ຈຸດພົ້ນເດັ່ນໃນການສົ່ງອອກນຳເຂົ້າປີ 2024 ຂອງຫວຽດນາມ
ພ້ອມກັບກາເຟ, ຂະແໜງໝາກມ່ວງຫິມະພານຫວຽດນາມ ກໍ່ສ້າງຂີດໝາຍປະຫວັດສາດດ້ວຍວົງເງິນສົ່ງອອກບັນລຸ 4.3 ຕື້ໂດລາສະຫະລັດ, ເພີ່ມຂຶ້ນ 19% ເມື່ອທຽບກັບປີ 2023.
    |
 |
|
ພາບປະກອບຄັດຈາກ: tapchicongthuong.vn |
ຕາມກະຊວງອຸດສາຫະກຳການຄ້າຫວຽດນາມ ແລ້ວ, ຍອດວົງເງິນສົ່ງອອກນຳເຂົ້າຂອງຫວຽດນາມ ໃນປີ 2024 ບັນລຸເກືອບ 800 ຕື້ ໂດລາສະຫະລັດ, ເພີ່ມຂຶ້ນ 15% ເມື່ອທຽບກັບປີ 2023 ແລະລື່ນກາຍເກືອບ 3 ເທົ່າແຜນການໄດ້ຮັບມອບໝາຍ. ໃນນັ້ນ, ຍອດວົງເງິນສົ່ງອອກນຳເຂົ້າຜະລິດຕະພັນກະເສດ, ເຄື່ອງປ່າຂອງດົງ, ສິນໃນນ້ຳຄາດວ່າບັນລຸ 62.5 ຕື້ໂດລາສະຫະລັດ ເພີ່ມຂຶ້ນ 18.7% ເມື່ອທຽບກັບປີ 2023. ນຳໜ້າແມ່ນຜັກ, ໝາກໄມ້ຊຶ່ງຄາດວ່າບັນລຸ 7.2 ຕື້ໂດລາສະຫະລັດ. ປີ 2025, ຫວຽດນາມ ວາງເປົ້າໝາຍລອດເຂົ້າກຸ່ມ 5 ປະເທດອັນດັບໜຶ່ງໃນໂລກກ່ຽວກັບການສົ່ງອອກໝາກໄມ້.
ທ່ານ ດັ້ງຟຸກງວຽນ, ເລຂາທິການສະຫະສະມາຄົມຜັກ ແລະໝາກໄມ້ຫວຽດນາມ ໃຫ້ຮູ້ວ່າ ປີນີ້ບັນລຸໄດ້ 7.2 ຕື້ໂດລາສະຫະລັດ, ປີໜ້າອາດຈະບັນລຸໄດ້ 8 ຕື້ໂດລາສະຫະລັດ. ມີຫຼາຍປັດໄຈໃໝ່ປະກົດຂຶ້ນ, ຄື: ໝາກຖົ່ວລຽນແຊເຢັນ, ໝາກພ້າວສົດສົ່ງອອກໄປ ຈີນ, ສ່ວນໝາກໜອດພວມເຈລະຈາກັບອາເມລິກາ ເພື່ອສົ່ງອອກ.
ຢືນອັນດັບທີສອງແມ່ນເຂົ້າສານ, ປີ 2024, ຫວຽດນາມ ບັນລຸລະດັບສະຖິຕິທັງດ້ານປະລິມານ ແລະມູນຄ່າສົ່ງອອກ, ປະມານ 9 ລ້ານໂຕນດ້ວຍເກືອບ 5.8 ຕື້ໂດລາສະຫະລັດ. ຢືນອັນດັບທີສາມແມ່ນກາເຟ. ພ້ອມກັບກາເຟ, ຂະແໜງໝາກມ່ວງຫິມະພານ ຫວຽດນາມ ກໍ່ຮັບຮູ້ຂີດໝາຍປະຫວັດສາດດ້ວຍວົງເງິນສົ່ງອອກບັນລຸ 4.3 ຕື້ໂດລາສະຫະລັດ, ເພີ່ມຂຶ້ນ 19% ເມື່ອທຽບກັບປີ 2023.
ໂດຍ: ວິທະຍຸກະຈາຍສຽງຫວຽດນາມ