ສົມເປັນແມ່ທັບນ້ອຍຫຼວງ, ເຄື່ອນທີ່ໃນບໍລິເວນຍຸດທະສາດ ໄຕງວຽນ
ກປ.ອອນໄລ - ກອງພົນໃຫຍ່ທີ 3 ໄດ້ຮັບການສ້າງຕັ້ງໃນວັນທີ 26 ມີນາ 1975 ບົນພື້ນຖານກຸ່ມກຳລັງຫຼວງຂອງແນວຮົບໄຕງວຽນ (ວັນທີ 1 ພຶດສະພາ 1964). ພາຍຫຼັງປະຕິບັດສຳເລັດໜ້າທີ່ໃນບັ້ນຮົບໄຕງວຽນ, ກອງພົນໃຫຍ່ທີ 3 ເປັນກຽດສືບຕໍ່ເຂົ້າຮ່ວມບັ້ນຮົບໂຮ່ຈີມິນ ປະຫວັດສາດ, ປະຕິບັດໜ້າທີ່ບຸກໂຈມຕີຕົ້ນຕໍຢູ່ທິດຕາເວັນຕົກສ່ຽງເໜືອໄຊງ່ອນ, ປະກອບສ່ວນພ້ອມກັບທົ່ວພັກ, ທົ່ວປວງຊົນ, ທົ່ວກອງທັບ ປົດປ່ອຍພາກໃຕ້ຫວຽດນາມ ຢ່າງສົມບູນ, ທ້ອນໂຮມປະເທດຊາດເປັນເອກະພາບ.
ສືບຕໍ່ບັນດາຜົນງານອັນສະຫງ່າລາສີ, ພະນັກງານ, ນັກຮົບກອງພົນໃຫຍ່ທີ 3 ຮຸ່ນຕ່າງໆ ໄດ້ ແລະພວມອອກແຮງຮ່ຳຮຽນ, ຍົກສູງການຝຶກແອບ, ກຽມພ້ອມສູ້ຮົບ, ຝຶກຝົນຫຼໍ່ຫຼອມປະຕິບັດລະບຽບວິໄນ, ກໍ່ສ້າງບັນດາອົງການຈັດຕັ້ງພັກໃຫ້ປອດໃສ, ໝັ້ນຄົງເຂັ້ມແຂງ, ຕິດພັນກັບການກໍ່ສ້າງກົມກອງໃຫ້ເຂັ້ມແຂງຮອບດ້ານ “ເປັນແບບຢ່າງ, ດີເດັ່ນ”; ສົມທົບກັບຄະນະພັກ, ອຳນາດການປົກຄອງທ້ອງຖິ່ນໃນບໍລິເວນຕັ້ງທັບປະຕິບັດວຽກງານຂົນຂວາຍປະຊາຊົນເປັນຢ່າງດີ, ຮັກສາຄວາມໝັ້ນຄົງດ້ານປ້ອງກັນຊາດ-ປ້ອງກັນຄວາມສະຫງົບ ແລະກໍ່ສ້າງຊົນນະບົດໃໝ່, ສົມເປັນແມ່ທັບນ້ອຍຫຼວງ, ເຄື່ອນທີ່ໃນບໍລິເວນຍຸດທະສາດໄຕງວຽນ.
ໜັງສືພິມກອງທັບປະຊາຊົນເອເລັກໂຕນິກ ຂໍແນະນໍາເຖິງເພື່ອນຜູ້ອ່ານບາງຮູບພາບການເຄື່ອນໄຫວຂອງບັນດາກົມກອງກອງພົນໃຫຍ່ທີ 3 ໃນວຽກງານທຸກດ້ານ.
ໂດຍ: ເຈິ່ນຮວ່ຽນ