ວັນບຸນອາສາສະໝັກແຫ່ງຊາດ ຈັດຕັ້ງຢ່າງຄຶກຄື້ນມ່ວນຊື່ນ

ກ່າວຄຳເຫັນທີ່ລາຍການ, ທ່ານ ຫງວຽນເຕື່ອງເລິມ ເລຂາສູນກາງຊາວໜຸ່ມ, ປະທານສະຫະພັນຊາວໜຸ່ມຫວຽດນາມ ໃຫ້ຮູ້ວ່າ: “ອາສາສະໝັກລະດູໜາວ” ແລະ “ລະດູບານໃໝ່ອາສາສະໝັກ” ແມ່ນລາຍການປະຈຳປີໂດຍສູນກາງຊາວໜຸ່ມ, ສູນກາງສະຫະພັນຊາວໜຸ່ມຫວຽດນາມ ຈັດຕັ້ງ ແລະຜັນຂະຫຍາຍຢ່າງກວ້າງຂວາງດ້ວຍຫຼາຍເນື້ອໃນຈຸດສຸມ, ເສີມຂະຫຍາຍກຳລັງແຮງຂອງໄວໜຸ່ມ, ບົດບາດປະຈັນບານ, ອາສາສະໝັກ ແລະຈິດໃຈອຸ້ມຊູຊ່ວຍເຫຼືອເຊິ່ງກັນ ແລະກັນຂອງຊາວໜຸ່ມໃນທົ່ວປະເທດ.

ຜູ້ຕາງໜ້າຄະນະຈັດຕັ້ງມອບຂອງຂວັນໃຫ້ປະຊາຊົນ ແລະນັກຮຽນ. ພາບ: qdnd.vn

ປີນີ້, ລາຍການດັ່ງກ່າວໄດ້ຈັດຂຶ້ນຕິດພັນກັບວັນບຸນອາສາສະໝັກແຫ່ງຊາດ, ໂດຍມີການເຂົ້າຮ່ວມຂອງບັນດາສະໂມສອນ, ທີມງານ, ກຸ່ມອາສາສະໝັກຕ່າງໆໃນທົ່ວປະເທດ, ພິເສດແມ່ນການເຂົ້າຮ່ວມຂອງບັນດາຜູ້ນຳອາສາສະໝັກ 200 ຄົນມາຈາກ 200 ສະໂມສອນ, ທີມງານ ແລະກຸ່ມອາສາສະໝັກທົ່ວປະເທດ.

ທ່ານປະທານສະຫະພັນຊາວໜຸ່ມຫວຽດນາມ ໃຫ້ຮູ້ວ່າ: ສູນກາງຊາວໜຸ່ມ, ສະຫະພັນທຸກຂັ້ນ, ສະໂມສອນ, ກຸ່ມອາສາສະໝັກໃນທົ່ວປະເທດ ຄວນຜັນຂະຫຍາຍບັນດາລາຍການ “ອາສາສະໝັກລະດູໜາວ 2024” ແລະ “ລະດູບານໃໝ່ອາສາສະໝັກ 2025” ຢ່າງແທດຈິງ, ມີຫົວຄິດປະດິດສ້າງ, ສອດຄ່ອງກັບສະພາບການຕົວຈິງ;  ສືບຕໍ່ເສີມຂະຫຍາຍນ້ຳໃຈປະຈັນບານ, ອາສາສະໝັກ, ໜູນຊ່ວຍປະຊາຊົນ ແລະຊາວໜຸ່ມ, ເຍົາວະຊົນຢູ່ເຂດຊາຍແດນ, ເຂດຫ່າງໄກສອກຫຼີກ; ເຂດໄດ້ຮັບຜົນກະທົບຈາກພະຍຸ, ນໍ້າຖ້ວມ ແລະດິນເຈື່ອນເພື່ອໃຫ້ປະຊາຊົນ ແລະຊາວໜຸ່ມ, ເຍົາວະຊົນມີລະດູໜາວທີ່ອົບອຸ່ນ ແລະຕ້ອນຮັບລະດູບານໃໝ່ຢ່າງສະຫງົບສຸກ.

ວັນບຸນອາສາສະໝັກແຫ່ງຊາດ 2024, ລາຍການ “ອາສາສະໝັກລະດູໜາວ 2024” ແລະ “ລະດູບານໃໝ່ອາສາສະໝັກ 2025” ໄດ້ດຳເນີນໄປດ້ວຍຫຼາຍກິດຈະກຳທີ່ແທດຈິງ, ມຸ່ງໄປເຖິງບັນດາຕາແສງທີ່ປະສົບກັບຄວາມຫຍຸ້ງຍາກ, ເຂດໄດ້ຮັບຜົນກະທົບຢ່າງໜັກໜ່ວງຈາກພາຍຸ ຫົວທີ 3 ຫວ່າງມໍ່ໆມານີ້, ພິເສດແມ່ນສຸມໃສ່ບັນດາຕາແສງທີ່ປະສົບກັບຫຍຸ້ງຍາກຂອງເມືອງ ບັກຮ່າ (ແຂວງລາວກາຍ).

ໂດຍ: ຈາງຫງວຽນ