ກູບາ ເປີດການປະມູນການຂຸດຄົ້ນນ້ຳມັນ
ບໍລິສັດນ້ຳມັນແຫ່ງຊາດກູບາ (CUPET) ໃຫ້ຮູ້ວ່າ: ລັດຖະບານປະເທດນີ້ຈະເປີດບໍນ້ຳມັນບາງແຫ່ງສຳລັບການປະມູນສາກົນ ເພື່ອເພີ່ມປະລິມານການຂຸດຄົ້ນໃຫ້ກາຍເປັນສິນຄ້າ.
ໂດຍນັກຊ່ຽວຊານ Jesus Marrero ຮັບຜິດຊອບພາກສ່ວນທຸລະກິດຂອງ CUPET ກ່າວວ່າ: ບໍໍນ້ຳມັນ 24 ແຫ່ງຕັ້ງໃນເຂດເສດຖະກິດພິເສດຂອງກູບາ ຢູ່ອ່າວເມັກຊິກ ຄາດວ່າຈະປະມູນໃນເດືອນເມສາ ປີ 2019 ນີ້. ຈາກນັ້ນຈະເປີດອີກຫລາຍບໍເພີ່ມຂຶ້ນຫຼັງຈາກງວດການປະມູນສາກົນ ຄັ້ງທຳອິດ. ກູບາ ມີບໍໍນ້ຳມັນທັງໝົດ 79 ແຫ່ງ, ໃນນີ້ 9 ແຫ່ງພວມມີການຮ່ວມສັນຍາ, ຊຶ່ງກູບາ ໄດ້ຂຸດຄົ້ນນ້ຳມັນດີບ 99% ຈາກເນື້ອທີ່ 750 ກິໂລຕາແມັດຕາມແຄມຝັ່ງທະເລທາງພາກເໜືອຈາກຮາວານາ ເຖິງວາຣາເດໂຣ ຫ່າງຈາກນະຄອນຫຼວງປະມານ 120 ກິໂລແມັດທາງພາກຕາເວັນອອກຂອງປະເທດ.
ຂ່າວ: ຂປລ