ລະດົມທຸກແຫຼ່ງກໍາລັງດ້ານການເງິນໃຫ້ແກ່ການພັດທະນາປະເທດ, ຊຸກຍູ້ການເຕີບໂຕ

ທ່ານ ຟ້າມມີງຈີ໊ງ ນາຍົກລັດຖະມົນຕີຫວຽດນາມ ກ່າວຄຳເຫັນທີ່ກອງປະຊຸມ. ພາບ: ສໍານັກຂ່າວສານຫວຽດນາມ

ກ່າວຄຳເຫັນຢູ່ທີ່ນີ້, ທ່ານນາຍົກລັດຖະມົນຕີ ຟ້າມມີງຈີ໊ງ ຊີ້ອອກຢ່າງຈະແຈ້ງວ່າ ຕ້ອງສາມັກຄີ, ເປັນເອກະພາບ, ສຸມໃສ່ລະດົມທຸກແຫຼ່ງກໍາລັງດ້ານການເງິນໃຫ້ແກ່ການພັດທະນາປະເທດ, ກ້າວເຂົ້າສູ່ສັງກາດໃໝ່-ສັງກາດບືນຕົວຂຶ້ນຂອງຊາດ; ຕ້ອງມີຈິນຕະນາການບຸກທະລຸ, ວິໄສທັດຍຸດທະສາດ, ຄົ້ນຄິດໃຫ້ເລິກເຊິ່ງ ແລະເຮັດໃຫ້ໃຫຍ່, ປ່ຽນແປງໃໝ່ປະດິດສ້າງ, ກ້າຄິດ, ກ້າເຮັດ, ກ້າຮັບຜິດຊອບ, ຈາກນັ້ນສ້າງພື້ນທີ່ເພື່ອລະດົມແຫຼ່ງກໍາລັງໃຫ້ແກ່ການພັດທະນາປະເທດຊາດ.

ເພື່ອເລັ່ງຄວາມໄວ, ບຸກທະລຸ ແລະເຂົ້າເສັ້ນໄຊໃນປີ 2025, ທ່ານນາຍົກລັດຖະມົນຕີ ຟ້າມມີງຈີ໊ງ ສະເໜີຂະແໜງການເງິນສູນກາງ ຕ້ອງມານະພະຍາຍາມໃຫ້ຫຼາຍກວ່າ, ຈັດຕັ້ງກົງຈັກການຈັດຕັ້ງຮັບປະກັນໃຫ້ “ກະທັດຮັດ-ຍອດຢ້ຽມ-ເຂັ້ມແຂງ-ມີປະສິດທິພາບ-ປະສິດທິຜົນ”, ຈັດຕັ້ງກອງປະຊຸມໃຫຍ່ພັກທຸກຂັ້ນເປັນຢ່າງດີ, ກ້າວໄປສູ່ກອງປະຊຸມໃຫຍ່ຄັ້ງທີ XIV ຂອງພັກ; ສູ້ຊົນໃຫ້ມີການເຕີບໂຕສູງກວ່າເມື່ອທຽບໃສ່ກັບໜ້າທີ່ທີ່ສູນກາງ ແລະສະພາແຫ່ງຊາດ ວາງອອກດ້ວຍເປົ້າໝາຍ 8%.

ທ່ານນາຍົກລັດຖະມົນຕີ ຟ້າມມີງຈີ໊ງ ເນັ້ນໜັກວ່າ ຂະແໜງການເງິນຕ້ອງແກ້ໄຂຂໍ້ຕິດຂັດກ່ຽວກັບລະບອບລະບຽບການ, ເປັນເຈົ້າການບໍລິຫານ, ຮັກສາສະຖຽນລະພາບເສດຖະກິດມະຫາພາກ, ຄວບຄຸມໄພເງິນເຟີ້, ການໃຊ້ຈ່າຍງົບປະມານຂອງລັດ, ໜີ້ສິນສາທາລະນະ ແລະຕິດຕາມສະພາບເສດຖະກິດຢູ່ພາຍໃນ ແລະສາກົນຢ່າງແໜ້ນແຟ້ນ ເພື່ອຕອບສະໜອງນະໂຍບາຍໃຫ້ທັນການ. ພ້ອມທັງເປັນເຈົ້າການເຊື່ອມໂຍງ ແລະຮ່ວມມືດ້ານການເງິນສາກົນ.

ໂດຍ: ເຈິ່ນຮວ່ຽນ