6 ກຸ່ມມາດຕະການນໍາການພົວພັນຮ່ວມມືເຂົ້າສູ່ລວງເລິກ

ຕອນເຊົ້າວັນທີ 16 ມັງກອນ (ຕາມເວລາທ້ອງຖິ່ນ), ຢູ່ ທຳນຽບນາຍົກລັດຖະມົນຕີ ທີ່ນະຄອນຫຼວງ Warszawa, ທ່ານນາຍົກລັດຖະມົນຕີ ໂປໂລຍ Donald Tusk ເປັນເຈົ້າພາບພິທີຕ້ອນຮັບທ່ານນາຍົກລັດຖະມົນຕີ ຟ້າມມິງຈິ໊ງ ຢ່າງເປັນທາງການ.

ທີ່ການເຈລະຈາ, ທ່ານນາຍົກລັດຖະມົນຕີ ຟ້າມມິງຈິ໊ງ ໄດ້ສະເໜີໃຫ້ທ່ານນາຍົກລັດຖະມົນຕີ Donald Tusk ບັນດາກຸ່ມມາດຕະການໃຫຍ່, ໃນນັ້ນມີ: ເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ, ມຸ່ງໄປເຖິງການຍົກສູງການພົວພັນລະຫວ່າງ 2 ປະເທດຂຶ້ນເປັນຄູ່ຮ່ວມມືຍຸດທະສາດ; ນໍາການຮ່ວມມືດ້ານເສດຖະກິດເປັນເສົາຄ້ຳສຳຄັນຂອງການພົວພັນສອງຝ່າຍ, ສູ້ຊົນນໍາວົງເງິນການຄ້າສອງສົ້ນໃຫ້ບັນລຸ 5 ຕື້ໂດລາສະຫະລັດ; ເພີ່ມທະວີການຮ່ວມມືດ້ານປ້ອງກັນຊາດ-ປ້ອງກັນຄວາມສະຫງົບ; ຊຸກຍູ້ການສຶກສາ-ບຳລຸງສ້າງ, ການຮ່ວມມືດ້ານແຮງງານ;...

leftcenterrightdel
ບັນຍາກາດທີ່ການເຈລະຈາ. ພາບ: ສໍານັກຂ່າວສານຫວຽດນາມ

ພ້ອມນັ້ນ, ແມ່ນເພີ່ມທະວີການສົມທົບກັນ, ສະໜັບສະໜູນກັນຢູ່ບັນດາເວທີປາໄສພາກພື້ນ ແລະສາກົນ. ທ່ານນາຍົກລັດຖະມົນຕີ ປາດຖະໜາວ່າ ລັດຖະບານ ໂປໂລຍ ສືບຕໍ່ສ້າງຄວາມສະດວກໃຫ້ປະຊາຄົມຊາວຫວຽດນາມ ຢູ່ໂປໂລຍ ເຊື່ອມໂຍງເຂົ້າກັບສັງຄົມຂອງປະເທດປະຈໍາຖິ່ນ, ປະກອບສ່ວນໃຫ້ແກ່ການພັດທະນາຂອງ ໂປໂລຍ ກໍ່ຄືການພົວພັນມິດຕະພາບທີ່ເປັນມູນເຊື້ອລະຫວ່າງ 2 ປະເທດກໍ່ຄືການຮັບຮອງປະຊາຄົມແມ່ນຊົນເຜົ່າສ່ວນນ້ອຍຂອງໂປໂລຍ ໂດຍໄວ.

ທ່ານນາຍົກລັດຖະມົນຕີ Donald Tusk ເຫັນດີເປັນເອກະສັນວ່າ 2 ຝ່າຍຄວນພິຈາລະນາຍົກລະດັບການພົວພັນຂຶ້ນສູ່ລະດັບສູງໃໝ່ໂດຍໄວບົນພື້ນຖານຄວາມໄວ້ເນື້ອເຊື່ອໃຈດ້ານການເມືອງສູງ; ພ້ອມທັງ, ຕີລາຄາຫວຽດນາມ ແມ່ນໜຶ່ງໃນບັນດາຕະຫຼາດທີ່ມີຄວາມສາມາດບົ່ມຊ້ອນຂອງໂປໂລຍ ຢູ່ພາກພື້ນອາຊີ - ປາຊີຟິກ. ທ່ານນາຍົກລັດຖະມົນຕີ Donald Tusk ກໍ່ໃຫ້ຮູ້ວ່າ: ໂປໂລຍ ຈະໃຫ້ສັດຕະຍາບັນສັນຍາປົກປ້ອງການລົງທຶນຫວຽດນາມ - ອີຢູ (EVIPA) ໂດຍໄວ, ສະໜັບສະໜູນຄະນະກຳມະການເອີລົບ (EC) ຍົກເລິກ “ບັດເຫຼືອງ” ຕໍ່ສິນໃນນໍ້າສົ່ງອອກຂອງຫວຽດນາມ ເຂົ້າສູ່ ຕະຫຼາດ EU ໂດຍໄວ.

ເນື່ອງໃນໂອກາດນີ້, ສອງຝ່າຍໄດ້ລົງນາມໃນເອກະສານຮ່ວມມືຫຼາຍສະບັບໃນຂົງເຂດການທູດ ແລະແຮງງານ.

* ພາຍຫຼັງການເຈລະຈາ, ທ່ານນາຍົກລັດຖະມົນຕີ ຟ້າມມິງຈິ໊ງ ແລະທ່ານນາຍົກລັດຖະມົນຕີ Donald Tusk ໄດ້ພົບປະກັບບັນດານັກຂ່າວ, ແຈ້ງໝາກຜົນການເຈລະຈາ.

* ຕອນເຊົ້າວັນທີ 16 ມັງກອນ, ທ່ານນາຍົກລັດຖະມົນຕີ ຟ້າມມິງຈິ໊ງ, ພັນລະຍາ ແລະຄະນະຜູ້ແທນຫວຽດນາມ ໄດ້ວາງພວງມາລາຢູ່ເຂດອະນຸສອນສະຖານບັນດານັກຮົບນິລະນາມຢູ່ສະໜາມຫຼວງໄຊຊະນະທີ່ຕັ້ງຊື່ຈອມພົນ Jozef Piłsudski.

* ເນື່ອງໃນໂອກາດຮ່ວມເດີນທາງພ້ອມກັບທ່ານນາຍົກລັດຖະມົນຕີ ຟ້າມມິງຈິ໊ງ ໄປຢ້ຽມຢາມສາທາລະນະລັດໂປໂລຍ ແລະສ. ເຊັກ ຢ່າງເປັນທາງການ ແຕ່ວັນທີ 15 – 21 ມັງກອນ, ທ່ານພົນໂທ ເລຮຸຍວິ້ງ, ກຳມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ ໄດ້ພົບປະສອງຝ່າຍກັບທ່ານ Pawel Zaewski ຮອງລັດຖະມົນຕີກະຊວງປ້ອງກັນປະເທດໂປໂລຍ.

leftcenterrightdel
ບັນຍາກາດທີ່ການເຮັດວຽກ. ພາບ: qdnd.vn

ທີ່ການພົບປະ, ທ່ານພົນໂທ ເລຮຸຍວິ້ງ ປາດຖະໜາວ່າ ໃນໄລຍະຈະມາເຖິງ, ບົນພື້ນຖານບັນດາຂໍ້ຕົກລົງທີ່ໄດ້ລົງນາມ, ກະຊວງປ້ອງກັນປະເທດ 2 ປະເທດຕ້ອງສືບຕໍ່ເສີມຂະຫຍາຍປະສິດທິຜົນການຮ່ວມມືໃນບັນດາຂົງເຂດ ຄື: ພົບປະແລກປ່ຽນຄະນະຜູ້ແທນ, ພິເສດແມ່ນຄະນະຜູ້ແທນຂັ້ນສູງ, ບຳລຸງສ້າງ, ອຸດສາຫະກຳປ້ອງກັນຊາດ ແລະການຮັກສາສັນຕິພາບສະຫະປະຊາຊາດ; ພ້ອມທັງຄົ້ນຄວ້າຄວາມເປັນໄປໄດ້ໃນການຮ່ວມມື ແລະແບ່ງປັນບົດຮຽນກ່ຽວກັບການເຄື່ອນໄຫວແກ້ໄຂຜົນຮ້າຍຢ້ອນຫຼັງຈາກສົງຄາມ ແລະບັນດາຂົງເຂດອື່ນໆທີ່ສອງຝ່າຍມີຄວາມຕ້ອງການ, ສອດຄ່ອງກັບບົດບັນທຶກຄວາມຊ່ວຍຈໍາກ່ຽວກັບການຮ່ວມມືດ້ານປ້ອງກັນຊາດສອງຝ່າຍ.

ສ່ວນທ່ານຮອງລັດຖະມົນຕີກະຊວງປ້ອງກັນປະເທດ ໂປໂລຍ Pawel Zaewski ໄດ້ຕີລາຄາສູງ ແລະຊົມເຊີຍຂໍ້ສະເໜີຂອງຝ່າຍ ຫວຽດນາມ; ສະເໜີໃຫ້ບັນດາອົງການທີ່ກ່ຽວຂ້ອງຂອງສອງຝ່າຍເພີ່ມທະວີການແລກປ່ຽນ, ການພົບປະ ແລະການເຄື່ອນໄຫວເພື່ອຊຸກຍູ້ ແລະເຮັດໃຫ້ການຮ່ວມມືດ້ານປ້ອງກັນຊາດສອງຝ່າຍເວົ້າສະເພາະ ແລະການພົວພັນຫວຽດນາມ - ໂປໂລຍ ເວົ້າລວມໃນໄລຍະຈະມາເຖິງ.

ໂດຍ: ທະນາພອນ