ບັນດາແພດໝໍຂອງໂຮງໝໍກາງສະໜາມກຽມພ້ອມຕ້ອນຮັບຄົນເຈັບມາກວດພະຍາດ. ພາບ: qdnd.vn.
ຜູ້ສົງໄສຕິດເຊື້ອພະຍາດໄດ້ສົ່ງມາກວດສຸຂະພາບ, ແຍກຕົວ ແລະປິ່ນປົວຢູ່ໂຮງໝໍກາງສະໜາມ. ພາບ: qdnd.vn.
ຊາວໜຸ່ມຄົນໜຶ່ງຖືກສົງໄສຕິດເຊື້ອພະຍາດພວມໄດ້ຮັບການກວດສຸຂະພາບຈາກບັນດາທ່ານໝໍ. ພາບ: qdnd.vn.
ເຂດປິ່ນປົວພະຍາດຂອງໂຮງໝໍກາງສະໜາມຮັບປະກັນທຸກເງື່ອນໄຂໃຫ້ແກ່ການປິ່ນປົວໃຫ້ຄົນເຈັບດ້ວຍຈໍານວນຫຼາຍຄົນ, ພັກເຊົາເປັນເວລາຫຼາຍມື້. ພາບ: qdnd.vn.
ທຸກໆຄົນ, ທຸກໆພາຫະນະທີ່ເຂົ້າ-ອອກເຂດໂຮງໝໍກາງສະໜາມລ້ວນແຕ່ໄດ້ຂ້າເຊື້ອໂລກ. ພາບ: qdnd.vn.
ກອງບັນຊາການເຄມີສາດໄດ້ລະດົມພາຫະນະປະເພດພິເສດເຂົ້າຮ່ວມການຂ້າເຊື້ອໂລກຢູ່ໂຮງໝໍກາງສະໜາມ. ພາບ: qdnd.vn.
ຂະແໜງວິເຄາະຂອງໂຮງໝໍກາງສະໜາມຍາມໃດກໍ່ກຽມພ້ອມຕ້ອນຮັບຄົນເຈັບ. ພາບ: qdnd.vn.
ຢູ່ກອງພັນ 11 ຂອງໂຮງຮຽນນາຍທະຫານບົກເລກ 1, ວິທະຍາຄານການແພດໄດ້ສົມທົບກັບໂຮງໝໍເສນາຮັກ 105 ຂອງກົມໃຫຍ່ພະລາທິການຜັນຂະຫຍາຍໂຮງໝໍກາງສະໜາມເລກທີ 1 ດ້ວຍຂອບຂະໜາດບັນຈຸຕຽງຄົນເຈັບ 600 ຕຽງ. ພາບ: qdnd.vn.
ກອງພັນໃຫຍ່ 916, ກອງພົນ 371 (ເຫຼົ່າທັບປ້ອງກັນອາກາດ-ທະຫານອາກາດ) ນໍາໃຊ້ເຮລີກົບແຕເພື່ອຂົນສົ່ງກໍາລັງ, ອຸປະກອນ, ວັດຖຸເພື່ອປ້ອງກັນ, ຕ້ານເຊື້ອພະຍາດ Covid-19 ໃຫ້ແກ່ໂຮງໝໍກາງສະໜາມ. ພາບ: qdnd.vn.
ຢູ່ກອງບັນຊາການກະຊວງປ້ອງກັນປະເທດ, ບັນດາຜູ້ແທນໄດ້ຕິດຕາມເນື້ອໃນປະຕິບັດຂອງບັນດາກໍາລັງຢູ່ລະດັບທີ 1, 2, 4. ພາບ: qdnd.vn.
ພາຍຫຼັງສັງເກດ, ຕິດຕາມການຝຶກຊ້ອມ, ທ່ານ ຫວູ້ດຶກດາມ ຮອງນາຍົກລັດຖະມົນຕີຫວຽດນາມ ຕີລາຄາສູງຜົນງານທີ່ບັນລຸໄດ້ຂອງການຝຶກຊ້ອມ, ພ້ອມທັງຊົມເຊີຍຄະນະຊີ້ນໍາການຝຶກຊ້ອມທຸກຂັ້ນ, ກໍາລັງເຂົ້າຮ່ວມໄດ້ປະຕິບັດສໍາເລັດເນື້ອໃນທີ່ວາງອອກໄດ້ເປັນຢ່າງດີ. ພາບ: qdnd.vn.
ກປ.ອອນໄລ - ຕອນເຊົ້າວັນທີ 4 ມີນາ, ກະຊວງປ້ອງກັນປະເທດຫວຽດນາມ ໄດ້ຈັດຕັ້ງການຝຶກຊ້ອມກ່ຽວກັບການປ້ອງກັນ ແລະຕ້ານໂລກພະຍາດ Covid-19. ນີ້ແມ່ນການຝຶກຊ້ອມທີ່ມີຂອບຂະໜາດໃຫຍ່ທີ່ສຸດນັບແຕ່ກ່ອນມາຮອດປະຈຸບັນ, ໃນນັ້ນການຝຶກຊ້ອມຈັດການ, ຈາກການນໍາກະຊວງປ້ອງກັນປະເທດ, ຄະນະຊີ້ນໍາ Covid-19 ກະຊວງປ້ອງກັນປະເທດຕະຫຼອດຮອດການນໍາ, ຜູ້ບັນຊາການ, ຄະນະຊີ້ນໍາປ້ອງກັນ, ຕ້ານໂລກລະບາດຂອງບັນດາຂັ້ນ, ບັນດາກອງພົນ, ກອງບັນຊາການທະຫານແຂວງ ແລະທຽບເທົ່າທັງໝົດ; ການຝຶກຊ້ອມຂອງທົ່ວຂະແໜງເສນາຮັກ, ພ້ອມກັບກໍາລັງ, ພາຫະນະ, ພື້ນຖານດ້ານວັດຖຸຂອງເຫຼົ່າທັບ, ເຫຼົ່າຮົບ, ຂະແໜງການຈໍານວນໜຶ່ງ ແລະລະດົມທະຫານໃຫ້ເໝາະສົມຢູ່ຂັ້ນຮາກຖານ.
ນັກຂ່າວໜັງສືພິມກອງທັບປະຊາຊົນຫວຽດນາມ ຂໍແນະນໍາເຖິງເພື່ອນຜູ້ອ່ານບັນດາຮູບພາບກ່ຽວກັບການຝຶກຊ້ອມ.
ໂດຍ: ຈາງຫງວຽນ
Type the code from the image