ທ່ານພົນໂທ ຮວ່າງຊວນຈ໊ຽນ ເຂົ້າຮ່ວມ ແລະຊີ້ນຳກອງປະຊຸມຄະນະພັກເຫຼົ່າທັບເຮືອ

ປີ 2024, ຄະນະພັກ, ກອງບັນຊາການເຫຼົ່າທັບເຮືອໄດ້ສຸມໃສ່ຊີ້ນຳນຳພາ ແລະປະຕິບັດສຳເລັດບັນດາໜ້າທີ່ຢ່າງຄົບຖ້ວນ, ຫຼາຍໜ້າທີ່ສາມາດປະຕິບັດສຳເລັດຢ່າງດີເລີດ, ຄື: ເປັນເຈົ້າການກໍາແໜ້ນ, ຄົ້ນຄວ້າ, ຕີລາຄາ ແລະຄາດຄະເນສະພາບການຢ່າງຖືກຕ້ອງ, ເປັນເສນາທິການໃຫ້ຄະນະພັກການທະຫານສູນກາງ, ກະຊວງປ້ອງກັນປະເທດບັນດາແຜນນະໂຍບາຍ, ມາດຕະການ ແລະແກ້ໄຂບັນດາສະພາບການຢູ່ທະເລໃຫ້ຖືກຕ້ອງນະໂຍບາຍຮັບມື ແລະມີປະສິດທິຜົນ, ບໍ່ປະໃຫ້ຕົກຢູ່ໃນທ່າຮັບໂດຍບັງເອີນ; ປົກປັກຮັກສາອະທິປະໄຕ, ສິດ ແລະຜົນປະໂຫຍດຂອງຊາດໄວ້ຢ່າງໝັ້ນຄົງ, ຮັກສາສະພາບແວດລ້ອມແຫ່ງສັນຕິພາບ ແລະສະຖຽນລະພາບຢູ່ທະເລ...

ທ່ານພົນໂທ ຮວ່າງຊວນຈ໊ຽນ ກ່າວຄຳເຫັນຊີ້ນໍາທີ່ກອງປະຊຸມ. ພາບ: qdnd.vn

ໃນປີ 2025, ຄະນະພັກເຫຼົ່າທັບເຮືອ ສືບຕໍ່ນໍາພາຊາບຊຶມ, ຈັດຕັ້ງປະຕິບັດບັນດາມະຕິ, ຄໍາສັ່ງຊີ້ນໍາຂອງຂັ້ນເທິງກ່ຽວກັບໜ້າທີ່ການທະຫານ ແລະປ້ອງກັນປະເທດຢ່າງເຂັ້ມງວດ; ຮັກສາການກຽມພ້ອມສູ້ຮົບຢ່າງເຂັ້ມງວດ, ກໍາແໜ້ນສະພາບການ, ເປັນເສນາທິການ ແລະສະເໜີຕໍ່ຄະນະພັກການທະຫານສູນກາງ, ກະຊວງປ້ອງກັນປະເທດແກ້ໄຂຢ່າງທັນການ ແລະຖືກຕ້ອງຕາມນະໂຍບາບຮັບມື, ບໍ່ປະໃຫ້ຕົກຢູ່ໃນທ່າຮັບໂດຍບັງເອີນ; ປົກປັກຮັກສາອະທິປະໄຕຢູ່ທະເລ ແລະໝູ່ເກາະ, ບັນດາການເຄື່ອນໄຫວເສດຖະກິດທາງທະເລໄວ້ຢ່າງໝັ້ນຄົງ...

ບັນຍາກາດທີ່ກອງປະຊຸມ. ພາບ: qdnd.vn

ກ່າວຄຳເຫັນຊີ້ນໍາທີ່ກອງປະຊຸມ, ທ່ານພົນໂທ ຮວ່າງຊວນຈ໊ຽນ ໄດ້ຮັບຮູ້ ແລະຕີລາຄາສູງຕໍ່ຜົນງານທີ່ກົມກອງບັນລຸໄດ້; ຮຽກຮ້ອງໃຫ້ຄະນະພັກເຫຼົ່າທັບເຮືອສືບຕໍ່ຊາບຊຶມບັນດາຄໍາສັ່ງຊີ້ນໍາ, ມະຕິຂອງພັກ, ຄະນະພັກການທະຫານສູນກາງ ແລະກະຊວງປ້ອງກັນປະເທດ; ນໍາພາປະຕິບັດສໍາເລັດບັນດາເປົ້າໝາຍທີ່ກໍານົດໄວ້...

ໂດຍ: ທະນາພອນ