ກອງປະຊຸມຄັ້ງທໍາອິດຂອງບັນດາລັດຖະມົນຕີການຕ່າງປະເທດຍິງໃນໂລກ
ກປ.ອອນໄລ - ຕາມສໍານັກຂ່າວສານ AFP ແລ້ວ, ວັນທີ 22 ກັນຍາ, ຢູ່ນະຄອນ Montreal, ປະເທດ ການາດາ ໄດ້ດໍາເນີນກອງປະຊຸມລະຫວ່າງບັນດາລັດຖະມົນຕີການຕ່າງປະເທດຍິງ.
ນີ້ແມ່ນຄັ້ງທຳອິດທີ່ລັດຖະມົນຕີການຕ່າງປະເທດຍິງຂອງເກືອບ 20 ປະເທດໃນໂລກພົບປະກັນເພື່ອປຶກສາຫາລືກ່ຽວກັບ 4 ຫົວເລື່ອງຕົ້ນຕໍ, ລວມມີ “ເພີ່ມທະວີຄວາມເປັນເຈົ້າຕົນເອງ, ການເຂົ້າຮ່ວມການເຄື່ອນໄຫວດ້ານການເມືອງ ແລະການນໍາພາຂອງແມ່ຍິງ”, “ເພີ່ມທະວີປະຊາທິປະໄຕ”, “ຊຸກຍູ້ສັນຕິພາບ ແລະຄວາມໝັ້ນຄົງ” ແລະ “ຍົກເລີກການໃຊ້ຄວາມຮຸນແຮງບົນພື້ນຖານລະຫວ່າງເພດ”.
    |
 |
|
ບັນດາຜູ້ແທນເຂົ້າຮ່ວມກອງປະຊຸມບັນດາລັດຖະມົນຕີການຕ່າງປະເທດຍິງ ຢູ່ການາດາ. ພາບ: AP |
ຢູ່ນອກກອງປະຊຸມ, ທ່ານນາງ Chrystia Freeland ລັດຖະມົນຕີການຕ່າງປະເທດການາດາ ໄດ້ມີການພົບປະກັບທ່ານນາງ Federica Mogherini, ຜູ້ຕາງໜ້າຂັ້ນສູງກ່ຽວກັບນະໂຍບາຍຄວາມໝັ້ນຄົງ ແລະການພົວພັນຕ່າງປະເທດຂອງສະຫະພາບເອີລົບ (ອີຢູ). ການນໍາສອງທ່ານຫວັງວ່າການພົບປະຄັ້ງນີ້ເປັນຂີດໝາຍບາດລ້ຽວເປີດສາກໃຫ້ແກ່ມູນເຊື້ອຮ່ວມມືລະຫວ່າງບັນດາລັດຖະມົນຕີຍິງ.
ນອກຈາກນັ້ນ, ກອງປະຊຸມຍັງມີການເຂົ້າຮ່ວມຂອງບັນດາລັດຖະມົນຕີການຕ່າງປະເທດຍິງທີ່ມາຈາກ ອາຟະລິກາໃຕ້, ອັງໂດຣາ, ບຸນກາຣີ, ໂກດສຕາຣິກາ, ກຣົວຊີ, ໂດມິນິກ, ການາ, ກົວເຕມາລາ, ຮົງດູຣັດ, ອິນໂດເນເຊຍ, ເຄັນຢາ...
ໂດຍ: ທູຈາງ