ຢັ້ງຢືນການພົວພັນມິດຕະພາບທີ່ເປັນມູນເຊື້ອສອງປະເທດທີ່ໄດ້ທົດສອບຜ່ານການເວລາ ແລະການຜັນແປຂອງປະຫວັດສາດ, ທ່ານ ໂຕເລິມ ສະແດງຄວາມເຄົາລົບນັບຖືຕໍ່ການຊ່ວຍເຫຼືອຂອງລັດຖະບານ ແລະປະຊາຊົນ ອາກເມນີ ກ່ອນໜ້ານີ້ ແລະປະຈຸບັນຕໍ່ກັບຫວຽດນາມ ໃນກິດຈະການສ້າງສາ ແລະພັດທະນາປະເທດ. ທ່ານເລຂາທິການໃຫຍ່ ແຈ້ງໃຫ້ທ່ານ Alen Simonyan ປະທານສະພາແຫ່ງຊາດ ອາກເມນີ ຮັບຊາບກ່ຽວກັບຜົນງານອັນໃຫຍ່ຫຼວງ, ຮອບດ້ານຂອງຫວຽດນາມ ພາຍຫຼັງ 40 ປີແຫ່ງການປ່ຽນແປງໃໝ່. ທ່ານເລຂາທິການໃຫຍ່ ເນັ້ນໜັກວ່າ ໃນການປະຕິບັດແນວທາງພົວພັນຕ່າງປະເທດເອກະລາດ, ເປັນເຈົ້າຕົນເອງ, ສັນຕິພາບ, ມິດຕະພາບ, ການຮ່ວມມື ແລະພັດທະນາ, ຫັນການພົວພັນຕ່າງປະເທດເປັນຫຼາຍຮູບແບບ ແລະຫຼາຍຝ່າຍ, ຫວຽດນາມ ຍາມໃດກໍ່ຖືເປັນສຳຄັນການພັດທະນາ ແລະການປັບປຸງການພົວພັນກັບບັນດາປະເທດເພື່ອນມິດທີ່ເປັນມູນເຊື້ອ, ໃນນັ້ນມີ ອາກເມນີ.
    |
 |
|
ທ່ານ ໂຕເລິມ ເລຂາທິການໃຫຍ່ ຕ້ອນຮັບທ່ານ Alen Simonyan ປະທານສະພາແຫ່ງຊາດ ອາກເມນີ. ພາບ: ຟ້າມກຽນ. |
ທ່ານເລຂາທິການໃຫຍ່ ຕີລາຄາສູງໝາກຜົນທີ່ດີງາມໃນການພົບປະລະຫວ່າງທ່ານ ເຈິ່ນແທັງເໝິນ ປະທານສະພາແຫ່ງຊາດຫວຽດນາມ ກັບທ່ານ Alen Simonyan ປະທານສະພາແຫ່ງຊາດ ອາກເມນີ, ຖືນີ້ແມ່ນຂີດໝາຍສຳຄັນທີ່ປະກອບສ່ວນຊຸກຍູ້ການພົວພັນລະຫວ່າງສະພາແຫ່ງຊາດສອງປະເທດ. ເນັ້ນໜັກວ່າຄວາມສາມາດບົ່ມຊ້ອນໃນການຮ່ວມມືລະຫວ່າງສອງປະເທດໃນບັນດາຂົງເຂດຍັງໃຫຍ່ຫຼວງຢູ່, ທ່ານເລຂາທິການໃຫຍ່ ແລກປ່ຽນກັບທ່ານປະທານສະພາແຫ່ງຊາດ ອາກເມນີ ບາງທິດທາງ, ມາດຕະການເພື່ອແນໃສ່ຊຸກຍູ້ການພົວພັນມິດຕະພາບທີ່ເປັນມູນເຊື້ອລະຫວ່າງສອງປະເທດໃຫ້ນັບມື້ນັບແທດຈິງ ແລະມີປະສິດທິຜົນ, ປະກອບສ່ວນເຂົ້າສັນຕິພາບ, ສະຖຽນລະພາບ, ການຮ່ວມມື ແລະພັດທະນາຢູ່ພາກພື້ນ ແລະໃນໂລກ.
|
|
 |
|
ທ່ານ ໂຕເລິມ ເລຂາທິການໃຫຍ່ ຕ້ອນຮັບທ່ານ Alen Simonyan ປະທານສະພາແຫ່ງຊາດ ອາກເມນີ. ພາບ: ຟ້າມກຽນ. |
ທ່ານ Alen Simonyan ປະທານສະພາແຫ່ງຊາດ ອາກເມນີ ສະແດງຄວາມຂອບອົກຂອບໃຈທ່ານ ໂຕເລິມ ທີ່ສະຫຼະເວລາຕ້ອນຮັບຢ່າງສົມກຽດ; ຢັ້ງຢືນວ່າ ອາກເມນີ ຍາມໃດກໍ່ຖືເປັນສຳຄັນການພົວພັນມິດຕະພາບທີ່ເປັນມູນເຊື້ອທີ່ດີງາມລະຫວ່າງສອງປະເທດ. ແລກປ່ຽນກັບທ່ານເລຂາທິການໃຫຍ່ ກ່ຽວກັບໝາກຜົນລະຫວ່າງ ອາກເມນີ ກັບຫວຽດນາມ ໃນການຮ່ວມມືລັດຖະສະພາ, ທ່ານປະທານສະພາແຫ່ງຊາດ ອາກເມນີ ຢັ້ງຢືນວ່າ ນີ້ແມ່ນໄລຍະເວລາທີ່ສຳຄັນ ເພື່ອຊຸກຍູ້ການພົວພັນຮ່ວມມືລະຫວ່າງສອງປະເທດໃນທຸກຂົງເຂດ. ພ້ອມດຽວກັນນັ້ນ, ທ່ານ Alen Simonyan ປະທານສະພາແຫ່ງຊາດ ອາກເມນີ ສະແດງຄວາມເຫັນດີເປັນເອກະພາບກັບທ່ານເລຂາທິການໃຫຍ່ ກ່ຽວກັບມາດຕະການໃຫຍ່ ເພື່ອຊຸກຍູ້ການພົວພັນສອງປະເທດໃຫ້ເຂົ້າສູ່ລວງເລິກ, ໃນນັ້ນມີການຊຸກຍູ້ການສຶກສາ-ກໍ່ສ້າງ ແລະການພົບປະແລກປ່ຽນປະຊາຊົນສອງປະເທດ.
* ກ່ອນໜ້ານັ້ນ, ໃນຕອນບ່າຍວັນດຽວກັນ, ຢູ່ສໍານັກງານສະພາແຫ່ງຊາດ, ທ່ານ ເຈິ່ນແທັງເໝິນ ປະທານສະພາແຫ່ງຊາດຫວຽດນາມ ເປັນປະທານພິທີຕ້ອນຮັບທ່ານ Alen Simonyan ປະທານສະພາແຫ່ງຊາດ ອາກເມນີ ພ້ອມດ້ວຍຄະນະສະມາຊິກສະພາແຫ່ງຊາດ ອາກເມນີ ຢ້ຽມຢາມຫວຽດນາມ ຢ່າງເປັນທາງການ.
|
|
 |
|
ທ່ານ ເຈິ່ນແທັງເໝິນ ປະທານສະພາແຫ່ງຊາດຫວຽດນາມ ແລະ Alen Simonyan ປະທານສະພາແຫ່ງຊາດ ອາກເມນີ. ພາບ: ເລີມຫຽນ |
ພາຍຫຼັງພິທີຕ້ອນຮັບ, ທ່ານ ເຈິ່ນແທັງເໝິນ ປະທານສະພາແຫ່ງຊາດຫວຽດນາມ ໄດ້ດຳເນີນການພົບປະກັບທ່ານ Alen Simonyan ປະທານສະພາແຫ່ງຊາດ ອາກເມນີ. ເພື່ອສືບຕໍ່ເພີ່ມທະວີການພົວພັນລະຫວ່າງສອງປະເທດໃນໄລຍະຈະມາເຖິງ, ປະທານສະພາແຫ່ງຊາດ ສອງທ່ານ ໄດ້ເຫັນດີເປັນເອກະພາບເພີ່ມທະວີການພົບປະ, ແລກປ່ຽນຄະນະລະຫວ່າງການນຳສະພາແຫ່ງຊາດ, ບັນດາອົງການຂອງສະພາແຫ່ງຊາດ ແລະບັນດາສະມາຊິກສະພາແຫ່ງຊາດສອງປະເທດ, ແລກປ່ຽນບົດຮຽນສ້າງກົດໝາຍ, ປັບປຸງນິຕິກຳຮັບໃຊ້ກິດຈະການພັດທະນາຂອງແຕ່ລະປະເທດ ແລະການເຄື່ອນໄຫວຂອງລັດຖະສະພາ; ເຫັນດີເປັນເອກະພາບພິຈາລະນາມຸ່ງໄປເຖິງການເຊັນຂໍ້ຕົກລົງຮ່ວມມືລະຫວ່າງສອງສະພາແຫ່ງຊາດ ເພື່ອສ້າງກອບນິຕິກຳຊຸກຍູ້ ແລະເຮັດໃຫ້ການພົວພັນຮ່ວມມືລັດຖະສະພາເລິກເຊິ່ງຂຶ້ນກວ່າເກົ່າ, ປະກອບສ່ວນສ້າງຄວາມໄວ້ເນື້ອເຊື່ອໃຈດ້ານການເມືອງ ແລະຄວາມເຂົ້າອົກເຂົ້າໃຈ, ການຮ່ວມມືມິດຕະພາບທີ່ດີງາມລະຫວ່າງສອງປະເທດ...
ເຫັນດີເປັນເອກະພາບກ່ຽວກັບຄວາມສາມາດບົ່ມຊ້ອນໃນການຮ່ວມມືລະຫວ່າງສອງປະເທດຍັງໃຫຍ່ຫຼວງ ແລະຄວນຊຸກຍູ້ການຮ່ວມມືທີ່ມີປະສິດທິຜົນກວ່າອີກໃນໄລຍະຈະມາເຖິງ, ປະທານສະພາແຫ່ງຊາດສອງທ່ານ ກໍ່ໄດ້ປຶກສາຫາລືກ່ຽວກັບມາດຕະການຊຸກຍູ້ການຮ່ວມມືສອງຝ່າຍ ແລະແລກປ່ຽນບັນດາບັນຫາເຊິ່ງຕ່າງຝ່າຍຕ່າງມີຄວາມສົນໃຈ; ເຊື່ອໝັ້ນວ່າ ດ້ວຍໝາກຜົນທີ່ດີງາມ, ການແລກປ່ຽນໃນມື້ນີ້ຈະປັບປຸງພື້ນຖານການພົວພັນດ້ານການເມືອງທີ່ດີງາມ ແລະພັດທະນາກວ່າອີກໃນການພົວພັນມິດຕະພາບທີ່ເປັນມູນເຊື້ອ ແລະການຮ່ວມມື ຫວຽດນາມ-ອາກເມນີ.
ໂດຍ: ແສງເດືອນ