ສ​ປ​ຊ ຮຽກ​ຮ້ອ​ງ​ຢຸດ​ຍິງ​ໃນ​ທັນ​ທີການ​ແຫ່​ຂະ​ບວນ​ປະ​ທ້ວງ​ດຳ​ເນີນ​ຢູ່ຫຼາຍ​ບ່ອນ​ທີ່ອິດ​ສະ​ຣາ​ແອັນ ແນ​ໃສ່​ຮຽກ​ຮ້ອງ​ຢຸດ​ຕິ​ການສົງ​ຄາມ

ສະພາບການຢູ່ເຂດກາຊາ ຫຼັງການບຸກໂຈມຕີທາງອາກາດ. ພາບ: THX/ສໍານັກຂ່າວສານຫວຽດນາມ

ເມື່ອກ່າວຄຳເຫັນໃນການປະຊຸມຖະແຫຼງຂ່າວ, ວັນທີ 26 ສິງຫາ, ທ່ານ Stephane Dujarric ໂຄສົກ ສປຊ ໃຫ້ຮູ້ວ່າ ກະຊວງສາທາລະນະສຸກ ກາຊາ ໄດ້ລາຍງານມີ 3 ກໍລະນີເສຍຊີວິດຕື່ມອີກ ຍ້ອນຂາດສານອາຫານ ພາຍໃນ 24 ຊົ່ວໂມງຜ່ານມາ, ອັນໄດ້ຍົກຈຳນວນຜູ້ເສຍຊີວິດຍ້ອນອຶດຫິວຂຶ້ນເປັນ 303 ຄົນ, ໃນນັ້ນ ມີເດັກນ້ອຍ 117 ຄົນ. ໃນຂະນະນັ້ນ, ມີກວ່າ 36.000 ຄົນ ຕ້ອງຍົກຍ້າຍໄປຍັງບ່ອນປອດໄພໃນຊຸມວັນມໍ່ໆມານີ້.

ໂຄສົກ ສປຊ ໄດ້ສະແດງຄວາມວິຕົກກັງວົນຢ່າງເລິກເຊິ່ງຕໍ່ເລື່ອງບັນດາກິດຈະກຳຊ່ວຍເຫຼືອສາກົນສືບຕໍ່ຖືກກີດຂວາງຈາກອຳນາດການປົກຄອງ ອິດສະຣາແອັນ, ພ້ອມທັງຮຽກຮ້ອງຢຸດຍິງໃນທັນທີ ແລະຮັບປະກັນການເຂົ້າເຖິງມະນຸດສະທຳຢ່າງຮອບດ້ານໃນທົ່ວເຂດ ກາຊາ, ກໍຄື ປ່ອຍຕົວປະກັນທັງໝົດເປັນອິດສະຫຼະໂດຍບໍ່ມີເງື່ອນໄຂ.

ໃນວັນດຽວກັນ, ຊາວອິດສະຣາແອັນ ນັບພັນຄົນໄດ້ເຕົ້າໂຮມກັນຢູ່ຖະໜົນ Tel Aviv  ເພື່ອຮຽກຮ້ອງນາຍົກລັດຖະມົນຕີ ທ່ານ Benjamin Netanyahu ບັນລຸໄດ້ຂໍ້ຕົກລົງກັບ ຮາມາດສ ໂດຍໄວແນໃສ່ຢຸດຕິການສົງຄາມ ແລະສົ່ງຕົວປະກັນກັບຄືນເມືອປະເທດ.

ແຫຼ່ງຄັດຈາກ: vovworld.vn