ບັນດາວິສາຫະກິດຝຣັ່ງ ຊອກຮູ້ກາລະໂອກາດຮ່ວມມືລົງທຶນ, ດຳເນີນທຸລະກິດຢູ່ຫວຽດນາມ
ກປ.ອອນໄລ - ຕອນບ່າຍວັນທີ 18 ພະຈິກ, ຢູ່ສໍານັກງານນາຍົກລັດຖະມົນຕີ, ທ່ານ ເຈີ່ນຮົ່ງຮ່າ ຮອງນາຍົກລັດຖະມົນຕີຫວຽດນາມ ໄດ້ເຮັດວຽກກັບຄະນະຜູ້ແທນສະຫະພັນນາຍຈ້າງຝຣັ່ງ (MEDEF) ນໍາໂດຍທ່ານ Francois Corbin, ຜູ້ຕາງໜ້າພິເສດຂອງກະຊວງເອີລົບ ແລະການຕ່າງປະເທດຝຣັ່ງ, ທັງເປັນຮອງປະທານ MEDEF ທີ່ພວມຢ້ຽມຢາມ, ຊອກຮູ້ກາລະໂອກາດຮ່ວມມືລົງທຶນ, ດໍາເນີນທຸລະກິດຢູ່ຫວຽດນາມ.
ທ່ານຮອງນາຍົກລັດຖະມົນຕີ ໄດ້ຕີລາຄາສູງການຢ້ຽມຢາມຫວຽດນາມ ຂອງຄະນະຜູ້ແທນ MEDEF ແລະຫວັງວ່າພາຍຫຼັງການຢ້ຽມຢາມ, ບັນດາວິສາຫະກິດຝຮັ່ງ ຈະກຳນົດບັນດາຂົງເຂດ, ໂຄງການຮ່ວມມືລົງທຶນທີ່ສຳຄັນ, ສອດຄ່ອງກັບຄວາມສາມາດ, ທ່າແຮງຂອງຫວຽດນາມ.
    |
 |
|
ທ່ານຮອງນາຍົກລັດຖະມົນຕີ ເຈີ່ນຮົ່ງຮ່າ ແລະຄະນະຜູ້ແທນສະຫະພັນນາຍຈ້າງຝຣັ່ງ. ພາບ: baochinhphu.vn |
ຂອບໃຈທ່ານຮອງນາຍົກລັດຖະມົນຕີ ທີ່ໄດ້ສະຫຼະເວລາໃຫ້ການຕ້ອນຮັບ, ທ່ານ Olivier Brochet ເອກອັກຄະລັດຖະທູດຝຣັ່ງ ປະຈຳ ຫວຽດນາມ ແລະ ທ່ານ Francois Corbin ໃຫ້ຮູ້ວ່າ, ບັນດາວິສາຫະກິດຝຣັ່ງ ພວມຊອກຫາກາລະໂອກາດລົງທຶນຢູ່ຫວຽດນາມ ໃນຂົງເຂດພະລັງງານທົດແທນ, ພະລັງງານນິວເຄຼຍ, ທາງລົດໄຟຄວາມໄວສູງ, ທາງລົດໄຟໃນຕົວເມືອງ, ການຂຸດຄົ້ນ ແລະປຸງແຕ່ງແຮ່ທາດຍຸດທະສາດ, ການສຶກສາ, ສາທາລະນະສຸກ, ສະບຽງອາຫານ... ຄວາມເອົາໃຈໃສ່ຂອງຫຼາຍວິສາຫະກິດຝຣັ່ງ ບໍ່ພຽງແຕ່ແມ່ນບັນດາໂຄງການຜະລິດ, ດຳເນີນທຸລະກິດເທົ່ານັ້ນ ຫາກຍັງແບ່ງປັນຄວາມຕັດສິນໃຈຂອງຫວຽດນາມ ໃນການກໍ່ສ້າງ, ປັບປຸງລະບອບລະບຽບການໃຫ້ສົມບູນແບບ, ຄົ້ນຄວ້າ ແລະຖ່າຍທອດເຕັກໂນໂລຊີ, ບຳລຸງສ້າງຊັບພະຍາກອນມະນຸດ.
ທີ່ການເຮັດວຽກ, ທ່ານຮອງນາຍົກລັດຖະມົນຕີ ໄດ້ປຶກສາຫາລືບາງຂໍ້ສະເໜີລະອຽດຂອງບັນດາວິສາຫະກິດທີ່ກ່ຽວຂ້ອງເຖິງການຄັດເລືອກນັກລົງທຶນໃນຂົງເຂດສໍາຫຼວດ, ຂຸດຄົ້ນບໍ່ແຮ່; ລະດົມແຫຼ່ງການເງິນສີຂຽວ, ຖ່າຍທອດເຕັກໂນໂລຊີ, ຜັນຂະຫຍາຍໂຄງການຫັນເປັນພະລັງງານ; ການຮ່ວມມືພັດທະນາພະລັງງານນິວເຄຼຍ...
ໂດຍ: ຈາງຫງວຽນ