    |
 |
|
ທ່ານພົນເອກ ຫງວຽນເຕິນເກືອງ ກ່າວຄຳເຫັນຊີ້ນໍາກອງປະຊຸມ. ພາບ: ວັນຈ້ຽນ |
ກ່າວຄຳເຫັນຊີ້ນໍາກອງປະຊຸມ, ທ່ານພົນເອກ ຫງວຽນເຕິນເກືອງ ໄດ້ຍ້ອງຍໍຊົມເຊີຍບັນດາໝາກຜົນ ເຊິ່ງຄະນະພັກກົມໃຫຍ່ເສນາທິການ - ອົງການກະຊວງປ້ອງກັນປະເທດ ບັນລຸໄດ້ໃນປີ 2024; ເຫັນດີເປັນເອກະພາບຕໍ່ທິດທາງ, ແຜນນະໂຍບາຍ, ມາດຕະການນຳພາ ເຊິ່ງ ຮ່າງມະຕິຂອງຄະນະພັກ ໄດ້ກໍານົດໄວ້; ພ້ອມທັງຮຽກຮ້ອງໃຫ້ຄະນະພັກກົມໃຫຍ່ເສນາທິການ - ອົງການກະຊວງປ້ອງກັນປະເທດສືບຕໍ່ນໍາພາຍົກສູງວຽກງານຄົ້ນຄວ້າ, ກໍາແໜ້ນ, ຕີລາຄາສະພາບການໃຫ້ຖືກຕ້ອງ, ເປັນເສນາທິການ, ສະເໜີຕໍ່ຄະນະພັກການທະຫານສູນກາງ, ກະຊວງປ້ອງກັນປະເທດ, ພັກ, ລັດ ແກ້ໄຂສະພາວະການຢ່າງຖືກຕ້ອງ, ທັນການ, ມີໄຫວພິບ, ມີປະສິດທິຜົນ. ເປັນເຈົ້າການກວດສັງລວມເນື້ອໃນ, ໜ້າທີ່, ສະເໜີຕໍ່ຂັ້ນເທິງບັນດາມາດຕະການຊີ້ນຳ, ນຳພາ, ຈັດຕັ້ງປະຕິບັດໃຫ້ສຳເລັດໂດຍໄວ. ເປັນເສນາທິການສ້າງ, ປະກາດໃຊ້, ຜັນຂະຫຍາຍມະຕິ, ຍຸດທະສາດ, ລາຍການ, ແຜນການ, ສະຫຼຸບ, ແຜນຮ່າງ, ໂຄງການກ່ຽວກັບການທະຫານ, ການປ້ອງກັນຊາດຢ່າງມີປະສິດທິຜົນ; ຜູ້ບັນຊາການ, ຊີ້ນຳທົ່ວກອງທັບປະຕິບັດໜ້າທີ່ກຽມພ້ອມສູ້ຮົບ; ກວດກາຄືນ, ເພີ່ມເຕີມ, ປັບປຸງລະບົບເອກະສານສູ້ຮົບ; ປັບປຸງ, ຈັດວາງກຳລັງໃຫ້ສອດຄ່ອງກັບໜ້າທີ່ສູ້ຮົບ ແລະແຜນຜັງທ່າຮົບການທະຫານໃນເຂດປ້ອງກັນ...
|
|
 |
|
ທ່ານພົນເອກ ຫງວຽນເຕິນເກືອງ ແລະບັນດາຜູ້ແທນເຂົ້າຮ່ວມກອງປະຊຸມ. ພາບ: ວັນຈ້ຽນ |
ພ້ອມກັບນັ້ນ, ເປັນເຈົ້າການຄົ້ນຄວ້າ, ເປັນເສນາທິການ, ສົມທົບກັບຄະນະ, ກະຊວງ, ຂະແໜງການຂັ້ນສູນກາງ, ທ້ອງຖິ່ນກໍ່ສ້າງພື້ນຖານປ້ອງກັນຊາດທົ່ວປວງຊົນໃຫ້ໝັ້ນຄົງເຂັ້ມແຂງ, ເຂດປ້ອງກັນໃຫ້ໝັ້ນແກ່ນ.
ຄຽງຂ້າງບັນດາໜ້າທີ່ຈຸດສຸມດັ່ງກ່າວ, ທ່ານພົນເອກ ຫງວຽນເຕິນເກືອງ ຮຽກຮ້ອງໃຫ້ຄະນະພັກກົມໃຫຍ່ເສນາທິການ - ອົງການກະຊວງປ້ອງກັນປະເທດ ສຸມໃສ່ກໍ່ສ້າງອົງຄະນະພັກ, ຄະນະພັກທຸກຂັ້ນ, ອົງການຈັດຕັ້ງພັກສັງກັດໃຫ້ປອດໃສ, ໝັ້ນຄົງເຂັ້ມແຂງ; ຊີ້ນຳວຽກງານກະກຽມກອງປະຊຸມໃຫຍ່ພັກທຸກຂັ້ນເປັນຢ່າງດີ, ກ້າວເຖິງການຈັດຕັ້ງກອງປະຊຸມໃຫຍ່ຜູ້ແທນອົງຄະນະພັກກົມໃຫຍ່ເສນາທິການ - ອົງການກະຊວງປ້ອງກັນປະເທດ ຄັ້ງທີ XIX ໃຫ້ເປັນແບບຢ່າງ, ປະສົບຜົນສໍາເລັດຢ່າງຈົບງາມ.
ໂດຍ: ເຈິ່ນຮວ່ຽນ