ທ່ານນາຍົກລັດຖະມົນຕີ ຟ້າມມິງຈີ້ງ ຕີລາຄາສູງຫົວຂໍ້ FII 8 ແມ່ນ “ຂອບຟ້າທີ່ບໍ່ມີຈຸດສິ້ນສຸດ: ການລົງທຶນໃນມື້ນີ້, ກໍານົດທິດໃຫ້ອະນາຄົດ”; ເນັ້ນໜັກວ່າ ນີ້ແມ່ນໂອກາດທີ່ດີເພື່ອພ້ອມກັນແລກປ່ຽນ, ແບ່ງປັນ, ຍົກອອກຂໍ້ລິເລີ່ມຮ່ວມມືລົງທຶນ, ຜ່ານຜ່າສິ່ງຈໍາກັດເພື່ອມຸ່ງໄປເຖິງອະນາຄົດພັດທະນາແບບຍືນຍົງ, ວັດທະນາຖາວອນ.
    |
 |
|
ທ່ານນາຍົກລັດຖະມົນຕີ ຟ້າມມິງຈີ້ງ ກ່າວຄໍາເຫັນທີ່ກອງປະຊຸມຂໍ້ລິເລີ່ມການລົງທຶນອະນາຄົດ ຄັ້ງທີ 8. ພາບ: ສໍານັກຂ່າວສານຫວຽດນາມ. |
ທ່ານ ຟ້າມມິງຈີ້ງ ໃຫ້ຮູ້ວ່າ ຫວຽດນາມ ຫວັງວ່າບັນດາຄູ່ຮ່ວມມື, ປະຊາຄົມວິສາຫະກິດ, ນັກລົງທຶນເສີມຂະຫຍາຍບົດບາດຂອງຜູ້ນໍາໜ້າໃນການຊັກນໍາ, ກໍານົດທິດພັດທະນາຕາມຈິດໃຈ “ລົງທຶນໃນມື້ນີ້, ກໍານົດທິດໃຫ້ອະນາຄົດ”; ພິເສດແມ່ນຕ້ອງຮ່ວມເດີນທາງໜູນຊ່ວຍ, ຊ່ວຍເຫຼືອ, ຊຸກຍູ້ການຮ່ວມມື, ລົງທຶນຢູ່ບັນດາປະເທດພວມພັດທະນາ, ບັນດາປະເທດທຸກຍາກ, ບໍ່ໃຫ້ຜູ້ໃດຖືກຄ້າງໄວ້ຢູ່ເບື້ອງຫຼັງໃນໂລກທີ່ດີງາມ.
ທ່ານນາຍົກລັດຖະມົນຕີ ຟ້າມມິງຈີ້ງ ເນັ້ນໜັກວ່າ ຫວຽດນາມ ແລະບັນດາປະເທດຢູ່ພາກພື້ນຕາເວັນອອກກາງ ເວົ້າລວມກໍຄື Saudi Arabia ເວົ້າສະເພາະໄດ້ມີການພົວພັນມິດຕະພາບອັນດີງາມມາແຕ່ດົນນານ. ພິເສດ, ໃນຊຸມປີມໍ່ໆມານີ້, ບັນດາປະເທດຕາເວັນອອກກາງ ລ້ວນແຕ່ໃຫ້ບຸລິມະສິດແກ່ຫວຽດນາມ ໃນ “ນະໂຍບາຍມຸ່ງໄປສູ່ທິດຕາເວັນອອກ” ຂອງຕົນ.
ຫວຽດນາມ ຫວັງວ່າ ບັນດາຄູ່ຮ່ວມມື, ປະຊາຄົມວິສາຫະກິດ, ນັກລົງທຶນ Saudi Arabia, ຕາເວັນອອກກາງ ແລະໂລກ ສືບຕໍ່ຍູ້ແຮງບັນດາການເຄື່ອນໄຫວລົງທຶນ, ດໍາເນີນທຸລະກິດຢູ່ຫວຽດນາມ ແລະກັບຄູ່ຮ່ວມມືຫວຽດນາມ ກວ່າອີກ, ໂດຍສະເພາະແມ່ນໃນບັນດາຂົງເຂດ: ຫັນເປັນດີຈີຕອນ, ປັນຍາປະດິດ, Cloud Computing, IoT, ພະລັງງານທົດແທນ, ຕົວເມືອງອັດສະລິຍະ, ພື້ນຖານໂຄງລ່າງອັດສະລິຍະ, ການບໍລິຫານອັດສະລິຍະ...
ກ່ອນໜ້ານັ້ນ, ຕອນບ່າຍວັນທີ 29 ຕຸລາ (ຕາມເວລາທ້ອງຖິ່ນ), ຢູ່ Riyadh, ທ່ານນາຍົກລັດຖະມົນຕີ ຟ້າມມິງຈີ້ງ ໄດ້ມີການພົບປະສອງຝ່າຍກັບເຈົ້າຟ້າຊາຍ, ນາຍົກລັດຖະມົນຕີ Saudi Arabia Mohammed bin Salman.
|
|
 |
|
ທ່ານນາຍົກລັດຖະມົນຕີ ຟ້າມມິງຈີ້ງ ກັບເຈົ້າຟ້າຊາຍ, ນາຍົກລັດຖະມົນຕີ Saudi Arabia Mohammed bin Salman. ພາບ: ສໍານັກຂ່າວສານຫວຽດນາມ. |
ເຈົ້າຟ້າຊາຍ, ນາຍົກລັດຖະມົນຕີ Saudi Arabia Mohammed bin Salman ຢັ້ງຢືນວ່າ ການເຂົ້າຮ່ວມຂອງຫວຽດນາມ - ປະເທດທີ່ເປັນແບບຢ່າງໃນການພັດທະນາເສດຖະກິດທີ່ຂະຫຍັນຂັນເຄື່ອນຢູ່ອາຊີ - ເປີດໂອກາດໃໝ່ໃຫ້ແກ່ນັກລົງທຶນ, ປະກອບສ່ວນສໍາຄັນໃຫ້ແກ່ຜົນສໍາເລັດຂອງກອງປະຊຸມຂໍ້ລິເລີ່ມການລົງທຶນໃນອະນາຄົດ ຄັ້ງທີ 8 ແລະໃຫ້ແກ່ຍຸດທະສາດພັດທະນາໃນພາກພື້ນ.
ສອງນາຍົກລັດຖະມົນຕີ ຕີລາຄາສູງຕໍ່ບາດກ້າວພັດທະນາກະໂດດຂັ້ນໃນການພົວພັນສອງຝ່າຍລະຫວ່າງຫວຽດນາມ ແລະ Saudi Arabia ໃນ 25 ປີຜ່ານມາ. ການນໍາສອງທ່ານເຫັນດີຊຸກຍູ້ການເພີ່ມທະວີການແລກປ່ຽນຄະນະຜູ້ແທນທຸກຂັ້ນ, ພິເສດແມ່ນຄະນະຜູ້ແທນຂັ້ນສູງນັບທັງສອງຝ່າຍ ແລະນອກເວທີປາໄສຫຼາຍຝ່າຍ; ນໍາການຮ່ວມມືເສດຖະກິດກາຍເປັນເສົາຄໍ້າຫຼັກໃນການພົວພັນສອງຝ່າຍ, ນໍາ Saudi Arabia ກາຍເປັນໜຶ່ງໃນບັນດານັກລົງທຶນແຖວໜ້າຢູ່ຫວຽດນາມ ແລະມຸ່ງໄປເຖິງການຍົກວົງເງິນການຄ້າສອງຝ່າຍຂຶ້ນເປັນ 10 ຕື້ໂດລາສະຫະລັດ ໃນປີ 2030.
ທ່ານນາຍົກລັດຖະມົນຕີ ຟ້າມມິງຈີ້ງ ສະເໜີ ເຈົ້າຟ້າຊາຍ, ນາຍົກລັດຖະມົນຕີ Mohammed bin Salman ແລະບັນດາອົງການທີ່ກ່ຽວຂ້ອງຂອງ Saudi Arabia ສ້າງເງື່ອນໄຂສະດວກໃຫ້ແກ່ປະຊາຄົມຊາວຫວຽດນາມ ທີ່ພວມດໍາລົງຊີວິດ, ເຮັດວຽກຢູ່ Saudi Arabia ເຊື່ອມໂຍງຢ່າງເລິກເຊິ່ງເຂົ້າກັບປະເທດປະຈໍາຖິ່ນ, ຕັ້ງໜ້າປະກອບສ່ວນເຂົ້າໃນການພັດທະນາຂອງ Saudi Arabia ກໍຄືການພົວພັນຮ່ວມມືມິດຕະພາບລະຫວ່າງສອງປະເທດ. ທ່ານ Mohammed bin Salman ຢັ້ງຢືນວ່າ ຈະສ້າງເງື່ອນໄຂສະດວກເພື່ອໃຫ້ຜູ້ອອກແຮງງານຫວຽດນາມ ດໍາລົງຊີວິດເປັນປົກກະຕິຢູ່ Saudi Arabia.
ຕອນບ່າຍວັນທີ 29 ຕຸລາ (ຕາມເວລາທ້ອງຖິ່ນ), ຢູ່ Riyadh, ທ່ານນາຍົກລັດຖະມົນຕີ ຟ້າມມິງຈີ້ງ ໄດ້ພົບປະສອງຝ່າຍກັບທ່ານ Mostafa Madbouly ນາຍົກລັດຖະມົນຕີ ເອຢິບ.
|
|
 |
|
ທ່ານນາຍົກ ລັດຖະມົນຕີ ຟ້າມມິງຈີ້ງ ພົບປະສອງຝ່າຍກັບທ່ານ Mostafa Madbouly ນາຍົກລັດຖະມົນຕີ ເອຢິບ. ພາບ: ສໍານັກຂ່າວສານຫວຽດນາມ. |
ທ່ານນາຍົກລັດຖະມົນຕີ ຟ້າມມິງຈີ້ງ ຕີລາຄາສູງບົດບາດ, ທີ່ຕັ້ງຂອງເອຢິບ ຢູ່ພາກພື້ນ ແລະບັນດາເວທີປາໄສຫຼາຍຝ່າຍ. ບົນພື້ນຖານການພົວພັນມິດຕະພາບທີ່ເປັນມູນເຊື້ອອັນດີງາມ ແລະໄວ້ເນື້ອເຊື່ອໃຈດ້ານການເມືອງສູງ, ທ່ານນາຍົກລັດຖະມົນຕີ ຟ້າມມິງຈີ້ງ ສະເໜີສອງປະເທດ ຕັ້ງໜ້າຊຸກຍູ້ການພົວພັນໃນທຸກດ້ານໃຫ້ພັດທະນາກວ່າອີກ, ມຸ່ງໄປເຖິງຍົກລະດັບການພົວພັນສອງປະເທດຂຶ້ນລະດັບສູງໃໝ່.
ສ່ວນທ່ານນາຍົກລັດຖະມົນຕີ Mostafa Madbouly ຢັ້ງຢືນວ່າ ເອຢິບ ຍາມໃດກໍຖືເປັນສໍາຄັນການພົວພັນທີ່ເປັນມູນເຊື້ອກັບຫວຽດນາມ ແລະສະແດງຄວາມເຄົາລົບນັບຖືຢ່າງເລິກເຊິ່ງຕໍ່ປະທານໂຮ່ຈີມິນ; ປາດຖະໜາຢາກຊຸກຍູ້ການພົວພັນກັບຫວຽດນາມ; ຢັ້ງຢືນວ່າ ບັນດາວິສາຫະກິດຫວຽດນາມ ເມື່ອທໍາມາຫາກິນ, ລົງທຶນຢູ່ເອຢິບ ຈະໄດ້ຮັບຜົນປະໂຫຍດຈາກສັນຍາການຄ້າເສລີ ລະຫວ່າງເອຢິບ ກັບບັນດາປະເທດອາຣັບ.
ສອງນາຍົກລັດຖະມົນຕີ ຖືວ່າ ສອງພື້ນຖານເສດຖະກິດມີລັກສະນະເພີ່ມເຕີມໃຫ້ກັນສູງ ແລະຍັງມີຄວາມສາມາດບົ່ມຊ້ອນຫຼາຍຢ່າງເພື່ອຂຸດຄົ້ນ; ເຫັນດີແລກປ່ຽນກ່ຽວກັບຄວາມສາມາດສ້າງຕັ້ງຂອບການຮ່ວມມືດ້ານການຄ້າສອງຝ່າຍ, ຜ່ານນັ້ນປະກອບສ່ວນຍົກສູງວົງເງິນການຄ້າໃນໄລຍະຈະມາເຖິງ.
ຕອນບ່າຍວັນທີ 29 ຕຸລາ (ຕາມເວລາທ້ອງຖິ່ນ), ທີ່ Riyadh, ທ່ານນາຍົກລັດຖະມົນຕີ ຟ້າມມິງຈີ້ງ ໄດ້ຕ້ອນຮັບ ເຈົ້າຟ້າຊາຍ ແຫ່ງລາຊະອານາຈັກ Jordan Al Hussein bin Abdullah II.
ທ່ານນາຍົກລັດຖະມົນຕີ ຟ້າມມິງຈີ້ງ ຊົມເຊີຍຜົນສໍາເລັດຂອງ Jordan ໃນການຜັນຂະຫຍາຍ “ວິໄສທັດຫັນເສດຖະກິດເປັນທັນສະໄໝ”; ຕີລາຄາສູງບົດບາດຂອງ Jordan ໃນການໜູນຊ່ວຍຊາວ ປາແລັດສະຕິນ, ຜ່ານນັ້ນປະກອບສ່ວນເຂົ້າໃນສັນຕິພາບ, ສະຖຽນລະພາບ, ຮ່ວມມື ແລະພັດທະນາຢູ່ພາກພື້ນ.
|
|
 |
|
ທ່ານນາຍົກລັດຖະມົນຕີ ຟ້າມມິງຈີ້ງ ຕ້ອນຮັບເຈົ້າຟ້າຊາຍ ແຫ່ງລາຊະອານາຈັກ Jordan Al Hussein bin Abdullah II. ພາບ: ສໍານັກຂ່າວສານຫວຽດນາມ. |
ສ່ວນເຈົ້າຟ້າຊາຍ Al Hussein bin Abdullah II ສະແດງຄວາມນິຍົມຕໍ່ບັນດາຜົນງານໃນການພັດທະນາເສດຖະກິດ-ສັງຄົມຂອງຫວຽດນາມ, ຈຸດພົ້ນເດັ່ນກ່ຽວກັບການພັດທະນາເສດຖະກິດຢູ່ອາຊີ; ເຫັນດີຕໍ່ຄໍາສະເໜີຂອງທ່ານນາຍົກລັດຖະມົນຕີ ຟ້າມມິງຈີ້ງ ກ່ຽວກັບການສ້າງກົນໄກຮ່ວມມືສອງຝ່າຍ, ຄື: ການປຶກສາຫາລືດ້ານການເມືອງລະຫວ່າງສອງກະຊວງການຕ່າງປະເທດ ແລະຄະນະກໍາມະການລະຫວ່າງລັດຖະບານສອງປະເທດ.
ວັນທີ 30 ຕຸລາ, ທີ່ Riyadh, ທ່ານນາຍົກລັດຖະມົນຕີ ຟ້າມມິງຈີ້ງ ໄດ້ພົບປະກັບທ່ານ Shehbaz Sharif ນາຍົກລັດຖະມົນຕີ ປາກິດສະຖານ.
ຕີລາຄາສູງບົດບາດ ແລະທີ່ຕັ້ງຂອງປະເທດອາຊີໃຕ້, ທ່ານນາຍົກລັດຖະມົນຕີ ຟ້າມມິງຈີ້ງ ຢັ້ງຢືນວ່າ ຫວຽດນາມ ຖືເປັນສໍາຄັນການພົວພັນມິດຕະພາບ ແລະການຮ່ວມມືກັບປາກິດສະຖານ; ປາດຖະໜາຢາກນໍາການພົວພັນສອງປະເທດເຂົ້າສູ່ລວງເລິກ, ແທດຈິງ, ພິເສດແມ່ນໃນຂົງເຂດການຄ້າ, ການທ່ອງທ່ຽວ, ການພົບປະແລກປ່ຽນປະຊາຊົນ...
ສ່ວນທ່ານ Shehbaz Sharif ນາຍົກລັດຖະມົນຕີ ປາກິດສະຖານ ສະແດງຄວາມນິຍົມນັບຖື, ຖືວ່າ ຫວຽດນາມ ແມ່ນເປັນແບບຢ່າງທີ່ໃສແຈ້ງຂອງຂະບວນການປົດປ່ອຍຊາດໃນເມື່ອກ່ອນ ກໍຄືໃນການສ້າງສາ ແລະພັດທະນາປະເທດໃນປັດຈຸບັນ.
ໂອກາດນີ້, ສອງນາຍົກລັດຖະມົນຕີ ຍັງໄດ້ແບ່ງປັນທັດສະນະ, ແລກປ່ຽນກ່ຽວກັບມາດຕະການເພີ່ມທະວີການຮ່ວມມືລະຫວ່າງຫວຽດນາມ ແລະປາກິດສະຖານ ທີ່ບັນດາເວທີປາໄສສາກົນ, ຫຼາຍຝ່າຍກວ່າອີກ ເພື່ອຮັບໃຊ້ຜົນປະໂຫຍດທີ່ແທດຈິງຂອງປະຊາຊົນສອງປະເທດ ກໍຄື ຕັ້ງໜ້າປະກອບສ່ວນໃຫ້ແກ່ສັນຕິພາບ, ການຮ່ວມມື, ພັດທະນາຢູ່ພາກພື້ນ ແລະໃນໂລກ...
ຕອນຄໍ່າວັນທີ 29 ຕຸລາ (ຕາມເວລາທ້ອງຖິ່ນ), ທີ່ Riyadh, ທ່ານນາຍົກລັດຖະມົນຕີ ຟ້າມມິງຈີ້ງ ພ້ອມດ້ວຍພັນລະຍາ ແລະຄະນະຜູ້ແທນຂັ້ນສູງຫວຽດນາມ ໄດ້ພົບປະໂອ້ລົມກັບພະນັກງານ, ລັດຖະກອນສະຖານທູດ ແລະນັກວິສະວະກອນຫວຽດນາມ ຢູ່ Saudi Arabia.
ວັນທີ 30 ຕຸລາ, ທ່ານນາຍົກລັດຖະມົນຕີ ຟ້າມມິງຈີ້ງ ພ້ອມດ້ວຍພັນລະຍາ ແລະຄະນະຜູ້ແທນຂັ້ນສູງຫວຽດນາມ ໄດ້ສິ້ນສຸດການໄປປະຕິບັດງານຢູ່ Saudi Arabia ດ້ວຍຜົນສໍາເລັດອັນຈົບງາມ. ຕອນຄໍ່າວັນທີ 30 ຕຸລາ (ຕາມເວລາທ້ອງຖິ່ນ), ເຮືອບິນໂດຍສານທ່ານນາຍົກລັດຖະມົນຕີ ຟ້າມມິງຈີ້ງ ພ້ອມດ້ວຍພັນລະຍາ ແລະຄະນະຜູ້ແທນຂັ້ນສູງຫວຽດນາມ ໄດ້ໄປເຖິງສະໜາມບິນສາກົນ Doha, ເລີ່ມຕົ້ນການຢ້ຽມຢາມ ກາຕາ ຢ່າງເປັນທາງການຕາມຄໍາເຊີນຂອງທ່ານ Sheikh Mohammed bin Abdulrahman bin Jassim Al-Thani ນາຍົກລັດຖະມົນຕີ ແຫ່ງລັດ ກາຕາ.
ໂດຍ: ໄຊຊະນະ