ທ່ານພົົນເອກ ໂງຊວນລິກ ເຂົ້າຮ່ວມເວທີປາໄສ ແຊງຊາງ ປັກກິ່ງ ຄັ້ງທີ 9
ກປ.ອອນໄລ - ໂດຍຕອບສະໜອງຕາມຄໍາເຊີນຂອງທ່ານພົນໂທ Wei Fenghe, ກໍາມະການລັດຖະບານ, ລັດຖະມົນຕີກະຊວງປ້ອງກັນປະເທດຈີນ ແລະສະຖາບັນວິທະຍາສາດການທະຫານ ຈີນ, ຄະນະຜູ້ແທນການທະຫານຂັ້ນສູງຫວຽດນາມ ນໍາໂດຍທ່ານພົນເອກ ໂງຊວນລິກ ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດຫວຽດນາມ ພ້ອມຄະນະ ໄດ້ເຂົ້າຮ່ວມເວທີປາໄສ ແຊງຊາງ ປັກກິ່ງ ຄັ້ງທີ 9 ຢູ່ປັກກິ່ງ (ສປ ຈີນ) ເຊິ່ງຈັດຂຶ້ນແຕ່ວັນທີ 20 – 22 ຕຸລາ.
ເວທີປາໄສ ແຊງຊາງ ປັກກິ່ງປີນີ້ ມີຫົວຂໍ້ວ່າ “ຮັກສາຄວາມເປັນລະບຽບຮຽບຮ້ອຍສາກົນ ແລະຊຸກຍູ້ສັນຕິພາບຢູ່ອາຊີ-ປາຊີຟິກ” ດ້ວຍ 4 ວາລະປະຊຸມຄົບຄະນະ ແລະ 8 ວາລະປະຊຸມພິເສດ. ຕາມແຜນການ, ທ່ານພົນເອກ ໂງຊວນລິກ ຈະມີບົດກ່າວປາໄສສໍາຄັນທີ່ວາລະປະຊຸມຄົບຄະນະທີ 2 ຂອງເວທີປາໄສກ່ຽວກັບຫົວຂໍ້ການຄຸ້ມຄອງຄວາມສ່ຽງກ່ຽວກັບຄວາມໝັ້ນຄົງຢູ່ອາຊີ-ປາຊີຟິກ.
    |
 |
|
ທ່ານພົນເອກ ໂງຊວນລິກ ລັດຖະມົນຕີກະຊວງປ້ອງກັນປະເທດຫວຽດນາມ ເຂົ້າຮ່ວມເວທີປາໄສ ແຊງຊາງ ປັກກິ່ງ ຄັ້ງທີ 8. ພາບ: ສໍານັກຂ່າວສານຫວຽດນາມ. |
ເລື່ອງຄະນະຜູ້ແທນການທະຫານຂັ້ນສູງຫວຽດນາມ ເຂົ້າຮ່ວມເວທີປາໄສ ແຊງຊາງ ປັກກິ່ງຄັ້ງນີ້ແມ່ນເພື່ອແນໃສ່ສືບຕໍ່ຢັ້ງຢືນບົດບາດຕັ້ງໜ້າ, ເປັນເຈົ້າການ ແລະມີຄວາມຮັບຜິດຊອບສູງຂອງຫວຽດນາມ ສໍາລັບບັນດາບັນຫາສາກົນ ແລະພາກພື້ນ; ສະແດງໃຫ້ເຫັນເຈດຕະນາດີຂອງຫວຽດນາມ ແມ່ນຢາກຊຸກຍູ້ການພົວພັນມິດຕະພາບ, ການຮ່ວມມື ແລະແບ່່ງປັນບົດຮຽນກັບບັນດາປະເທດໃນການແກ້ໄຂບັນດາສິ່ງທ້າທາຍຄວາມໝັ້ນຄົງລວມ, ຜ່ານນັ້ນສ້າງຄວາມໄວ້ເນື້ອເຊື່ອໃຈເພື່ອເປັນພື້ນຖານຊຸກຍູ້ການຮ່ວມມືເພື່ອສັນຕິພາບ ແລະພັດທະນາ. ພ້ອມກັນນັ້ນ, ການເຂົ້າຮ່ວມເວທີປາໄສ ແຊງຊາງ ປັກກິ່ງ ຄັ້ງທີ 9 ຂອງຄະນະຜູ້ແທນການທະຫານຂັ້ນສູງຫວຽດນາມ ກໍເປັນການສະແດງໃຫ້ເຫັນທັດສະນະຂອງຫວຽດນາມ ກ່ຽວກັບບັນດາບັນຫາຄວາມໝັ້ນຄົງ ແລະການພັດທະນາ ເຊິ່ງ ໂລກ, ພາກພື້ນຕ່າງກໍ່ມີຄວາມສົນໃຈ.
ໂດຍ: ໄຊຊະນະ