ການຍົກສູງຄຸນນະພາບການອົບຮົມຫັດແອບ, ບໍາລຸງກໍ່ສ້າງກຽມພ້ອມສູ້ຮົບແມ່ນໜ້າທີ່ການເມືອງໃຈກາງ, ແລະຕະຫຼອດຂອງກອງທັບ. ຊາບຊຶມຢ່າງເລິກເຊິ່ງການນໍາພາ, ຊີ້ນໍາຂອງຄະນະພັກການທະຫານສູນກາງ, ກະຊວງປ້ອງກັນປະເທດ, ທົ່ວກອງທັບ ຈັດຕັ້ງການອົບຮົມຫັດແອບຮອບດ້ານໃຫ້ແກ່ບັນດາເປົ້າໝາຍ, ສຸມໃສ່ເຂົ້າໃນບັນດາເນື້ອໃນໃໝ່, ຍາກ. ພິເສດ, ປີ 2024, ບັນດາອົງການ, ກົມກອງ ມີການບຸກທະລຸຫຼາຍຢ່າງໃນການຈັດຕັ້ງການຊ້ອມຮົບຢູ່ທຸກຂັ້ນ. ຄຸນນະພາບສັງລວມ, ກໍາລັງແຮງ, ລະດັບກຽມພ້ອມສູ້ຮົບຂອງທົ່ວກອງທັບ ໄດ້ຮັບການຍົກສູງຂຶ້ນ, ຕອບສະໜອງຄວາມຮຽກຮ້ອງຕ້ອງການ, ໜ້າທີ່ປົກປັກຮັກສາປະເທດຊາດ ໃນສະພາບການໃໝ່.

ສ້າງບຸກທະລຸ, ຍົກສູງຄຸນນະພາບການອົບຮົມຫັດແອບ, ບໍາລຸງສ້າງ

ປະຕິບັດການກໍ່ສ້າງກອງທັບ ໃຫ້ຍອດຢ້ຽມ, ກະທັດຮັດ, ເຂັ້ມແຂງກ້າວຂຶ້ນທັນສະໄໝ, ວຽກງານອົບຮົມຫັດແອບໄດ້ຮັບການເອົາໃຈໃສ່ນໍາພາ, ຊີ້ນໍາຢ່າງໜັກແໜ້ນຈາກຄະນະພັກ, ຄະນະບັນຊາທຸກຂັ້ນ, ຕັ້ງໜ້າປ່ຽນແປງໃໝ່ເນື້ອໃນ ແລະຮູບການ, ໃກ້ຊິດຕິດແທດກັບຄວາມຮຽກຮ້ອງຕ້ອງການ, ໜ້າທີ່ຂອງກອງທັບ ເວົ້າລວມ, ເວົ້າສະເພາະແມ່ນອົງການຈັດຕັ້ງ, ພະນັກງານຂອງແຕ່ລະກົມກອງ. ໃນປີ, ບັນດາກົມກອງ ໃນທົ່ວກອງທັບ ໄດ້ເປັນເຈົ້າການໃນວຽກງານກະກຽມ; ວາງອອກຫຼາຍມາດຕະການ, ສືບຕໍ່ປ່ຽນແປງໃໝ່, ສ້າງບາດກ້າວບຸກທະລຸຖືກຕາມເນື້ອໃນຈິດໃຈມະຕິເລກທີ 1659-NQ/QUTW ລົງວັນທີ 20 ທັນວາ 2022 ຂອງຄະນະພັກການທະຫານສູນກາງ ກ່ຽວກັບການຍົກສູງຄຸນນະພາບການອົບຮົມຫັດແອບ ໄລຍະ 2023-2030 ແລະໃນຊຸມປີຕໍ່ໜ້າ. ຕາມການຕີລາຄາຂອງການນໍາກະຊວງປ້ອງກັນປະເທດ, ກົມໃຫຍ່ເສນາທິການກອງທັບປະຊາຊົນຫວຽດນາມ, ດ້ວຍຫຼາຍມາດຕະການຄົບຊຸດ ແລະຂ້ຽວຂາດ, ປີ 2024, ຄຸນນະພາບການອົບຮົມຫັດແອບຂອງບັນດາກົມກອງ ມີຄວາມຄືບໜ້າຫຼາຍຢ່າງ, ໃກ້ຊິດຕິດແທດກັບໜ້າທີ່, ສະຖານະການ, ເປົ້າໝາຍສູ້ຮົບ, ທະຫານນໍາໃຊ້ອາວຸດຍຸດໂທປະກອນເຕັກນິກໃໝ່, ທັນສະໄໝຢ່າງຄ່ອງແຄ້ວ.

leftcenterrightdel
ທ່ານພົນເອກ ຫງວຽນເຕິນເກືອງ ມອບຂອງຂວັນລະດົມກໍາລັງໃຈບັນດາກົມກອງ ເຂົ້າຮ່ວມການອົບຮົມຫັດແອບປະສານສົມທົບລະຫວ່າງປ້ອງກັນອາກາດ-ທະຫານອາກາດ ກັບທະຫານເຮືອ ປີ 2024. ພາບ: qdnd.vn

ຊອກຮູ້ຢູ່ກອງພົນໃຫຍ່ 12, ພວກຂ້າພະເຈົ້າ ໄດ້ຮູ້ວ່າ ໃນປີກອງພົນໃຫຍ່ 12 ສຸມໃສ່ບຸກທະລຸຍົກສູງຄຸນນະພາບການອົບຮົມຫັດແອບຮັບປະກັນໃຫ້ສອດຄ່ອງກັບພາລະໜ້າທີ່, ການຈັດຕັ້ງ, ສັບຊ້ອນພະນັກງານໃໝ່. ບັນດາກົມກອງ ເອົາໃຈໃສ່ອົບຮົມຫັດແອບຕາມທິດນໍາ “ພື້ນຖານ, ແທດຈິງ, ໝັ້ນແກ່ນ”, ຖືການອົບຮົມຮັດແອບຄົບຊຸດເປັນສໍາຄັນ, ລົງເລິກ, ຕາມທິດທັນສະໄໝ; ການອົບຮົມຫັດແອບການທະຫານສົມທົບຢ່າງແໜ້ນແຟ້ນກັບການສຶກສາອົບຮົມການເມືອງ; ການສຶກສາ-ກໍ່ສ້າງຕິດພັນກັບການອົບຮົມຫັດແອບສູ້ຮົບ; ອົບຮົມຫັດແອບໃກ້ຊິດກັບແຜນງານ, ເປົ້າໝາຍສູ້ຮົບ, ສະໜາມຮົບ, ການຈັດຕັ້ງ, ພະນັກງານ, ພາຫະນະເຕັກນິກ, ຄວາມສາມາດສູ້ຮົບໃນເງື່ອນໄຂສົງຄາມ ທີ່ສັດຕູ ນໍາໃຊ້ອາວຸດເຕັກໂນໂລຊີສູງ. ຕັ້ງໜ້ານໍາໃຊ້ເຕັກໂນໂລຊີຂໍ້ມູນຂ່າວສານ, ເຕັກໂນໂລຊີດີຈີຕອນ, ພາຫະນະເຕັກນິກທັນສະໄໝໃນການອົບຮົມຫັດແອບ, ຊ້ອມຮົບ, ຮັບປະກັນໃກ້ຊິດຕິດແທດກັບສະພາບຕົວຈິງຂອງການສູ້ຮົບ; ເພີ່ມທະວີການຫັດແອບຫຼໍ່ຫຼອມຄວາມສາມາດອົດທົນຕໍ່ຄວາມຫຍຸ້ງຍາກລໍາບາກ ແລະຮັບປະກັນສຸຂະພາບເຂັ້ມແຂງໃຫ້ແກ່ທະຫານ, ເພື່ອຕອບສະໜອບຄວາມຮຽກຮ້ອງຕ້ອງການຂອງໜ້າທີ່ເມື່ອມີສະຖານະການເກີດຂຶ້ນ.

ສໍາຫຼວດຢູ່ບາງກົມກອງຂຶ້ນກັບທະຫານເຂດ 1, ທະຫານເຂດ 3, ເຫຼົ່າຮົບຕີ ພິເສດ... ພວກຂ້າພະເຈົ້າ ເຫັນໄດ້ວ່າ ບັນດາອົງການ, ກົມກອງ ໄດ້ເປັນເຈົ້າການປະຕິບັດວຽກງານກະກຽມອົບຮົມຫັດແອບເປັນຢ່າງດີ... ຜູ້ບັນຊາການທຸກຂັ້ນຖືເປັນສໍາຄັນການອົບຮົມຫັດແອບຕາມສະຖານະການ, ໃກ້ຊິດຕິດແທດກັບໜ້າທີ່, ເປົ້າໝາຍ, ບໍລິເວນ ແລະວິທີສູ້ຮົບ. ພິເສດ, ສໍາລັບການອົບຮົມຫັດແອບກົມກອງເຫຼົ່າຮົບ, ຂະແໜງ, ບັນດາກົມກອງ ເອົາໃຈໃສ່ອົບຮົມຫັດແອບເປັນເຈົ້າອາວຸດຍຸດໂທປະກອນ, ກໍາແໜ້ນວິຊາສະເພາະ, ຊໍານິຊໍານານດ້ານເຕັກນິກ, ຍຸດທະວິທີເຫຼົ່າຮົບ, ຂະແໜງການ ແລະປະສານກັນສູ້ຮົບປະສານເຫຼົ່າ.

ໃນປີ, ຄຸນນະພາບການສຶກສາ-ກໍ່ສ້າງ ໄດ້ຮັບການຍົກສູງຂຶ້ນຕອບສະໜອງຄວາມຮຽກຮ້ອງຕ້ອງການກໍ່ສ້າງກອງທັບປະຊາຊົນ ປະຕິວັດ, ເປັນກໍາລັງຫຼວງ, ຍອດຢ້ຽມ, ທັນສະໄໝເທື່ອລະກ້າວ. ບັນດາໂຮງຮຽນຕັ້ງໜ້າປ່ຽນແປງໃໝ່ເນື້ອໃນ, ໂຄງການກໍ່ສ້າງ, ຮັບປະກັນພື້ນຖານ, ຮອບດ້ານ, ແທດຈິງ, ມີປະສິດທິຜົນ, ໃກ້ຊິດກັບສະພາບຕົວຈິງ, ສອດຄ່ອງກັບນັກສໍາມະນາກອນ ແຕ່ລະເປົ້າໝາຍ. ກອງທັບປະຕິບັດສໍາເລັດແຜນຮ່າງ “ກໍ່ສ້າງສັງຄົນຮໍ່າຮຽນໃນກອງທັບຮອດປີ 2030 ແລະຊຸມປີຕໍ່ໜ້າຢ່າງມີຄຸນນະພາບ”. ຍູ້ແຮງການຮ່ວມມືສາກົນ, ຈັດຕັ້ງການອົບຮົມ, ບໍາລຸງກໍ່ສ້າງຢ່າງແໜ້ນແຟ້ນ ແລະສົ່ງຊຽວຊານໄປຊ່ວຍ ລາວ, ກໍາປູເຈຍ ໃນວຽກງານສຶກສາ-ກໍ່ສ້າງ...

ເອົາໃຈໃສ່ວຽກງານປະສານຊ້ອມຮົບ, ໃກ້ຊິດກັບສະພາບຕົວຈິງຂອງການສູ້ຮົບ

ປະຕິບັດການຊີ້ນຳ, ນໍາພາຂອງຄະນະພັກການທະຫານສູນກາງ, ກະຊວງປ້ອງກັນປະເທດ, ກົມໃຫຍ່ເສນາທິການ, ປີ 2024, ບັນດາກົມກອງ ຈັດຕັ້ງການຊ້ອມຮົບຢ່າງມີປະສິດທິຜົນ, ໃກ້ຊິດກັບສະພາບຕົວຈິງແຫ່ງການສູ້ຮົບ. ພິເສດ, ການຊ້ອມຮົບເຂດປ້ອງກັນຂັ້ນແຂວງ, ເມືອງມີການຍິງລູກປືນແທ້ ດ້ວຍການເຂົ້າຮ່ວມຂອງກໍາລັງຕ່າງໆ. ບັນດາການຊ້ອມຮົມຂອງກົມກອງກໍາລັງຫຼວງມີການສົມທົບກັນສູ້ຮົບຂອງກໍາລັງປະກອບອາວຸດທ້ອງຖິ່ນໃນເຂດປ້ອງກັນ ແລະບັນດາກົມກອງເຫຼົ່າຮົບ, ເຫຼົ່າທັບ ຮັບປະກັນຮອບດ້ານ ແລະສັງລວມສູງ, ໃກ້ຊິດກັບສະພາບຕົວຈິງຂອງການສູ້ຮົບໃນສະພາບການໃໝ່; ສົມທົບຢ່າງມີໄຫວພິບລະຫວ່າງສິລະປະຍຸດການທະຫານທີ່ເປັນມູນເຊື້ອກັບວິທີສູ້ ຮົບທີ່ທັນສະໄໝ.

leftcenterrightdel
ກອງກໍາປັ່ນທະຫານເຮືອປະຊາຊົນຫວຽດນາມ ປະສານສົມທົບກັນສູ້ຮົບໃນທະເລ. ພາບ: qdnd.vn

ບັນດາການຊ້ອມຮົມເຂດປ້ອງກັນນະຄອນຮ່າໂນ້ຍ ປີ 2024 ມີຂອບຂະໜາດໃຫຍ່, ຂອບເຂດກວ້າງ, ມີຫຼາຍກໍາລັງເຂົ້າຮ່ວມ, ຮຽກຮ້ອງໃຫ້ມີການປ່ຽນແປງໃໝ່ທັງວຽກງານຊີ້ນໍາ ແລະວິທີບໍລິຫານພະນັກງານຫຼັກແຫຼ່ງກໍາລັງປ້ອງກັນອາວຸດນະຄອນຫຼວງ, ບັນດາພະແນກ, ຂະແໜງການ, ອົງການຈັດຕັ້ງມະຫາຊົນນະຄອນ ແລະການປະສານສົມທົບລະຫວ່າງເຫຼົ່າຮົບ, ເຫຼົ່າທັບໃຫຍ່, ດ້ວຍຫຼາຍຈຸດໃໝ່ ແລະຫົວຂໍ້ຍາກ. ແຕ່ວ່າ ດ້ວຍການກະກຽມຢ່າງຮອບຄອບຖີ່ຖ້ວນຂອງບັນດາກໍາລັງ, ພາກສ່ວນເຂົ້າຮ່ວມ, ການຊ້ອມຮົບໄດ້ສໍາເລັດເນື້ອໃນຕາມຄວາມຮຽກຮ້ອງຕ້ອງການຂອງຄະນະຊີ້ນໍາກະຊວງປ້ອງກັນປະເທດ ແລະປະສົບຜົນສໍາເລັດຢ່າງຈົບງາມ,.

ນອກຈາກການຊ້ອມຮົບເຂດປ້ອງກັນນະຄອນຮ່າໂນ້ຍ, ໃນປີ 2024, ກະຊວງປ້ອງກັນປະເທດ, ກົມໃຫຍ່ເສນາທິການ ໄດ້ຊີ້ນໍາບັນດາການຊ້ອມຮົບຢ່າງແໜ້ນແຟ້ນ, ມີຄຸນນະພາບ, ຈຸດສຸມແມ່ນການຊ້ອມຮົບບັນຊາ-ອົງການ 2 ຂັ້ນຝ່າຍດຽວ ເທິງແຜນທີ່ ແລະພູມີປະເທດຕົວຈິງ ມີການຍິງລູກປືນແທ້ໃຫ້ແກ່ໂຮງຮຽນນາຍທະຫານບົກເລກ 2; ການຊ້ອມຮົບບັນຊາ-ເສນາ 2 ຂັ້ນ ຝ່າຍດຽວ ເທິງແຜນທີ່, ພູມີປະເທດຕົວຈິງ ມີທະຫານສ່ວນໜຶ່ງ ແລະຍິງລູກປືນແທ້ໃຫ້ແກ່ເຫຼົ່າທັບເຮືອ, ເຫຼົ່າທັບປ້ອງກັນອາກາດ-ທະຫານອາກາດ; ການຊ້ອມຮົບສູ້ຮົບປ້ອງກັນທະຫານເຂດ 7; ການຊ້ອມຮົບ ຕ້ານການກໍ່ການຮ້າຍຂອງເຫຼົ່າຮົບຕີພິເສດ ແລະບັນດາການຊ້ອມຮົບຍຸດທະວິທີຍິງລູກປືນແທ້, ຍົກສູງລະດັບການຈັດຕັ້ງບັນຊາ, ຄວາມສາມາດຮັບປະກັນ, ປະສານສົມທົບກັນສູ້ຮົບຂອງບັນດາກໍາລັງ, ຕອບສະໜອງໜ້າທີ່ປົກປັກຮັກສາປະເທດຊາດ ໃນເງື່ອນໄຂໃໝ່.

ເປັນເສນາທິການຢ່າງທັນການ, ມີປະສິດທິຜົນ, ກຽມພ້ອມສູ້ຮົບສູງ

ກ່າວຄໍາເຫັນທີ່ກອງປະຊຸມຄັ້ງທີ 12 ຂອງຄະນະພັກການທະຫານສູນກາງ, ທ່ານເລຂາທິການໃຫຍ່ ໂຕເລິມ, ເລຂາຄະນະພັກການທະຫານສູນກາງ ເນັ້ນໜັກວ່າ ປີ 2024, ຄະນະພັກການທະຫານສູນກາງ, ກະຊວງປ້ອງກັນປະເທດ ໄດ້ຊີ້ນຳ, ນໍາພາປະຕິບັດພາລະບົດບາດເປັນເສນາທິການຍຸດທະສາດໃຫ້ພັກ, ລັດ ກ່ຽວກັບການທະຫານ, ການປ້ອງກັນຊາດ, ປົກປັກຮັກສາປະເທດຊາດ ເປັນຢ່າງດີ; ຈັດຕັ້ງການປະເມີນຜົນ, ສະຫຼຸບບາງມະຕິ, ຂໍ້ສະຫຼຸບຂອງສູນກາງ ໃນອົງຄະນະພັກກອງທັບ ແລະປະສານສົມທົບກັນຜັນຂະຫຍາຍການປະຕິບັດຍຸດທະສາດປົກປັກຮັກສາປະເທດຊາດ ໃນສະພາບການໃໝ່. ເປັນເຈົ້າການຄົ້ນຄວ້າວິທີ, ຮູບຖານສົງຄາມໃໝ່, ສະເໜີແຜນນະໂຍບາຍຮັບມື, ມາດຕະການຍຸດທະສາດທັງໃນສະເພາະໜ້າ ແລະຍາວນານ, ຮັກສາສະພາບແວດລ້ອມສັນຕິພາບ, ສະຖຽນລະພາບ ເພື່ອພັດທະນາປະເທດ, ປົກປັກຮັກສາປະເທດຊາດ ໃນທຸກສະຖານະການ ໄວ້ຢ່າງໝັ້ນຄົງ; ປະກອບສ່ວນຮັກສາສັນຕິພາບ, ສະຖຽນລະພາບ ຢູ່ພາກພື້ນ ແລະໃນໂລກ...

leftcenterrightdel
ລູກສອນໄຟອອກຈາກຖານຍິງທຳລາຍເປົ້າໝາຍທີ່ການຊ້ອມຮົບຍຸດທະວິທີຍິງລູກປືນແທ້ບັນດາກໍາລັງປ້ອງກັນອາກາດ ປີ 2024 ໂດຍ ເຫຼົ່າທັບປ້ອງກັນອາກາດ-ທະຫານອາກາດ ຈັດຕັ້ງ. ພາບ: qdnd.vn

ທ່ານ ໂຕເລິມ ຕີລາຄາສູງລັກສະນະເປັນເຈົ້າການ, ມີໄຫວພິບ, ຄວາມສາມາດຄົ້ນຄວ້າ, ຄາດຄະເນ, ຕີລາຄາສະພາບການຢ່າງຖືກຕ້ອງຂອງຄະນະພັກການທະຫານສູນກາງ, ກະຊວງປ້ອງກັນປະເທດ ໃນການເປັນເສນາທິການໃຫ້ພັກ, ລັດ ກ່ຽວກັບການວາງແຜນນະໂຍບາຍ, ຍຸດໂທບາຍການທະຫານ, ການປ້ອງກັນຊາດ ຕອບສະໜອງຄວາມຮຽກຮ້ອງຕ້ອງການ, ໜ້າທີ່ປົກປັກຮັກສາປະເທດຊາດ. ພ້ອມກັນນັ້ນ, ກະຊວງປ້ອງກັນປະເທດ, ກົມໃຫຍ່ເສນາທິການ ຍັງສົມທົບຢ່າງແໜ້ນແຟ້ນກັບບັນດາຄະນະ, ກະຊວງ, ຂະແໜງການຂັ້ນສູນກາງ, ສຸມໃສ່ສ້າງ, ເພີ່ມເຕີມຍຸດທະສາດ ແລະບັນດາວິທີການ, ແຜນການປ້ອງກັນປະເທດ; ດັດປັບການວາງແຜນຍຸດທະສາດ ໃຫ້ເໝາະສົມ; ຍົກສູງຄຸນນະພາບການກໍ່ສ້າງພື້ນຖານປ້ອງກັນຊາດທົ່ວປວງຊົນ, ທ່າສະໜາມປ້ອງກັນຊາດທົ່ວປວງຊົນຕິດພັນກັບທ່າສະໜາມປ້ອງກັນຄວາມສະຫງົບປະຊາຊົນ. ທົ່ວກອງທັບ ແລະບັນດາທ້ອງຖິ່ນສືບຕໍ່ຍູ້ແຮງການກໍ່ສ້າງລະບົບກິດຈະການປ້ອງກັນ, ຖານທີ່ໝັ້ນສູ້ຮົບ, ຖານທີ່ໝັ້ນແນວຫຼັງ... ຕິດພັນກັບຍຸດທະສາດແຫ່ງຊາດວ່າດ້ວຍການປ້ອງກັນພົນລະເຮືອນ, ສ້າງທ່າສະໜາມຢ່າງຕໍ່ເນື່ອງ, ກວ້າງຂວາງທົ່ວເຖິງ, ຍົກສູງຄວາມສາມາດປ້ອງກັນລະດັບຊາດ ແລະປ້ອງກັນຢູ່ທຸກລະດັບ. ໃນບັນດາທິດ, ບໍລິເວນຍຸດທະສາດ, ຈຸດສຸມສືບຕໍ່ດັດປັບ, ສັບຊ້ອນກໍາລັງຢ່າງສົມເຫດສົມຜົນ, ດຸນດ່ຽງລະຫວ່າງກໍາລັງຢູ່ກັບທີ່ ແລະກໍາລັງເຄື່ອນທີ່, ກໍາລັງທະຫານທ້ອງຖິ່ນ ແລະກໍາລັງຫຼວງ, ລະຫວ່າງບັນດາເຫຼົ່າທັບ, ເຫຼົ່າຮົບ...

ກົມໃຫຍ່ເສນາທິການ ໄດ້ຊີ້ນໍາທົ່ວກອງທັບ ຮັກສາລະບຽບແບບແຜນ, ລະບອບກຽມພ້ອມສູ້ຮົບຢ່າງເຂັ້ມງວດ, ສືບຂ່າວ ກໍາແໜ້ນສະພາບການສູ້ ຮົບເອເລັກໂຕນິກບັນດາເຂດ, ບໍລິເວນຈຸດສຸມ. ເພີ່ມທະວີການຄວບຄຸມຂໍ້ມູນຂ່າວສານໃນເຄືອຂ່າຍອິນເຕີແນັດ, ຮັບປະກັນການສື່ສານໃຫ້ທັນເວລາເພື່ອບັນຊາ ແລະຊີ້ນຳທົ່ວກອງທັບ. ເອົາໃຈໃສ່ຄຸ້ມຄອງເສັ້ນຊາຍແດນຢ່າງແໜ້ນແຟ້ນ, ລາດຕະເວນ, ຄວບຄຸມ, ສະກັດກັ້ນ, ປັບໄໝລົງໂທດບັນດາເປົ້າໝາຍລະເມີດການເຂົ້າອອກເມືອງຢູ່ເສັ້ນຊາຍແດຍຢ່າງທັນການ; ເພີ່ມທະວີການໂຄສະນາ, ລາດຕະເວນ, ສະກັດກັ້ນກໍາປັ່ນຕ່າງປະເທດລະເມີດ, ລ່ວງລໍ້າເຂດທະເລຫວຽດນາມ; ປະຕິບັດມາດຕະການສະກັດກັ້ນ, ຕ້ານການຂຸດຄົ້ນສິນທະເລຜິດກົດໝາຍ, ບໍ່ລາຍງານ, ບໍ່ຕາມຂໍ້ກໍານົດຢ່າງເຂັ້ມງວດ. ປະຕິບັດບັນດາມາດຕະການຮັບປະກັນຄວາມປອດໄພໃນການເຄື່ອນໄຫວບິນ; ຈັດຕັ້ງການຊ້ອມຮົບປະສົມປະສານເຫຼົ່າທັບ-ເຫຼົ່າຮົບບິນຍິງ, ຖິ້ມລະເບີດແທ້ຮັບປະກັນຄວາມປອດໄພ; ຄຸ້ມຄອງເຮືອບິນບໍ່ມີຄົນຂັບ ແລະພາຫະນະບິນຢ່າງໜັກແໜ້ນ, ແກ້ໄຂຢ່າງທັນການ, ມີປະສິດທິຜົນ, ຖືກຕາມຂໍ້ກໍານົດ. ສົມທົບກັບກໍາລັງຮັກສາຄວາມສະຫງົບ, ຄວາມເປັນລະບຽບຮຽບຮ້ອຍໃນທົ່ວປະເທດ ແລະບັນດາເຫດການການເມືອງ ທີ່ສໍາຄັນຂອງປະເທດ, ຂອງກອງທັບ.

ໂດຍ: ໄຊຊະນະ