ຜັນຂະຫຍາຍສະຖານີຮັບສົ່ງສັນຍານ 5G Open RAN ໃຫ້ໄດ້ 300 ກວ່າແຫ່ງ ນັບແຕ່ປີ 2025 ເປັນຕົ້ນໄປ
ເຫດການແມ່ນຂີດໝາຍທີ່ສະແດງໃຫ້ເຫັນບົດບາດນໍາໜ້າຂອງ Viettel ແລະ Qualcomm ໃນການປະຕິວັດຊຸກຍູ້ເຕັກໂນໂລຊີພື້ນຖານໂຄງລ່າງ 5G ກ້າວໄປເຖິງ Open RAN. ຕາມນັ້ນແລ້ວ, ນັບແຕ່ປີ 2025 ເປັນຕົ້ນໄປ, Viettel ຈະຜັນຂະຫຍາຍສະຖານີຮັບສົ່ງສັນຍານ 5G Open RAN ໃຫ້ໄດ້ 300 ກວ່າແຫ່ງຢູ່ຫຼາຍແຂວງ, ນະຄອນພາຍໃນປະເທດ ແລະກ້າວໄປເຖິງການຂະຫຍາຍອອກໄປສູ່ຕະຫຼາດສາກົນ. ນີ້ແມ່ນບາດກ້າວໃໝ່ຢູ່ຫວຽດນາມ, ເພາະວ່າກ່ອນໜ້ານັ້ນ, ບັນດາສະຖານີຮັບສົ່ງສັນຍານ 3G, 4G ໂດຍ Viettel ຄົ້ນຄວ້າໄດ້ຮັບການຕິດຕັ້ງ ແລະຮັບສົ່ງສັນຍານທົດລອງ. ມາຮອດ 5G, Viettel ໄດ້ສ້າງຂີດໝາຍອັນໃຫຍ່ຫຼວງໄປພ້ອມໆກັນກັບໂລກເມື່ອຜັນຂະຫຍາຍພ້ອມກັນໃນເຄືອຂ່າຍ 5G ສົ່ງສັນຍານໄປທົ່ວປະເທດ.
    |
 |
|
ສະຖານີຮັບສົ່ງສັນຍານ 5G Open RAN ຂອງ Viettel ວາງສະແດງຢູ່ເຫດການ. ພາບ: qdnd.vn |
ການຜັນຂະຫຍາຍສະຖານີຮັບສົ່ງສັນຍານທໍາອິດ ໄດ້ພິສູດໃຫ້ເຫັນບັນດາຈຸດດີຂອງເຕັກໂນໂລຊີ Open RAN. ບັນດາດັດສະນີດ້ານເຕັກນິກກ່ຽວກັບລະດັບຄວາມໄວຂອງ download, upload, ເຂດສົ່ງສັນຍານ, ຈໍານວນຜູ້ນໍາໃຊ້, ລະດັບການໃຊ້ພະລັງງານ, ສະແດງໃຫ້ເຫັນຄຸນນະພາບຂອງເຄືອຂ່າຍ Open RAN ໂດຍ Viettel ພັດທະນາ ໄດ້ບັນລຸລະດັບເທົ່າທຽມກັບເຄືອຂ່າຍ 5G ທີ່ເປັນມູນເຊື້ອ, ໃນຂະນະນັ້ນຄ່າໃຊ້ຈ່າຍໃຫ້ແກ່ການລົງທຶນພື້ນຖານໂຄງລ່າງ ແລະການບໍລິຫານງານທີ່ດີກວ່າ, ສິ່ງນີ້ແມ່ນສໍາຄັນຍິ່ງເພື່ອນໍາໃຊ້ເຕັກໂນໂລຊີ 5G ໃນທົ່ວທຸກແຫ່ງຂອງປະເທດ.
ດ້ວຍເລື່ອງນໍາເຂົ້າຜັນຂະຫຍາຍບັນດາສະຖານີຮັບສົ່ງສັນຍານ 5G Open RAN, Viettel High Tech ໄດ້ປັບປຸງລາຍຊື່ມາດຕະການ 5G ຄົບຊຸດຢ່າງສົມບູນແບບຈາກເຄືອຂ່າຍຫຼັກ (core network) ເຖິງກຸ່ມວິທະຍຸ (RAN). Viettel High Tech ສາມາດສະໜອງມາດຕະການຢ່າງຄົບຊຸດໃຫ້ແກ່ລູກຄ້າທີ່ຜັນຂະຫຍາຍເຄືອຂ່າຍສະເພາະ (private network) ຫຼື ເຄືອຂ່າຍສາທາລະນະ (public network). ຈຸດດີໃນຊຸດມາດຕະການ 5G ຂອງ Viettel ແມ່ນມີລັກສະນະເປີດຕາມມາດຕະຖານ Open RAN. ບັນດາບໍລິສັດໂທລະຄົມມະນາຄົມທີ່ນໍາໃຊ້ມາດຕະການ Viettel ສາມາດປ່ຽນແປງໄດ້ໃນການສົມທົບກັບທາງບໍລິສັດເພື່ອສ້າງລະບົບນິເວດຄູ່ຮ່ວມມືແບບຍືນຍົງ.
ທ່ານນາງ Jeanette Whyte ຜູ້ອໍານວຍການຮັບຜິດຊອບນະໂຍບາຍຂອງ GSMA (ອົງການທົ່ວໂລກເອກະພາບລະບົບນິເວດເຄື່ອນທີ່) ຢູ່ ອາຊີ-ປາຊີຟິກ ຖືວ່າ ນັບມື້ນັບມີຫຼາຍບໍລິສັດໂທລະຄົມມະນາຄົມຜັນຂະຫຍາຍ Open RAN, ນີ້ຈະແມ່ນທ່າອ່ຽງໃນໂລກ. Open RAN ຊ່ວຍໃຫ້ບັນດາປະເທດ ແລະບັນດາບໍລິສັດໂທລະຄົມມະນາຄົມຫັນປ່ຽນເຄືອຂ່າຍຂອງຕົນ. ເຕັກໂນໂລຊີນີ້ໄດ້ແຍກອອກຈາກຮາດແວ ແລະຊອບແວ ເພື່ອຊ່ວຍໃຫ້ບັນດາບໍລິສັດໂທລະຄົມມະນາຄົມສາມາດເລືອກຄູ່ຮ່ວມມືຢ່າງມີໄຫວພິບ, ຫຼຸດຜ່ອນຄ່າລົງທຶນ. ເຖິງຢ່າງໃດກໍ່ຕາມ, Open RAN ກໍປະເຊີນໜ້າກັບຮົ້ວກີດຂວາງ, ຄື: ຄວາມໄວ້ເນື້ອເຊື່ອໃຈ, ລະດັບປະມວນເຂົ້າລະບົບ, ຄຸນນະພາບເຄືອຂ່າຍ... ບັນດາປະເທດພວມສົມທົບກັນເພື່ອຮ່ວມມືລົບລ້າງຮົ້ວກີດຂວາງນີ້. ຄຽງຂ້າງນັ້ນ, ເພື່ອຊຸກຍູ້ Open RAN ຕ້ອງມີການໜູນຊ່ວຍດ້ານນິຕິກໍາຂອງບັນດາປະເທດ.
ນໍາ ຫວຽດນາມ ໄປໄກກວ່າໃນຍຸດທະສາດແຫ່ງຊາດ “Make in Vietnam”
ທ່ານ ຫງວຽນມິງກວາງ ຮອງຜູ້ອໍານວຍການ Viettel High Tech ຕີລາຄາວ່າ ການເປັນເຈົ້າຂອງເຕັກໂນໂລຊີ ແລະຜະລິດອຸປະກອນພື້ນຖານໂຄງລ່າງໂທລະຄົມມະນາຄົມບໍ່ພຽງແຕ່ແມ່ນໜ້າທີ່ເທົ່ານັ້ນຫາກຍັງແມ່ນພາລະກໍາຂອງ Viettel ອີກດ້ວຍ, ນໍາຫວຽດນາມ ໄປໄກກວ່າໃນຍຸດທະສາດແຫ່ງຊາດ “Make in Vietnam”. ກ່ອນໂຄງການ Open RAN ກັບ Qualcomm, Viettel ໄດ້ພັດທະນາ ແລະເປັນເຈົ້າຂອງລະບົບບັນດາສະຖານີ 4G, 5G, ຜັນຂະຫຍາຍສໍາເລັດຜົນໃນເຄືອຂ່າຍຂອງຕົນ. ນີ້ແມ່ນບາດກ້າວເດີນອັນໜັກແໜ້ນຊ່ວຍ Viettel ຫັນວິໄສທັດເປັນເຈົ້າຂອງເຕັກໂນໂລຊີໃຫ້ປະກົດຜົນເປັນຈິງ, ສ້າງພື້ນຖານໃຫ້ແກ່ຂະແໜງໂທລະຄົມມະນາຄົມແຫ່ງຊາດ.
|
|
 |
|
ຜູ້ຕາງໜ້າກຸ່ມບໍລິສັດ Viettel ແລະ Qualcomm ລົງນາມວ່າດ້ວຍການຍົກລະດັບການຮ່ວມມືຍຸດທະສາດຮອບດ້ານໃນຂົງເຂດເຕັກໂນໂລຊີສູງ. ພາບ: qdnd.vn |
ລະອຽດ, ໃນໂຄງການພັດທະນາສະຖານີຮັບສົ່ງສັນຍານ 5G Open RAN, ຖັນແຖວນັກວິສະວະກອນຂອງ Viettel High Tech ແລະ Qualcomm ພ້ອມກັນເຂົ້າຮ່ວມຂັ້ນຕອນອອກແບບເຕັກໂນໂລຊີຫຼັກ ແລະນໍາໃຊ້ເຂົ້າໃນຜະລິດຕະພັນ. ນີ້ແມ່ນຜະລິດຕະພັນທີ່ມີເຕັກໂນໂລຊີສູງ, ແມ່ນການສັງລວມຂອງເຕັກນິກຕ່າງໆ, ຄື: ວິທະຍຸ, ການແກ້ໄຂສັນຍານ, ການເພີ່ມສະມັດຕະພາບຄວາມສາມາດ, ການຄຸ້ມຄອງອຸປະກອນ... ໂຄງການໄດ້ປະຕິບັດດ້ວຍນັກວິສະວະກອນແຖວໜ້າ 500 ທ່ານ ຂອງສອງກຸ່ມບໍລິສັດທີ່ມາຈາກບັນດາປະເທດ: ຫວຽດນາມ, ອາເມລິກາ, ແຟງລັງ, ອິດສະຣະແອນ, ອິນເດຍ... ນັກວິສະວະກອນຂອງ Viettel ຮັບຜິດຊອບການອອກແບບລະບົບ, ພັດທະນາຊອບແວ, ຮາດແວ. ຝ່າຍ Qualcomm ຮັບຜິດຊອບ chipset 5G. ບໍ່ພຽງແຕ່ຜັນຂະຫຍາຍໃນວົງກວ້າງຢູ່ຫວຽດນາມ ນັບແຕ່ຕົ້ນປີ 2025 ເປັນຕົ້ນໄປເທົ່ານັ້ນ, ຜະລິດຕະພັນນີ້ ກໍຈະໄດ້ຜັນຂະຫຍາຍເຖິງບັນດາລູກຄ້າສາກົນນັບແຕ່ປີ 2025 ອີກດ້ວຍ.
ກໍທີ່ເຫດການ, Viettel ແລະ Qualcomm ໄດ້ລົງນາມວ່າດ້ວຍການຍົກລະດັບການຮ່ວມມືຍຸດທະສາດຮອບດ້ານໃນຂົງເຂດເຕັກໂນໂລຊີສູງໃນຂອບເຂດທົ່ວໂລກ. ນີ້ແມ່ນຂີດໝາຍແຫ່ງຄວາມສໍາເລັດຂອງຮູບແບບຮ່ວມມືລະຫວ່າງສອງກຸ່ມບໍລິສັດໃນໄລຍະຜ່ານມາ ແລະກ້າວໄປເຖິງບັນດາຄາດໝາຍໃຫຍ່ກວ່າໃນອະນາຄົດ. ບໍ່ພຽງແຕ່ຮ່ວມມື 5G ເທົ່ານັ້ນ, ສອງຝ່າຍຍັງຊຸກຍູ້ການຮ່ວມມືໃນຫຼາຍຂົງເຂດອື່ນ, ຄື: 6G, AI (ປັນຍາປະດິດ), XR (ເໝືອນຈິງ)...
ໂດຍ: ໄຊຊະນະ