ນັກຄົ້ນຄວ້າອິນໂດເນເຊຍ ເນັ້ນໜັກບົດບາດອັນຈໍາເປັນຂອງພັກຄອມມູນິດ ໃນປະຫວັດສາດຫວຽດນາມ
ໃນວິວັດທະນາການແຫ່ງການປ່ຽນແປງໃໝ່ຂອງຫວຽດນາມ, ພັກຄອມມູນິດຫວຽດນາມ ສວມບົດບາດສຳຄັນ ແລະແມ່ນປະຫວັດສາດອັນຈໍາເປັນຂອງຊາດ.
ນີ້ແມ່ນຂໍ້ສັງເກດຂອງທ່ານ Veeramalla Anjaiah, ນັກຄົ້ນຄວ້າອາວຸໂສຂອງສູນຄົ້ນຄວ້າອາຊີຕາເວັນອອກສ່ຽງໃຕ້ (CSEAS) ທີ່ມີສຳນັກງານຕັ້ງຢູ່ ອິນໂດເນເຊຍ, ໃນການແລກປ່ຽນກັບນັກຂ່າວສຳນັກຂ່າວສານຫວຽດນາມ ປະຈຳ ຈາກາຕາ ເນື່ອງໃນໂອກາດສະເຫຼີມສະຫຼອງ 95 ປີແຫ່ງວັນສ້າງຕັ້ງພັກຄອມມູນິດຫວຽດນາມ (ວັນທີ 3 ກຸມພາ 1930 – 3 ກຸມພາ 2025).
ເມື່ອຫວນຄືນຂະບວນວິວັດແຫ່ງການພັດທະນາຂອງຫວຽດນາມ, ນັກຄົ້ນຄວ້າ Veeramalla Anjaiah ຊີ້ແຈ້ງວ່າ ພັກຄອມມູນິດຫວຽດນາມ ໄດ້ນຳພາປະເທດຫວຽດນາມ ຜ່ານຜ່າຫຼາຍຮູບແບບເສດຖະກິດທີ່ແຕກຕ່າງກັນ. ປັດຈຸບັນ, ຫວຽດນາມ ພວມເຂົ້າຮ່ວມບັນດາບັນຫາລວມຂອງປະຊາຄົມສາກົນຢ່າງຕັ້ງໜ້າ, ໃນນັ້ນ ມີການປ້ອງກັນ, ຕ້ານການສໍ້ຫຼາດບັງຫຼວງ. ທ່ານ ກໍຖືວ່າ ສິ່ງດັ່ງກ່າວ ຈະປະກອບສ່ວນເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ ແລະເສີມສ້າງຜົນປະໂຫຍດກັບບັນດາຄູ່ຮ່ວມມື.
ໂດຍ: ວິທະຍຸກະຈາຍສຽງຫວຽດນາມ