຍດ້ານກັບເຂດຕາເວັນອອກກາງທີ່ເຕັມໄປດ້ວຍຄວາມສາມາດບົ່ມຊ້ອນ. ການຢ້ຽມຢາມໄດ້ເປີດກວ້າງຕະຫຼາດໃຫ້ແກ່ສິນຄ້າສົ່ງອອກຂອງຫວຽດນາມຕື່ມອີກ, ພ້ອມທັງດຶງດູດແຫຼ່ງເງິນລົງທຶນທີ່ມີຄຸນນະພາບສູງ, ເປີດກວ້າງການຮ່ວມມືໃນບັນດາຂົງເຂດທີ່ ຫວຽດນາມ ໃຫ້ບຸລິມະສິດເຊັ່ນ: ປັນຍາປະດິດ, ດາຕາ, cloud computing, ພະລັງງານສະອາດ, ການຫັນເປັນສີຂຽວ, ການຫັນເປັນດີຈີຕອນ, ນະວັດຕະກໍາ ແລະການພັດທະນາຂະແໜງ Halal...

ນັກຂ່າວ: ຂໍທ່ານໃຫ້ຮູ້ໝາກຜົນຕົ້ນຕໍຂອງການຢ້ຽມຢາມຄັ້ງນີ້?

ທ່ານ ບຸ່ຍແທງເຊີນ ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ: ການຢ້ຽມຢາມຂອງທ່ານນາຍົກລັດຖະມົນຕີ ໄດ້ປະສົບຜົນສຳເລັດຢ່າງຈົບງາມ, ບັນລຸເປົ້າໝາຍທີ່ໄດ້ວາງອອກດ້ວຍຫຼາຍໝາກຜົນທີ່ສຳຄັນ ແລະແທດຈິງ, ປະກອບສ່ວນປັບປຸງ ແລະເພີ່ມທະວີການພົວພັນມິດຕະພາບ, ການຮ່ວມມືກັບ 3 ປະເທດ.  ພວກເຮົາສາມາດເຫັນໄດ້ບັນດາຜົນງານຕົ້ນຕໍດັ່ງນີ້:

ທີໜຶ່ງ, ໃນຂອບເຂດການຢ້ຽມຢາມ, ມີເອກະສານສຳຄັນຫຼາຍສະບັບໄດ້ຮັບການຮັບຮອງເອົາ, ນັ້ນແມ່ນຖະແຫຼງການຮ່ວມກ່ຽວກັບການຍົກລະດັບການພົວພັນຫວຽດນາມ - ສະຫະລັດ ອາຣັບ ເອມີເຣດ ຂຶ້ນເປັນຄູ່ຮ່ວມມືຮອບດ້ານ, ຖະແຫຼງຂ່າວຮ່ວມລະຫວ່າງ ຫວຽດນາມ - ກາຕາ,  ເອກະສານຮ່ວມມື 33 ສະບັບໃນຂົງເຂດການຄ້າ - ການລົງທຶນ, ການເງິນ, ພະລັງງານ, ນະວັດຕະກຳ, ມາດຕະຖານ, ວັດແທກ ແລະຄຸນນະພາບ, ການສຶກສາ-ບໍາລຸງສ້າງ, ກິລາ, ການຮ່ວມມືລະຫວ່າງວິສາຫະກິດ..., ສ້າງພື້ນຖານໃຫ້ການຊຸກຍູ້ການຮ່ວມມືໃນທຸກຂົງເຂດລະຫວ່າງ ຫວຽດນາມ ແລະ 3 ປະເທດໃຫ້ພັດທະນາແຂງແຮງກວ່າອີກ.

ທີສອງ, ການຢ້ຽມຢາມໄດ້ເຮັດໃຫ້ຄວາມໄວ້ເນື້ອເຊື່ອໃຈດ້ານການເມືອງເລິກເຊິ່ງຂຶ້ນຕື່ມ, ປັບປຸງການພົວພັນອັນດີງາມລະຫວ່າງການນຳຂັ້ນສູງຂອງຫວຽດນາມ ກັບການນຳຂັ້ນສູງ ແລະພະບໍລົມວົງສານຸວົງຂອງ 3 ປະເທດ.

ທີສາມ, ການຢ້ຽມຢາມບັນລຸໄດ້ໝາກຜົນທີ່ແທດຈິງ, ບຸກທະລຸໃນຂົງເຂດການຮ່ວມມືດ້ານເສດຖະກິດ, ການຄ້າ ແລະການລົງທຶນ.

ທີສີ່, ການຢ້ຽມຢາມໄດ້ສ້າງກຳລັງໜູນໃໝ່, ເປີດໂອກາດຮ່ວມມືລະຫວ່າງຫວຽດນາມ ແລະ 3 ປະເທດໃນຫຼາຍຂົງເຂດ, ໃນນັ້ນມີບັນດາຂົງເຂດໃໝ່ ແລະມີຄວາມສາມາດບ່ົມຊ້ອນ.

ທີຫ້າ, ຢູ່ ຊາອຸດີ ອາຣາເບຍ, ທ່ານນາຍົກລັດຖະມົນຕີ ໄດ້ເຂົ້າຮ່ວມກອງປະຊຸມຂໍ້ລິເລີ່ມການລົງທຶນໃນອະນາຄົດຄັ້ງທີ 8, ສົ່ງສານກ່ຽວກັບປະເທດຫວຽດນາມ ປ່ຽນແປງໃໝ່ປະດິດຄິດສ້າງ, ຂະຫຍັນຂັນເຄື່ອນ ແລະພ້ອມແລ້ວທີ່ຈະພ້ອມກັບບັນດາປະເທດແລກປ່ຽນ, ແບ່ງປັນ, ຍົກອອກຂໍ້ລິເລີ່ມການລົງທຶນເພື່ອອະນາຄົດ ພັດທະນາແບບຍືນຍົງ ແລະຄວາມວັດທະນາຖາວອນ.

ນັກຂ່າວ: ຂໍທ່ານໃຫ້ຮູ້ທິດທາງຜັນຂະຫຍາຍ ບັນດາໝາກຜົນທີ່ບັນລຸໄດ້ຈາກການຢ້ຽມຢາມຄັ້ງນີ້?

ທ່ານ ບຸ່ຍແທງເຊີນ ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ: ບົນຈິດໃຈຖືເປັນສໍາຄັນ “ເວລາ”, ຖືເປັນສໍາຄັນ “ພູມປັນຍາ” ຄືດັ່ງທ່ານນາຍົກລັດຖະມົນຕີໄດ້ເນັ້ນໜັກ, ພວກເຮົາຕັດສິນໃຈປະຕິບັດບັນດາບຸລິມະສິດດັ່ງນີ້:

ທີໜຶ່ງ, ເພີ່ມທະວີການຮ່ວມມືໃນທຸກຂົງເຂດການເມືອງ-ການທູດ, ການປ້ອງກັນຊາດ-ປ້ອງກັນຄວາມສະຫງົບ, ເຕັກໂນໂລຢີ, ກະສິກຳ, ອຸດສາຫະກຳ, ພະລັງງານ, ການທ່ອງທ່ຽວ.

ທີສອງ, ຫັນບັນດາຂໍ້ຕົກລົງ ແລະຄຳໝັ້ນສັນຍາຂອງການນຳຂັ້ນສູງສອງປະເທດເປັນລະອຽດ, ບັນດາລັດຖະມົນຕີ, ຂະແໜງການ, ທ້ອງຖິ່ນທີ່ກ່ຽວຂ້ອງເປັນເຈົ້າການກວດກາຄືນບັນດາຂໍ້ຕົກລົງການຮ່ວມມືທີ່ໄດ້ລົງນາມ.

ທີສາມ, ສືບຕໍ່ປັບປຸງສະພາບແວດລ້ອມແຫ່ງການລົງທຶນ ແລະດຳເນີນທຸລະກິດ, ສ້າງເງື່ອນໄຂສະດວກໃຫ້ແກ່ວິສາຫະກິດ ຫວຽດນາມ ແລະ ບັນດາປະເທດເພີ່ມທະວີການຮ່ວມມືລົງທຶນ ແລະດຳເນີນທຸລະກິດ.

ທີສີ່, ຊຸກຍູ້ການພົບປະແລກປ່ຽນປະຊາຊົນ, ຍູ້ແຮງການເຄື່ອນໄຫວພົບປະແລກປ່ຽນດ້ານວັດທະນະທຳ, ການສຶກສາ, ການທ່ອງທ່ຽວ, ເພີ່ມທະວີຄວາມເຂົ້າອົກເຂົ້າໃຈລະຫວ່າງປະຊາຊົນຫວຽດນາມ ແລະ 3 ປະເທດ.

ຂ້າພະເຈົ້າເຊື່ອໝັ້ນວ່າ ດ້ວຍຄວາມຕັດສິນໃຈຢ່າງສູງ, ບັນດາໝາກຜົນທີ່ບັນລຸໄດ້ໃນການຢ້ຽມຢາມຄັ້ງນີ້ຂອງທ່ານນາຍົກລັດຖະມົນຕີ ຈະໄດ້ຮັບການຜັນຂະຫຍາຍຢ່າງມີປະສິດທິຜົນ, ປະກອບສ່ວນນໍາການພົວພັນມິດຕະພາບ ແລະການຮ່ວມມືຮອບດ້ານລະຫວ່າງຫວຽດນາມ ກັບ ສະຫະລັດ ອາຣັບ ເອມີເຣດ, ອາຣັບບີ ຊາອຸດິດ ແລະກາຕາ ຈະນັບມື້ນັບພັດທະນາຢ່າງຮອບດ້ານ ແລະ ເລິກເຊິ່ງກວ້າງຂວາງ, ນໍາມາເຊິ່ງຜົນປະໂຫຍດທີ່ແທດຈິງໃຫ້ແກ່ປະຊາຊົນ, ວິສາຫະກິດຂອງສອງຝ່າຍ, ປະກອບສ່ວນເຂົ້າໃນສັນຕິພາບ, ສະຖຽນລະພາບ ແລະການພັດທະນາຂອງພາກພື້ນ ແລະໂລກ, ກໍຄືປະກອບສ່ວນນຳຫວຽດນາມ ກ້າວເຂົ້າສູ່ສັງກາດໃໝ່, ເປັນສັງກາດບືນຕົວຂຶ້ນຂອງຊາດ.

ນັກຂ່າວ: ຂໍຂອບໃຈທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ!

ໂດຍ: ທູຈາງ