ຫວຽດນາມ ພ້ອມແລ້ວທີ່ຈະຮ່ວມມືກັບບັນດາພື້ນຖານເສດຖະກິດຢູ່ພາຍໃນ ແລະນອກ APEC
ວາລະເຈລະຈາປີນີ້ມີການເຂົ້າຮ່ວມຂອງບັນດາການນຳ, ຫົວໜ້າຄະນະຜູ້ແທນທີ່ມາຈາກ 21 ພື້ນຖານເສດຖະກິດສະມາຊິກ APEC ແລະ 3 ຄູ່ຮ່ວມມືເປັນແຂກຖືກເຊີນແມ່ນຜູ້ຕາງໜ້າການນໍາສະຫະລັດ ອາຣັບ ເອັມມີເລັດ (UAE), ອົງການອາຫານ ແລະການກະເສດ (FAO) ແລະ ທະນາຄານພັດທະນາອາເມລິກາລາຕິນ ແລະ Caribe (CAF).
    |
 |
|
ທ່ານ ເລືອງເກື່ອງ ປະທານປະເທດຫວຽດນາມ ເຂົ້າຮ່ວມການເຈລະຈາລະຫວ່າງບັນດາການນຳ APEC ກັບແຂກຖືກເຊີນ. ພາບ: ສໍານັກຂ່າວສານຫວຽດນາມ |
ກ່າວຄຳເຫັນທີ່ວາລະເຈລະຈາ, ທ່ານປະທານປະເທດ ເລືອງເກື່ອງ ຢັ້ງຢືນວ່າ ຫວຽດນາມ ພ້ອມແລ້ວທີ່ຈະຮ່ວມມືກັບບັນດາພື້ນຖານເສດຖະກິດທັງຢູ່ພາຍໃນ ແລະນອກ APEC ເພື່ອຊຸກຍູ້ການເຊື່ອມຕໍ່ລະຫວ່າງພາກພື້ນໃຫ້ມີປະສິດທິຜົນ, ມີຜົນປະໂຫຍດໃຫ້ປະຊາຊົນທຸກຄົນ ແລະວິສາຫະກິດ. ດ້ວຍທີ່ຕັ້ງພູມສາດທີ່ສະດວກຢູ່ພາກພື້ນອາຊີຕາເວັນອອກສ່ຽງໃຕ້ ແລະເຄືອຂ່າຍ logistics ທີ່ທັນສະໄໝ, ຫວຽດນາມ ມີຄວາມສາມາດຢ່າງພຽງພໍເພື່ອສວມບົດບາດເປັນຂົວເຊື່ອມຕໍ່ເປີດກວ້າງການແລກປ່ຽນການຄ້າ ແລະການເຊື່ອມຕໍ່ລະຫວ່າງພາກພື້ນ.
ການເຂົ້າຮ່ວມບັນດາສັນຍາການຄ້າເສລີທີ່ມີຂອບຂະໜາດໃຫຍ່ຄືສັນຍາຄູ່ຮ່ວມມືຮອດບ້ານ ແລະກ້າວໜ້າຂ້າມປາຊີຟິກ, ສັນຍາຄູ່ຮ່ວມມືເສດຖະກິດຮອບດ້ານໃນພາກພື້ນ ແລະສັນຍາການຄ້າເສລີ ຫວຽດນາມ-ອີຢູ ໄດ້ຊ່ວຍໃຫ້ຫວຽດນາມ ກາຍເປັນຕ່ອງໂສ້ສຳຄັນໃນລະບົບມູນຄ່າ ແລະການສະໜອງທົ່ວໂລກ.
|
|
 |
|
ທ່ານ ເລືອງເກື່ອງ ປະທານປະເທດຫວຽດນາມ ພົບປະກັບທ່ານ Prabowo Subianto ປະທານາທິບໍດີອິນໂດເນເຊຍ. ພາບ: ຕວ໊ນແອັງ |
ເພີ່ມທະວີການພົວພັນຄູ່ຮ່ວມມືຍຸດທະສາດ ຫວຽດນາມ-ອິນໂດເນເຊຍ
ຕອນບ່າຍວັນທີ 15 ພະຈິກ, ເນື່ອງໃນໂອກາດເຂົ້າຮ່ວມສັບປະດາສຸດຍອດ APEC 2024 ຢູ່ນະຄອນຫຼວງ Lima (ເປຣູ), ທ່ານ ເລືອງເກື່ອງ ປະທານປະເທດຫວຽດນາມ ໄດ້ມີການພົບປະກັບທ່ານ Prabowo Subianto ປະທານາທິບໍດີອິນໂດເນເຊຍ.
ທີ່ການພົບປະ, ການນຳສອງທ່ານໄດ້ເຫັນດີເປັນເອກະພາບສືບຕໍ່ຊຸກຍູ້ນຳການພົວພັນສອງປະເທດຂຶ້ນສູ່ລະດັບສູງໃໝ່. ອິນໂດເນເຊຍ ເຫັນດີເປັນເອກະພາບຍູ້ແຮງການຮ່ວມມືດ້ານເສດຖະກິດ, ນຳວົງເງິນການຄ້າສອງຝ່າຍບັນລຸ 18 ຕື້ໂດລາສະຫະລັດ, ສ້າງຄວາມສະດວກເພື່ອໃຫ້ຜະລິດຕະພັນກະເສດ, ສິນໃນນໍ້າ ແລະຜະລິດຕະພັນ Halal ຂອງຫວຽດນາມ ເຂົ້າເຖິງຕະຫຼາດອິນໂດເນເຊຍ, ຍູ້ໄວການເຈລະຈາລົງນາມຮ່ວມມືການຄ້າເຂົ້າສານ. ອິນໂດເນເຊຍ ກໍ່ໄດ້ຮັບຮູ້ຄວາມມານະພະຍາຍາມຂອງຫວຽດນາມ ໃນການຈໍາກັດການເຄື່ອນໄຫວຂຸດຄົ້ນສິນທະເລຢ່າງຜິດກົດໝາຍ, ບໍ່ລາຍງານ, ບໍ່ຕາມຂໍ້ກຳນົດ (IUU); ເຫັນດີເປັນເອກະພາບຈະຮ່ວມກັນຊອກຫາມາດຕະການເພື່ອຊຸກຍູ້ການຮ່ວມມືອາຊີບຫາປາບົນພື້ນຖານສອງຝ່າຍຕ່າງມີຜົນປະໂຫຍດ ແລະການພົວພັນມິດຕະພາບລະຫວ່າງສອງປະເທດ.
|
|
 |
|
ບັນຍາກາດທີ່ການພົບປະລະຫວ່າງທ່ານ ເລືອງເກື່ອງ ປະທານປະເທດຫວຽດນາມ ແລະທ່ານ Prabowo Subianto ປະທານາທິບໍດີອິນໂດເນເຊຍ. ພາບ: ຕວ໊ນແອັງ |
ແລກປ່ຽນກ່ຽວກັບບັນດາບັນຫາພາກພື້ນ ແລະສາກົນທີ່ຕ່າງຝ່າຍຕ່າງມີຜົນປະໂຫຍດ, ການນຳສອງທ່ານໄດ້ເຫັນດີເປັນເອກະພາບສືບຕໍ່ສົມທົບກັນຢ່າງແໜ້ນແຟ້ນ, ສະໜັບສະໜູນເຊິ່ງກັນ ແລະກັນຢູ່ເວທີປາໄສພາກພື້ນ ແລະສາກົນ ກໍ່ຄືອາຊຽນ, ສະຫະປະຊາຊາດ, APEC... ກ່ຽວກັບບັນຫາທະເລຕາເວັນອອກ, ສອງຝ່າຍເນັ້ນໜັກເຖິງຄວາມສຳຄັນຂອງການຮັກສາສັນຕິພາບ, ສະຖຽນລະພາບ, ຄວາມໝັ້ນຄົງ, ຄວາມປອດໄພ ແລະຄວາມເສລີໃນການເດີນທະເລ, ການບິນຢູ່ທະເລຕາເວັນອອກ, ແກ້ໄຂການຂັດແຍ້ງກັນໂດຍສັນຕິວິທີ, ສອດຄ່ອງກັບກົດໝາຍສາກົນ, ໃນນັ້ນມີ ສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລ (UNCLOS) ປີ 1982; ຍູ້ແຮງການເຈລະຈາກ່ຽວກັບກົດແຫ່ງການປະພຶດຢູ່ທະເລຕາເວັນອອກ (COC) ຢ່າງແທດຈິງ, ມີຜົນສັກສິດ, ສອດຄ່ອງກັບກົດໝາຍສາກົນ, ເປັນຕົ້ນແມ່ນ UNCLOS ປີ 1982.
ພັດທະນາການພົວພັນ ຫວຽດນາມ-ນິວຊີແລນ ຢ່າງເລິກເຊິ່ງກວ້າງຂວາງ
ຕອນບ່າຍວັນທີ 15 ພະຈິກ, ຢູ່ນະຄອນຫຼວງ Lima (ເປຣູ), ທ່ານ ເລືອງເກື່ອງ ປະທານປະເທດຫວຽດນາມ ໄດ້ມີການພົບປະກັບທ່ານ Christopher Luxon ນາຍົກລັດຖະມົນຕີ ນິວຊີແລນ.
ທີ່ການພົບປະ, ທ່ານປະທານປະເທດ ເລືອງເກື່ອງ ຢັ້ງຢືນວ່າ ຫວຽດນາມຖືເປັນສຳຄັນ ແລະປາດຖະໜາຢາກພັດທະນາການພົວພັນຄູ່ຮ່ວມມືຍຸດທະສາດກັບນິວຊີແລນ. ທ່ານປະທານປະເທດ ເລືອງເກື່ອງ ຂອບໃຈລັດຖະບານນິວຊີແລນ ໄດ້ສະໜອງບ້ວງເງິນໜູນຊ່ວຍທີ່ມີມູນຄ່າ 1 ລ້ານໂດລານິວຊີແລນ ໃຫ້ຫວຽດນາມ ເພື່ອແກ້ໄຂຜົນຮ້າຍຢ້ອນຫຼັງຈາກພາຍຸຢາກີ.
|
|
 |
|
ທ່ານ ເລືອງເກື່ອງ ປະທານປະເທດຫວຽດນາມ ພົບປະກັບທ່ານ Christopher Luxon ນາຍົກລັດຖະມົນຕີ ນິວຊີແລນ. ພາບ: ຕວ໊ນແອັງ |
ທ່ານນາຍົກລັດຖະມົນຕີ Christopher Luxon ຢືນຢັນວ່າ ການພົບປະ ແລະແລກປ່ຽນຄະນະຜູ້ແທນຂັ້ນສູງໃນໄລຍະຜ່ານມາໄດ້ຊ່ວຍເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ ແລະເປີດກາລະໂອກາດຮ່ວມມືໃໝ່; ສະເໜີສອງຝ່າຍເປີດກວ້າງບັນດາຂົງເຂດ, ຄື: ຮັບມືກັບການປ່ຽນແປງຂອງດິນຟ້າອາກາດ, ເສດຖະກິດສີຂຽວ, ເສດຖະກິດດີຈີຕອນ, ກະສິກຳເຕັກໂນໂລຢີສູງ... ເນັ້ນໜັກວ່າ ຫວຽດນາມ ແມ່ນຄູ່ຮ່ວມມືບຸລິມະສິດຂອງ ນິວຊີແລນ ໃນພາກພື້ນ, ທ່ານນາຍົກລັດຖະມົນຕີ Luxon ກໍ່ສະເໜີສອງຝ່າຍຕັ້ງໜ້າສົມທົບກັນ, ກໍານົດທິດທາງເພື່ອພິຈາລະນາມຸ່ງໄປເຖິງການພົວພັນຂຶ້ນສູ່ລະດັບສູງໃໝ່ໃນໄລຍະຈະມາເຖິງ.
ສອງຝ່າຍເຫັນດີເພີ່ມທະວີການແລກປ່ຽນທັດສະນະ, ຫຼັກໝັ້ນ ແລະສົມທົບກັນຢູ່ເວທີປາໄສຫຼາຍຝ່າຍທີ່ສຳຄັນ, ຄື: ກົນໄກຂອງອາຊຽນ, ສະຫະປະຊາຊາດ, APEC...; ຕັ້ງໜ້າພິຈາລະນາສະໜັບສະໜູນຜູ້ສະໝັກຮັບເລືອກຕັ້ງຂອງກັນຢູ່ເວທີປາໄສສາກົນ, ອົງການຈັດຕັ້ງສາກົນສໍາຄັນ; ຊຸກຍູ້ການຮ່ວມມືໃນບັນຫາພາກພື້ນ ແລະສາກົນທີ່ຕ່າງຝ່າຍຕ່າງມີຄວາມສົນໃຈ. ກ່ຽວກັບບັນຫາທະເລຕາເວັນອອກ, ສອງຝ່າຍໄດ້ເນັ້ນໜັກເຖິງຄວາມສຳຄັນຂອງການຮັກສາສັນຕິພາບ, ສະຖຽນລະພາບ, ຄວາມໝັ້ນຄົງ, ຄວາມປອດໄພ ແລະຄວາມເສລີໃນການເດີນທະເລ, ການບິນຢູ່ທະເລຕາເວັນອອກ, ແກ້ໄຂການຂັດແຍ້ງກັນໂດຍສັນຕິວິທີ, ສອດຄ່ອງກັບກົດໝາຍສາກົນ, ໃນນັ້ນມີ UNCLOS ປີ 1982.
* ຕອນບ່າຍວັນທີ 15 ພະຈິກ, ຢູ່ນະຄອນຫຼວງ Lima (ເປຣູ), ທ່ານ ເລືອງເກື່ອງ ປະທານປະເທດຫວຽດນາມ ໄດ້ໃຫ້ການຕ້ອນຮັບທ່ານ John Lee Ka-Chiu ຫົວໜ້າເຂດບໍລິຫານພິເສດຮົງກົງ (ຈີນ).
|
|
 |
|
ທ່ານ ເລືອງເກື່ອງ ປະທານປະເທດຫວຽດນາມ ຕ້ອນຮັບທ່ານ John Lee Ka-Chiu ຫົວໜ້າເຂດບໍລິຫານພິເສດຮົງກົງ (ຈີນ). ພາບ: ຕວ໊ນແອັງ |
ທີ່ການພົບປະ, ທ່ານປະທານປະເທດ ເລືອງເກື່ອງ ຢັ້ງຢືນວ່າ ຫວຽດນາມ ຖືການພັດທະນາການພົວພັນຖານບ້ານໃກ້ເຮືອນຄຽງມິດຕະພາບ, ຄູ່ຮ່ວມມືຍຸດທະສາດຮອບດ້ານກັບ ຈີນ ແມ່ນການເລືອກເຟັ້ນຍຸດທະສາດ, ແມ່ນບຸລິມະສິດແຖວໜ້າໃນນະໂຍບາຍການພົວພັນຕ່າງປະເທດຂອງຫວຽດນາມ ຢ່າງສະເໝີຕົ້ນສະເໝີປາຍ; ຫວຽດນາມ ຍາມໃດກໍ່ເຄົາລົບ, ສະໜັບສະໜູນນະໂຍບາຍ “ໜຶ່ງປະເທດ, ສອງລະບອບ”, ກົດໝາຍພື້ນຖານ ແລະກົດທີ່ກ່ຽວຂ້ອງຂອງຮົງກົງ, ສະໜັບສະໜູນຮົງກົງພັດທະນາວັດທະນາຖາວອນ. ເພື່ອເພີ່ມທະວີການຮ່ວມມືໃນໄລຍະຈະມາເຖິງ, ສອງຝ່າຍເຫັນດີເປັນເອກະພາບຊຸກຍູ້ການສ້າງຂອບເຂດການຮ່ວມມື; ສົ່ງເສີມວິສາຫະກິດຮົງກົງ ລົງທຶນໃນຂົງເຂດເຊື່ອມຕໍ່ພື້ນຖານໂຄງລ່າງຂະໜາດໃຫຍ່, ປ່ຽນແປງໃໝ່ປະດິດສ້າງ, ເສດຖະກິດດີຈີຕອນ, ເສດຖະກິດສີຂຽວ, ເສດຖະກິດໝູນວຽນ, ການຫັນປ່ຽນພະລັງງານ.
ໂດຍ: ເຈິ່ນຮວ່ຽນ