ກໍ່ສ້າງປະຊາຄົມວັດທະນະທໍາ-ສັງຄົມອາຊຽນ ຫຼັງປີ 2025 ໃຫ້ຂະຫຍັນຂັນເຄື່ອນ ແລະເຂັ້ມແຂງດ້ວຍຕົນເອງ

ບັນຍາກາດກອງປະຊຸມສໍາມະນາສາກົນກ່ຽວກັບແຜນການຍຸດທະສາດຂອງປະຊາຄົມວັດທະນະທໍາ-ສັງຄົມອາຊຽນ (ASCC) ປີ 2025. ພາບ: VOV1

ກ່າວຄໍາເຫັນທີ່ກອງປະຊຸມສໍາມະນາ, ທ່ານນາງ ຮ່າທິມິງດຶກ, ຮອງຫົວໜ້າກົມຮ່ວມມືສາກົນ, ກະຊວງແຮງງານ, ທະຫານເສຍອົງຄະ ແລະສັງຄົມ ຢັ້ງຢືນວ່າ ຫວຽດນາມ ແລະບັນດາປະເທດສະມາຊິກອາຊຽນ ພວມສຸມໃສ່ເຂົ້າໃນວິວັດການກໍ່ສ້າງແຜນການຍຸດທະສາດຂອງປະຊາຄົມວັດທະນະທໍາ-ສັງຄົມອາຊຽນ ໃນ 3 ເສົາຄໍ້າ (ການເມືອງ-ຄວາມໝັ້ນຄົງ, ເສດຖະກິດ ແລະວັດທະນະທໍາ-ສັງຄົມ) ແຕ່ນີ້ຮອດປີ 2025, ປະກອບສ່ວນສ້າງປະຊາຄົມ ຂະຫຍັນຂັນເຄື່ອນ ແລະເຂັ້ມແຂງດ້ວຍຕົນເອງ,  ບໍ່ພຽງແຕ່ປົກປ້ອງສະຫວັດດີການຂອງປະຊາຊົນເທົ່ານັ້ນ ຫາກຍັງຊຸກຍູ້ການເຕີບໂຕ ແລະຄວາມກ້າວໜ້າໃນພາກພື້ນ: “ປີ 2025 ແມ່ນຂີດໝາຍສໍາຄັນເພື່ອໃຫ້ອາຊຽນ ກ້າວສູ່ໄລຍະໃໝ່ - ໄລຍະປະຕິບັດວິໄສທັດອາຊຽນ 2045. ການກໍ່ສ້າງຍຸດທະສາດຂອງ 3 ເສົາຄໍ້າ ໄດ້ເລີ່ມຕົ້ນແຕ່ປີກາຍຈົນໝົດປີ 2025 ແລະໄດ້ຮັບຄວາມເອົາໃຈໃສ່ຈາກບັນດາປະເທດສະມາຊິກອາຊຽນ, ເພາະວ່ານີ້ແມ່ນໜຶ່ງໃນບັນດາໂອກາດເພື່ອໃຫ້ບັນດາປະເທດ ສາມາດວາງບາດກ້າວເດີນທີ່ມີລະດັບຍຸດທະສາດໃຫ້ແກ່ປະເທດ ແລະພາກພື້ນ. ແລະແຜນການຍຸດທະສາດ ໄດ້ຮັບຮອງເອົາຈະປະກອບສ່ວນສ້າງປະຊາຄົມຂະຫຍັນຂັນເຄື່ອນ ແລະເຂັ້ມແຂງດ້ວຍຕົນເອງ, ບໍ່ພຽງແຕ່ປົກປ້ອງສະຫວັດດີການຂອງປະຊາຊົນເທົ່ານັ້ນ ຫາກຍັງຊຸກຍູ້ການເຕີບໂຕ, ຄວາມກ້າວໜ້າ ແລະການພັດທະນາແບບຍືນຍົງໃນພາກພື້ນ ອີກດ້ວຍ”.

ທ່ານນາງ ຮ່າທິມິງດຶກ ຮອງຫົວໜ້າກົມຮ່ວມມືສາກົນ, ກະຊວງແຮງງານ, ທະຫານເສຍອົງຄະ ແລະສັງຄົມ ກ່າວຄໍາເຫັນທີ່ກອງປະຊຸມສໍາມະນາ. ພາບ: VOV1

ທີ່ກອງປະຊຸມສໍາມະນາ, ບັນດາຜູ້ແທນ ໄດ້ຮັບຟັງກອງເລຂາອາຊຽນ ແນະນໍາລະອຽດກ່ຽວກັບເນື້ອໃນຂອງຮ່າງແຜນການຍຸດທະສາດປະຊາຄົມວັດທະນະທໍາ-ສັງຄົມອາຊຽນ ຫຼັງປີ 2025. ແຜນການລວມມີ 115 ມາດຕະການຍຸດທະສາດ ໃນ 21 ໝາກຜົນຫຼັກ, ສ່ອງແສງບັນດາຂົງເຂດພັດທະນາມະນຸດ ແລະຍືນຍົງຂອງປະຊາຄົມ. ບັນດາການເຄື່ອນໄຫວ, ມາດຕະການຍຸດທະສາດໄດ້ກໍ່ສ້າງໂດຍອີງໃສ່ການເຊື່ອມຕໍ່, ສືບທອດບັນດາການກະທໍາຂອງແຜນການສັງລວມປະຊາຄົມວັດທະນະທໍາ-ສັງຄົມອາຊຽນ ຫຼັງປີ 2025 ແລະຫັນຖະແຫຼງການທີ່ກ່ຽວຂ້ອງຂອງປະຊາຄົມວັດທະນະທໍາ-ສັງຄົມອາຊຽນ ໃຫ້ປະກົດຜົນເປັນຈິງ.

ໂດຍ: ໄຊຊະນະ