ຮ້ານວາງສະແດງຂອງລາວ ສ້າງຄວາມປະທັບໃຈທີ່ງານວາງສະແດງປ້ອງກັນຊາດສາກົົນຫວຽດນາມ 2024

ເຂດວາງສະແດງຂອງກົມໃຫຍ່ພະລາທິການກອງທັບປະຊາຊົນລາວ ຢູ່ໃນງານວາງສະແດງປ້ອງກັນຊາດສາກົນຫວຽດນາມ ປີ 2024 ໄດ້ແນະນຳຜະລິດຕະພັນຫຼາຍຊະນິດທີ່ໜ້າປະທັບໃຈ, ດຶງດູດແຂກເຂົ້າຊົມເປັນຈຳນວນຫຼວງຫຼາຍ ດ້ວຍຜະລິດຕະພັນການຢາ ຂອງຂະແໜງແພດທະຫານ ເຊິ່ງໄດ້ຜະລິດຈາກວັດຖຸທຳມະຊາດ ແລະຜະລິດຕະພັນອື່ນໆຂອງຂະແໜງສຳພາລະທະຫານ ເຊັ່ນ: ນ້ຳມັນສະກັດ, ເຄື່ອງຫັດຖະກຳພື້ນເມືອງ, ອາຫານທີ່ເປັນປະໂຫຍດ, ເຄື່ອງດື່ມ, ເຄື່ອງສຳອາງ, ເຄື່ອງຕັດຫຍິບ...

ທ່ານພົນຈັດຕະວາ ຄໍາແຫວນ ຫຼ້າບົວມະຫາໄຊ, ຫົວໜ້າຫ້ອງການ ກົມໃຫຍ່ພະລາທິການກອງທັບປະຊາຊົນລາວ ໄດ້ສະແດງຄວາມປະທັບໃຈເປັນພິເສດຕໍ່ວຽກງານຈັດຕັ້ງຂອງກະຊວງປ້ອງກັນປະເທດຫວຽດນາມ ທີ່ມີຕໍ່ງານວາງສະແດງຄັ້ງນີ້, ໂດຍມີຂະໜາດໃຫຍ່, ພ້ອມກັບລາຍການສະແດງທີ່ປະທັບໃຈຂອງກອງເຮືອສູ້ຮົບ Su-30MK2, ລາຍການການສະແດງສິລະປະທີ່ເປັນເອກະລັກສະເພາະ. ນອກຈາກນັ້ນ, ເຂດວາງສະແດງຍັງຖືກຈັດແຈງຕາມແບບວິທະຍາສາດ, ການອອກແບບຈັບໃຈ, ມີຄວາມສະດວກໃຫ້ແກ່ແຂກທ່ອງທ່ຽວ ແລະບັນດາບໍລິສັດທີ່ມີຜະລິດຕະພັນມາວາງສະແດງ.

ທ່ານພົນຈັດຕະວາ ຄໍາແຫວນ ຫຼ້າບົວມະຫາໄຊ ເນັ້ນໜັກວ່າ: “ພວກຂ້າພະເຈົ້າດີໃຈ ແລະພາກພູມໃຈທີ່ໄດ້ເຂົ້າຮ່ວມງານວາງສະແດງເພື່ອແນະນຳບັນດາຜະລິດຕະພັນສຳພາລະທະຫານຂອງລາວ. ນີ້ກໍ່ແມ່ນໂອກາດເພື່ອໃຫ້ພວກຂ້າພະເຈົ້າເຫັນປະຈັກຕາອາວຸດຍຸດໂທປະກອນທີ່ທັນສະໄໝປະເພດຕ່າງໆ ຂອງກອງທັບປະຊາຊົນຫວຽດນາມ ແລະ ແມ່ນໂອກາດເພື່ອຊອກຮູ້ຕື່ມອີກກ່ຽວກັບຜະລິດຕະພັນອຸດສາຫະກຳປ້ອງກັນຊາດ ໂດຍວິສາຫະກິດຕ່າງປະເທດຜະລິດ. ຂອບໃຈກະຊວງປ້ອງກັນປະເທດຫວຽດນາມ ທີ່ໄດ້ສ້າງເງື່ອນໄຂສະດວກເພື່ອໃຫ້ພວກຂ້າພະເຈົ້າ ເຂົ້າຮ່ວມງານວາງສະແດງທີ່ມີຄວາມໝາຍນີ້”.

ລຸ່ມນີ້ແມ່ນບາງຮູບພາບຂອງຮ້ານວາງສະແດງ ຂອງລາວ:

ຮ້ານວາງສະແດງຜະລິດຕະພັນຂອງກົມໃຫຍ່ພະລາທິການ ກອງທັບປະຊາຊົນລາວ. ພາບ: qdnd.vn

ນັກທ່ອງທ່ຽວ ສົນໃຈ ແລະມີຄວາມປະທັບໃຈເມື່ອເຂົ້າຊົມຮ້ານວາງສະແດງຂອງລາວ. ພາບ: qdnd.vn

ທ່ານພົນຈັດຕະວາ ຄໍາແຫວນ ຫຼ້າບົວມະຫາໄຊ, ຫົວໜ້າຫ້ອງການກົມໃຫຍ່ພະລາທິການ ກອງທັບປະຊາຊົນລາວ  ສະແດງຄວາມປະທັບໃຈຕໍ່ວຽກງານຈັດຕັ້ງຂອງກະຊວງປ້ອງກັນປະເທດຫວຽດນາມ. ພາບ: qdnd.vn

ຜະລິດຕະພັນຈໍານວນໜຶ່ງຂອງລາວ ທີ່ນໍາມາວາງສະແດງ ໄດ້ຮັບການຕີລາຄາສູງທັງດ້ານຄຸນນະພາບ ແລະຮູບການ. ພາບ: qdnd.vn

ນັກທ່ອງທ່ຽວຢ້ຽມຊົມຮ້ານວາງສະແດງຂອງລາວ. ພາບ: qdnd.vn

ໂດຍ: ທູຈາງ