ຫວຽດນາມ ຕ້ອນຮັບບັນດານັກທ່ອງທ່ຽວຄົນທຳອິດໃນປີ 2025
ພະແນກທ່ອງທ່ຽວແຂວງລາວກາຍ ໄດ້ສົມທົບກັບອຳນາດການປົກຄອງທ້ອງຖິ່ນ ແລະຂະແໜງທາງລົດໄຟ ຈັດຕັ້ງການຕ້ອນຮັບຄະນະນັກທ່ອງທ່ຽວທຳອິດມາທ່ຽວແຂວງລາວກາຍ ດ້ວຍລົດໄຟ. ຄະນະນັກທ່ອງທ່ຽວດັ່ງກ່າວ ລວມມີກວ່າ 400 ຄົນ, ໃນນັ້ນມີນັກທ່ອງທ່ຽວສາກົນ 300 ຄົນ.
    |
 |
|
ພິທີຕ້ອນຮັບບັນດາຄະນະນັກທ່ອງທ່ຽວມານະຄອນ ໃນຕົ້ນປີ 2025 ຢູ່ສະໜາມບິນເຕິນເຊີນເຍິດ. ພາບ: ສໍານັກຂ່າວສານຫວຽດນາມ |
ຕອນເຊົ້າວັນທີ 1 ມັງກອນ, ພະແນກທ່ອງທ່ຽວນະຄອນໂຮ່ຈີມິນ ໄດ້ສົມທົບກັບບໍລິສັດການບິນແຫ່ງຊາດຫວຽດນາມ ແລະທ່າອາກາດສະຍານສາກົນເຕິນເຊີນເຍິດ ຈັດຕັ້ງພິທີຕ້ອນຮັບຄະນະນັກທ່ອງທ່ຽວມານະຄອນ ໃນຕົ້ນປີ 2025 ຢູ່ສະໜາມບິນເຕິນເຊີນເຍິດ. ພາຍຫຼັງເດີນທາງມາຮອດນະຄອນໂຮ່ຈີມິນ, ບັນດາຄະນະນັກທ່ອງທ່ຽວໄດ້ຮັບຊົມລາຍການສະແດງດົນຕີພື້ນເມືອງ ແລະດື່ມນໍ້າຊາ…
ໃນຕອນເຊົ້າວັນດຽວກັນ, ພະແນກທ່ອງທ່ຽວແຂວງລາວກາຍ ໄດ້ສົມທົບກັບອຳນາດການປົກຄອງທ້ອງຖິ່ນ ແລະຂະແໜງທາງລົດໄຟ ຈັດຕັ້ງການຕ້ອນຮັບຄະນະນັກທ່ອງທ່ຽວທຳອິດມາທ່ຽວແຂວງລາວກາຍ ດ້ວຍລົດໄຟ. ຄະນະນັກທ່ອງທ່ຽວດັ່ງກ່າວ ລວມມີກວ່າ 400 ຄົນ, ໃນນັ້ນມີນັກທ່ອງທ່ຽວສາກົນ 300 ຄົນ. ທ່ານ ຮ່າວັນຖັງ ຜູ້ອຳນວຍການພະແນກທ່ອງທ່ຽວແຂວງລາວກາຍ ໃຫ້ຮູ້ວ່າ: “ພວກຂ້າພະເຈົ້າ ຫວັງວ່າ ຜ່ານການຕ້ອນຮັບນັກທ່ອງທ່ຽວໃນມື້ທຳອິດຂອງປີໃໝ່, ຈະປະກອບສ່ວນໂຄສະນາເຜີຍແຜ່ພາບພົດ, ວັດທະນະທຳ, ການທ່ອງທ່ຽວຂອງແຂວງ, ກ້າວເຂົ້າສູ່ປີໃໝ່ດ້ວຍຜົນງານທີ່ໜ້າຊື່ນຊົມ, ຄຸນນະພາບການບໍລິການໄດ້ຮັບການຍົກສູງຂຶ້ນດ້ວຍຜະລິດຕະພັນທີ່ໃໝ່ອ່ຽມ”.
ກໍ່ໃນຕອນເຊົ້າຂອງວັນດຽວກັນ, ຄະນະຄຸ້ມຄອງສວນອຸທິຍານແຫ່ງຊາດ ຟອງຍາ-ແກ໋ບ່າງ ກໍໄດ້ຈັດພິທີຕ້ອນຮັບຄະນະນັກທ່ອງທ່ຽວທຳອິດທີ່ມາທ່ຽວມໍລະດົກທຳມະຊາດລະດັບໂລກ ຟອງຍາ-ແກ໋ບ່າງ ປີ 2025.
ໂດຍ: ວິທະຍຸກະຈາຍສຽງຫວຽດນາມ