ປະທານສະພາແຫ່ງຊາດຫວຽດນາມ ຕ້ອນຮັບບັນດາການນຳກຸ່ມບໍລິສັດ United Overseas Bank
ທີ່ການຕ້ອນຮັບ, ທ່ານປະທານສະພາແຫ່ງຊາດ ຊີ້ແຈ້ງວ່າ ສິງກະໂປ ແມ່ນປະເທດທີ່ມີທ່າແຮງຫຼາຍຢ່າງໃນຂົງເຂດການບິນ, ທ່າກຳປັ່ນ, ການເງິນ, ທະນາຄານ. ປະຈຸບັນ, ສິງກະໂປ ແມ່ນຄູ່ຮ່ວມມືການຄ້າໃຫຍ່ອັນດັບ 4 ຂອງຫວຽດນາມ ໃນອາຊຽນ ດ້ວຍກວ່າ 3.800 ໂຄງການທີ່ຍັງມີຜົນສັກສິດ, ຍອດຈຳນວນເງິນລົງທຶນສະສົມແມ່ນຫຼາຍກວ່າ 81 ຕື້ໂດລາສະຫະລັດ.
ຕີລາຄາສູງກຸ່ມບໍລິສັດທີ່ມີການເຄື່ອນໄຫວລົງທຶນຢູ່ຫວຽດນາມ ນັບແຕ່ປີ 1993 ມາ, ທ່ານປະທານສະພາແຫ່ງຊາດ ຖືວ່າ ຫວຽດນາມ ໃຫ້ບຸລິມະສິດພັດທະນາການເງິນສີຂຽວ, ເຕັກໂນໂລຢີສູງ, ພະລັງງານທົດແທນ, ພະລັງງານສີຂຽວ, ແມ່ນບັນດາຂົງເຂດເຊິ່ງສິງກະໂປ ມີທ່າແຮງ; ຢືນຢັນວ່າ ຫວຽດນາມ ພ້ອມແລ້ວທີ່ຈະສ້າງເງື່ອນໄຂສະດວກໃຫ້ບັນດາວິສາຫະກິດຕ່າງປະເທດ, ໃນນັ້ນມີທະນາຄານ UOB - ສາຂາຂອງກຸ່ມບໍລິສັດ UOB ເປີດກວ້າງການເຄື່ອນໄຫວລົງທຶນໃນຂົງເຂດດັ່ງກ່າວ.
    |
 |
|
ທ່ານ ເຈິ່ນແທງເໝິນ ປະທານສະພາແຫ່ງຊາດ ຕ້ອນຮັບທ່ານ Wee Ee Cheong, ຮອງປະທານ ທັງເປັນຜູ້ອໍານວຍການໃຫຍ່ກຸ່ມບໍລິສັດ United Overseas Bank (UOB). ພາບ: qdnd.vn |
ທ່ານປະທານສະພາແຫ່ງຊາດ ເນັ້ນໜັກວ່າ: ຫວ່າງມໍ່ໆມານີ້, ສະພາແຫ່ງຊາດຫວຽດນາມ ໄດ້ພິຈາລະນາ, ປັບປຸງບັນດາລະບຽບການກ່ຽວກັບບັນດາອົງການສິນເຊື່ອ, ທີ່ດິນ, ເຮືອນຢູ່, ການດຳເນີນທຸລະກິດອະສັງຫາລິມະຊັບ; ການລົງທຶນຂອງລັດ; ຮັບຮອງເອົາ “ກົດໝາຍໜຶ່ງສະບັບປັບປຸງ 4 ກົດໝາຍ” ວ່າດ້ວຍການລົງທຶນ, “ກົດໝາຍໜຶ່ງສະບັບປັບປຸງ 9 ກົດໝາຍ” ວ່າດ້ວຍການເງິນ, ທະນາຄານ. ການປັບປຸງ, ເພີ່ມເຕີມ ແລະປະກາດໃຊ້ກົດໝາຍຢ່າງທັນການ, ເປັນຕົ້ນແມ່ນກົດໝາຍວ່າດ້ວຍການລົງທຶນ, ການດຳເນີນທຸລະກິດໃນໄລຍະຜ່ານມາ ເພື່ອແນໃສ່ສ້າງເງື່ອນໄຂສະດວກກ່ຽວກັບພື້ນຖານນິຕິກໍາໃຫ້ບັນດານັກລົງທຶນພາຍໃນ ແລະຕ່າງປະເທດ ເພື່ອຊຸກຍູ້ການເຄື່ອນໄຫວຜະລິດ, ດຳເນີນທຸລະກິດຢູ່ຫວຽດນາມ.
ຂອບໃຈຢ່າງຈິງໃຈທ່ານປະທານສະພາແຫ່ງຊາດຫວຽດນາມ ທີ່ໄດ້ສະຫຼະເວລາຕ້ອນຮັບ, ທ່ານ Wee Ee Cheong ເນັ້ນໜັກວ່າ: ຫວຽດນາມ ຍາມໃດກໍ່ນອນໃນທອັບຕະຫຼາດອັນດັບໜຶ່ງທີ່ UOB ປາດຖະໜາຢາກສ້າງຕັ້ງການຮ່ວມມື, ລົງທຶນໃນໄລຍະຍາວ.
ທ່ານ Wee Ee Cheong ໃຫ້ຮູ້ວ່າ, ໃນຖານະເປັນທະນາຄານສິງກະໂປ ແຫ່ງດຽວທີ່ດຳເນີນທຸລະກິດຢູ່ຫວຽດນາມ, UOB ປາດຖະໜາຢາກເພີ່ມທະວີການມີໜ້າໂດຍຜ່ານການເປີດສາຂາຢູ່ນະຄອນໂຮ່ຈີມິນ - ເຊິ່ງແມ່ນໜຶ່ງໃນບັນດາສູນການເງິນສາກົນຂອງຫວຽດນາມ ໃນອະນາຄົດດ້ວຍເປົ້າໝາຍສືບຕໍ່ສະໜອງການເງິນໃຫ້ບັນດາວິສາຫະກິດລົງທຶນຕ່າງປະເທດທີ່ໄດ້, ກໍາລັງ ແລະຈະດຳເນີນທຸລະກິດຢູ່ຫວຽດນາມ, ປະກອບສ່ວນສ້າງວຽກເຮັດງານທຳຫຼາຍຢ່າງໃຫ້ແກ່ຜູ້ອອກແຮງງານຫວຽດນາມ.
ທ່ານ ເຈິ່ນແທງເໝິນ ປະທານສະພາແຫ່ງຊາດ ຕ້ອນຮັບການນຳກຸ່ມບໍລິສັດ Sembcorp
ຕອນເຊົ້າວັນທີ 2 ທັນວາ (ຕາມເວລາທ້ອງຖິ່ນ), ໃນຂອບເຂດການຢ້ຽມຢາມສາທາລະນະລັດສິງກະໂປ ຢ່າງເປັນທາງການ, ທ່ານ ເຈິ່ນແທງເໝິນ ປະທານສະພາແຫ່ງຊາດຫວຽດນາມ ໄດ້ໃຫ້ການຕ້ອນຮັບທ່ານ Lee Ark Boon ຜູ້ອຳນວຍການໃຫຍ່ບໍລິສັດ Sembcorp Development ທັງເປັນປະທານສະພາບໍລິຫານກຸ່ມບໍລິສັດ VSIP.
ກ່າວຄຳເຫັນທີ່ການຕ້ອນຮັບ, ທ່ານປະທານສະພາແຫ່ງຊາດ ໄດ້ຕີລາຄາສູງກຸ່ມບໍລິສັດ Sembcorp ທີ່ລົງທຶນເຂົ້າ 18 ໂຄງການເຂດອຸດສາຫະກຳ ຫວຽດນາມ - ສິງກະໂປ (VSIP) ຢູ່ 13 ແຂວງ, ນະຄອນ ແລະສ້າງວຽກເຮັດງານທຳໃຫ້ຜູ້ອອກແຮງງານຫວຽດນາມ ກ່ວາ 300.000 ຄົນ; VSIP ແມ່ນຕົວຢ່າງທີ່ພົ້ນເດັ່ນຂອງການປະສົມປະສານພັດທະນາພື້ນຖານໂຄງລ່າງທີ່ທັນສະໄໝ ແລະດຶງດູດການລົງທຶນຈາກຕ່າງປະເທດທີ່ມີປະສິດທິຜົນ.
|
|
 |
|
ທ່ານ ເຈິ່ນແທງເໝິນ ປະທານສະພາແຫ່ງຊາດຫວຽດນາມ ພ້ອມກັບຜູ້ອຳນວຍການໃຫຍ່ Sembcorp Development ແລະບັນດາຜູ້ແທນທີ່ການຕ້ອນຮັບ. ພາບ: qdnd.vn |
ສະແດງຄວາມປິຕິຊົມຊື່ນເມື່ອຮູ້ວ່າ ການພົວພັນຄູ່ຮ່ວມມືຍຸດທະສາດ ຫວຽດນາມ - ສິງກະໂປ ພວມພັດທະນາຢ່າງແຂງແຮງ, ຄວາມໄວ້ເນື້ອເຊື່ອໃຈດ້ານການເມືອງນັບມື້ນັບໄດ້ຮັບການເພີ່ມທະວີ; ພິເສດແມ່ນໃນຂົງເຂດເສດຖະກິດ, ການຄ້າ, ນີ້ແມ່ນຈຸດພົ້ນເດັ່ນໃນການພົວພັນລະຫວ່າງສອງປະເທດ, ທ່ານປະທານສະພາແຫ່ງຊາດ ຢືນຢັນວ່າ ຫວຽດນາມ ຍາມໃດກໍ່ຖືເປັນສຳຄັນຕໍ່ການມີໜ້າຂອງບັນດາວິສາຫະກິດສິງກະໂປ ຢູ່ຫວຽດນາມ; ປາດຖະໜາຢາກສືບຕໍ່ຮ່ວມມືກັບກຸ່ມບໍລິສັດ Sembcorp, ສຸມໃສ່ບັນດາໂຄງການພັດທະນາພື້ນຖານໂຄງລ່າງສວນອຸດສາຫະກຳທີ່ສະຫຼາດ, ທັນສະໄໝ, ຍືນຍົງ ແລະປະຕິບັດບັນດາໂຄງການພະລັງງານສະອາດ.
ທ່ານ Lee Ark Boon ປະທານກຸ່ມບໍລິສັດ Sembcorp ສະແດງຄວາມເປັນກຽດທີ່ໄດ້ພົບປະກັບທ່ານປະທານສະພາແຫ່ງຊາດຫວຽດນາມ ແລະຄະນະປະຕິບັດງານຢູ່ສິງກະໂປ; ແຈ້ງໃຫ້ຊາບດ້ວຍຄວາມເຄົາລົບວ່າ Sembcorp ມີການລົງທຶນ ແລະດໍາເນີນທຸລະກິດຢູ່ຫວຽດນາມ ໄດ້ 28 ປີແລ້ວ. VSIP ແມ່ນສັນຍາລັກແຫ່ງຜົນສຳເລັດໃນການຮ່ວມມືລະຫວ່າງສິງກະໂປ ກັບ ຫວຽດນາມ.
ດ້ວຍຖານະເປັນກຸ່ມບໍລິສັດທີ່ມີຫຼາຍການເຄື່ອນໄຫວຢູ່ອາຊີຕາເວັນອອກສ່ຽງໃຕ້, ທ່ານ Lee Ark Boon ຖືວ່າ ລັດ, ລັດຖະບານ ຫວຽດນາມ ໄດ້ສ້າງເງື່ອນໄຂສະດວກໃຫ້ວິສາຫະກິດເຂົ້າມາລົງທຶນ ແລະດຳເນີນທຸລະກິດ; ຕາມນັ້ນແລ້ວ, ໃຫ້ຄຳໝັ້ນສັນຍາສືບຕໍ່ລົງທຶນເຂົ້າ VISIP ກໍ່ຄືບັນດາໂຄງການຢູ່ບັນດາແຂວງ, ນະຄອນຕ່າງໆ, ໃນນັ້ນໄດ້ສຸມໃສ່ລົງທຶນໃສ່ໂຄງການສີຂຽວ, ເຕັກໂນໂລຢີສູງ; ໃນໄລຍະຈະມາເຖິງ, ຫວັງວ່າ ຈະສືບຕໍ່ໄດ້ຮັບການສະໜັບສະໜູນຈາກຫວຽດນາມ, ພິເສດແມ່ນການພັດທະນາຕ່ອງໂສ້ຄຸນຄ່າໃໝ່ຂອງກຸ່ມບໍລິສັດ.
ຍິນດີ ແລະຊົມເຊີຍທີ່ກຸ່ມບໍລິສັດໄດ້ມີແຜນການເປີດກວ້າງການລົງທຶນ ແລະພັດທະນາຮູບແບບຂອງບັນດາເຂດອຸດສາຫະກຳທີ່ມີກາກບອນຕ່ຳ ແລະເຕັກໂນໂລຢີສູງຢູ່ຫວຽດນາມ, ທ່ານປະທານສະພາແຫ່ງຊາດ ຖືວ່າ ການເຄື່ອນໄຫວນີ້ແມ່ນເພື່ອຕອບສະໜອງຄວາມຮຽກຮ້ອງຕ້ອງການໃນການປັບຕົວເຂົ້າກັບວິວັດການຫັນປ່ຽນຮູບແບບການເຕີບໂຕຂອງຫວຽດນາມ ໂດຍອີງໃສ່ບັນດາຂະແໜງອຸດສາຫະກໍາທີ່ມີຄຸນຄ່າເພີ່ມສູງ ແລະຍືນຍົງ. ທ່ານປະທານສະພາແຫ່ງຊາດ ເນັ້ນໜັກວ່າ: ການເປີດກວ້າງການລົງທຶນຂອງກຸ່ມບໍລິສັດຢູ່ຫວຽດນາມ ແມ່ນສອດຄ່ອງກັບແຜນນະໂຍບາຍຂອງສອງປະເທດ; ຫວຽດນາມ ໃຫ້ຄຳໝັ້ນສັນຍາຢ່າງສະເໝີຕົ້ນສະເໝີປາຍວ່າ ຈະໜູນຊ່ວຍ, ແກ້ໄຂຄວາມຫຍຸ້ງຍາກ ແລະສິ່ງກີດຂວາງ, ສ້າງເງື່ອນໄຂສະດວກໃຫ້ບັນດານັກລົງທຶນຕ່າງປະເທດພ້ອມກັນພັດທະນາ, ປະກອບສ່ວນເຂົ້າໃນການພັດທະນາລວມຂອງພື້ນຖານເສດຖະກິດຫວຽດນາມ.
ທ່ານ ເຈິ່ນແທງເໝິນ ຢືນຢັນວ່າ ສະພາແຫ່ງຊາດຫວຽດນາມ ຈະຮ່ວມເດີນທາງ ແລະສ້າງເງື່ອນໄຂເພື່ອໃຫ້ບັນດານັກລົງທຶນ, ວິສາຫະກິດຕ່າງປະເທດດຳເນີນທຸລະກິດຢ່າງມີປະສິດທິຜົນ ແລະປະສົບຜົນສຳເລັດຢູ່ຫວຽດນາມ.
ໂດຍ: ຈາງຫງວຽນ