ນໍາການພົວພັນສອງປະເທດໃຫ້ພັດທະນາຢ່າງເລິກເຊິ່ງ ແລະແທດຈິງກວ່າ
ທີ່ການພົບປະເຈລະຈາ, ທ່ານນາຍົກລັດຖະມົນຕີ ຟ້າມມິງຈິ໊ງ ເນັ້ນໜັກວ່າ, ກອງປະຊຸມສຸດຍອດ G20 ປີນີ້ມີຄວາມໝາຍສຳຄັນພິເສດໃນສະພາບທີ່ໂລກພວມປະເຊີນໜ້າກັບສິ່ງທ້າທາຍຫຼາຍຢ່າງໃນທົ່ວໂລກ ແລະເຊື່ອໝັ້ນວ່າ ດ້ວຍຄວາມສາມາດ, ບົດຮຽນຂອງຕົນ, ບຣາຊິນ ຈະຈັດຕັ້ງເຫດການສຳຄັນນີ້ສຳເລັດຜົນ. ທ່ານນາຍົກລັດຖະມົນຕີ ໄດ້ຕີລາຄາສູງໂຄງການດຳເນີນງານຂອງກອງປະຊຸມປີນີ້ ໂດຍສຸມໃສ່ປຶກສາຫາລືກ່ຽວກັບການລົບລ້າງຄວາມອຶດຫິວ-ຫຼຸດຜ່ອນຄວາມທຸກຍາກ, ການພັດທະນາແບບຍືນຍົງ ແລະການປະຕິຮູບດ້ານການບໍລິຫານທົ່ວໂລກ, ບັນດາບັນຫາທີ່ໃຫ້ຄວາມສົນໃຈລວມຂອງບັນດາປະເທດພວມພັດທະນາ.
    |
 |
|
ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ແລະທ່ານ Luiz Inácio Lula da Silva ປະທານາທິບໍດີ ບຣາຊິນ. ພາບ: VGP |
ສ່ວນທ່ານປະທານາທິບໍດີ Luiz Inácio Lula da Silva ເຊື່ອໝັ້ນວ່າ ດ້ວຍແນວທາງການຕ່າງປະເທດທີ່ຕັ້ງໜ້າ, ເປັນເຈົ້າການ, ມີວິໄສທັດ, ບົດຮຽນຂອງປະເທດພັດທະນາລະດັບປານກາງ ທີ່ມີຄວາມຮັບຜິດຊອບໃນການເຄື່ອນໄຫວດ້ານການເມືອງ, ເສດຖະກິດ, ວັດທະນະທຳສາກົນ, ທ່ານນາຍົກລັດຖະມົນຕີ ແລະຄະນະຜູ້ແທນຫວຽດນາມ ຈະປະກອບສ່ວນຢ່າງຕັ້ງໜ້າເຂົ້າໃນຜົນສຳເລັດຂອງກອງປະຊຸມ, ທັງຍົກສູງຖານະບົດບາດຂອງຫວຽດນາມ ຢູ່ G20, ທັງສະແດງໃຫ້ເຫັນບົດບາດ, ການປະກອບສ່ວນຢ່າງມີຄວາມຄວາມຮັບຜິດຊອບຂອງຫວຽດນາມ ໃນການແກ້ໄຂບັນດາບັນຫາທົ່ວໂລກບົນພື້ນຖານເສີມຂະຫຍາຍບັນດາທ່າໄດ້ປຽບຂອງຫວຽດນາມ ໃນຂົງເຂດທີ່ມີທ່າແຮງ ແລະບົດຮຽນ.
ກ່ຽວກັບການພົວພັນສອງຝ່າຍ, ທ່ານປະທານາທິບໍດີ Luiz Inácio Lula da Silva ຮັບຮູ້ບັນດາຂໍ້ສະເໜີຂອງທ່ານນາຍົກລັດຖະມົນຕີ ຟ້າມມິງຈິ໊ງ ກ່ຽວກັບເລື່ອງ ບຣາຊິນ ຮັບຮອງກົດລະບຽບເສດຖະກິດຕະຫຼາດຂອງຫວຽດນາມ, ກໍ່ຄື ຈະດໍາເນີນການເຈລະຈາສັນຍາການຄ້າເສລີກັບກຸ່ມຕະຫຼາດລວມອາເມລິກາໃຕ້ (MERCOSUR) ໃນປີ 2025 ແນໃສ່ນຳມາ ເຊິ່ງຜົນປະໂຫຍດຢ່າງແທດຈິງໃຫ້ທັງສອງຝ່າຍ, ປະກອບສ່ວນເຂົ້າໃນພາລະກິດພັດທະນາຂອງແຕ່ລະປະເທດ.
|
|
 |
|
ບັນຍາກາດທີ່ການພົບປະເຈລະຈາ. ພາບ: VGP |
ສອງຝ່າຍເຫັນດີເປັນເອກະພາບສົມທົບກັນຜັນຂະຫຍາຍເອກະສານຮ່ວມມືທີ່ໄດ້ລົງນາມຢ່າງມີປະສິດທິຜົນ, ລວມມີ: ສັນຍາຮ່ວມມືດ້ານການສຶກສາ, ແຜນການດໍາເນີນງານຜັນຂະຫຍາຍບົດບັນທຶກຊ່ວຍຈຳ (MOU) ວ່າດ້ວຍການຮ່ວມມືດ້ານກະສິກຳ ແລະແຜນການເຄື່ອນໄຫວຜັນຂະຫຍາຍການຮ່ວມມື ໄລຍະ 2024-2025 ລະຫວ່າງສອງສະຖາບັນການທູດ; ສົມທົບກັນຈັດຕັ້ງວາລະປະຊຸມ ຄັ້ງທີ III ຄະນະກໍາມະການປະສົມ ຫວຽດນາມ-ບຣາຊິນ ກ່ຽວກັບການຮ່ວມມືເສດຖະກິດ ແລະການຄ້າ, ວາລະປະຊຸມ ຄັ້ງທີ 1 ຂອງຄະນະກໍາມະການປະສົມກ່ຽວກັບວິທະຍາສາດ ແລະເຕັກໂນໂລຢີ ແລະວາລະປະຊຸມ ຄັ້ງທີ IX ກົນໄກປຶກສາຫາລືດ້ານການເມືອງລະຫວ່າງສອງກະຊວງການຕ່າງປະເທດ ໂດຍໄວ; ພ້ອມທັງຊຸກຍູ້ການເປີດກວ້າງຄວາມສາມາດຮ່ວມມືໃນຂົງເຂດໃໝ່ທີ່ເໝາະສົມກັບຄວາມຕ້ອງການຂອງສອງຝ່າຍ.
ການນຳສອງທ່ານ ຕີລາຄາສູງຄວາມສຳຄັນຂອງການຮ່ວມມືດ້ານປ້ອງກັນຊາດ-ປ້ອງກັນຄວາມສະຫງົບ ແລະເຫັນດີເປັນເອກະພາບເພີ່ມທະວີການຮ່ວມມືດ້ານການບຳລຸງສ້າງນາຍທະຫານ, ອຸດສາຫະກຳປ້ອງກັນຊາດ ແລະການຄ້າດ້ານປ້ອງກັນຊາດ, ພະລາທິການ, ການແພດ, ການຮັກສາສັນຕິພາບບົນພື້ນຖານບົດບັນທຶກຊ່ວຍຈໍາ ວ່າດ້ວຍການຮ່ວມມືດ້ານປ້ອງກັນຊາດ ທີ່ໄດ້ລົງນາມໃນເດືອນກັນຍາ 2023, ຊຸກຍູ້ການຮ່ວມມືປ້ອງກັນ, ຕ້ານອາດຊະຍາກຳຂ້າມຊາດ, ຮັບປະກັນຄວາມໝັ້ນຄົງທາງອິນເຕີແນັດ...
ເພີ່ມທະວີການຮ່ວມມືດ້ານເສດຖະກິດ ແລະວັດທະນະທຳ
ຕອນບ່າຍວັນທີ 17 ພະຈິກ (ຕາມເວລາທ້ອງຖິ່ນ), ຢູ່ນະຄອນ Rio de Janeiro, ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ໄດ້ເຂົ້າຮ່ວມເວທີປາໄສວິສາຫະກິດ ຫວຽດນາມ-ບຣາຊິນ.
|
|
 |
|
ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ກ່າວຄຳເຫັນທີ່ເວທີປາໄສວິສາຫະກິດ ຫວຽດນາມ-ບຣາຊິນ. ພາບ: ສໍານັກຂ່າວສານຫວຽດນາມ |
ກ່າວຄຳເຫັນທີ່ເວທີປາໄສ, ທ່ານນາຍົກລັດຖະມົນຕີ ຟ້າມມິງຈິ໊ງ ຖືວ່າ ເງື່ອນໄຂ, ການຮ່ວມມືພັດທະນາຂອງວິສາຫະກິດສອງປະເທດ ແມ່ນໃຫຍ່ຫຼວງຫຼາຍ, ແຕ່ການຮ່ວມມືດ້ານເສດຖະກິດຍັງບໍ່ທັນສົມກັບເງື່ອນໄຂການຮ່ວມມືຢູ່ ແລະຄວາມປາດຖະໜາຂອງສອງຝ່າຍ. ເພື່ອແກ້ໄຂສິ່ງກີດຂວາງ, ເພື່ອໃຫ້ການຮ່ວມມືດ້ານເສດຖະກິດສົມກັບການພົວພັນດ້ານການເມືອງ, ການທູດ ແລະຄວາມປາດຖະໜາຂອງສອງຝ່າຍ, ທ່ານນາຍົກລັດຖະມົນຕີ ຖືວ່າ ສອງຝ່າຍຄວນຊຸກຍູ້ການເຈລະຈາ FTA ກັບ MERCOSUR, ສັນຍາສົ່ງເສີມ ແລະປົກປ້ອງການລົງທຶນ, ສັນຍາ ວ່າດ້ວຍວີຊາ ແລະ ບຣາຊິນ ພິຈາລະນາຮັບຮອງກົດລະບຽບເສດຖະກິດຕະຫຼາດຂອງຫວຽດນາມ ໂດຍໄວ.
|
|
 |
|
ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ກັບບັນດາຜູ້ແທນເຂົ້າຮ່ວມເວທີປາໄສວິສາຫະກິດ ຫວຽດນາມ-ບຣາຊິນ. ພາບ: ສໍານັກຂ່າວສານຫວຽດນາມ |
ທ່ານນາຍົກລັດຖະມົນຕີ ປາດຖະໜາວ່າ ບັນດາວິສາຫະກິດສອງປະເທດ ຈະຍູ້ແຮງການເຊື່ອມຕໍ່ນໍາກັນ, ເຊື່ອມຕໍ່ສອງພື້ນຖານເສດຖະກິດ, ເຊື່ອມຕໍ່ການລົງທຶນ, ເຊື່ອມຕໍ່ການຄ້າ, ດ້ວຍທັດສະນະ “ຜົນປະໂຫຍດທີ່ກົມກຽວ, ແບ່ງປັນຄວາມສ່ຽງ”, “ຮ່ວມຮັບຟັງ ແລະເຂົ້າໃຈ, ຮ່ວມແບ່ງປັນວິໄສທັດ ແລະການກະທໍາ, ຮ່ວມເຮັດວຽກ, ຮ່ວມໄຊຊະນະ, ຮ່ວມຊົມໃຊ້, ຮ່ວມພັດທະນາ, ຮ່ວມມ່ວນຊື່ນ, ຮ່ວມມີຄວາມສຸກ ແລະຄວາມເອກອ້າງທະນົງໃຈ”.
* ຕອນບ່າຍວັນດຽວກັນ, ຢູ່ນະຄອນ Rio de Janeiro, ທ່ານນາຍົກລັດຖະມົນຕີ ຟ້າມມິງຈິ໊ງ ພ້ອມດ້ວຍພັນລະຍາ ແລະຄະນະຜູ້ແທນຂັ້ນສູງຫວຽດນາມ ໄດ້ເຂົ້າຮ່ວມລາຍການ “ວັນຫວຽດນາມ ຢູ່ບຣາຊິນ”.
ກ່າວຄຳເຫັນທີ່ເຫດການ, ທ່ານນາຍົກລັດຖະມົນຕີ ຟ້າມມິງຈິ໊ງ ຖືວ່າ ເຖິງວ່າ ຫວຽດນາມ ແລະ ບຣາຊິນ ຈະຢູ່ຫ່າງໄກກັນ, ແຕ່ວັດທະນະທຳສອງປະເທດ ມີຈຸດຄ້າຍຄືກັນ; ວັດທະນະທຳກໍ່ແມ່ນຂົງເຂດທີ່ສອງປະເທດຄວນເພີ່ມທະວີການຮ່ວມມື; ພ້ອມກັນຫັນວັດທະນະທຳຂອງສອງປະເທດເປັນວັດທະນະທໍາສາກົນ, ຫັນວັດທະນະທຳຍອດຢ້ຽມຂອງມະນຸດເປັນວັດທະນະທໍາຂອງຊາດ.
|
|
 |
|
ທ່ານນາຍົກລັດຖະມົນຕີ ຟ້າມມິງຈິ໊ງ ພ້ອມດ້ວຍພັນລະຍາ ແລະຄະນະຜູ້ແທນຫວຽດນາມ ເຂົ້າຮ່ວມລາຍການ “ວັນຫວຽດນາມ ຢູ່ບຣາຊິນ”. ພາບ: VGP |
ຊີ້ແຈ້ງວ່າ “ວັນຫວຽດນາມ ຢູ່ ບຣາຊິນ” ແມ່ນຈຸດເລີ່ມຕົ້ນ, ທ່ານນາຍົກລັດຖະມົນຕີ ຟ້າມມິງຈິ໊ງ ສະແດງຄວາມເຊື່ອໝັ້ນວ່າ ໃນໄລຍະຈະມາເຖິງ, ການຮ່ວມມືດ້ານວັດທະນະທຳລະຫວ່າງສອງປະເທດ ຈະເຂັ້ມແຂງກວ່າ, ມີຂອບຂະໜາດໃຫຍ່ກວ່າ, ມີຫຼາຍເປົ້າໝາຍກວ່າອີກເພື່ອໃຫ້ປະຊາຊົນແຕ່ລະປະເທດໄດ້ຊົມໃຊ້ວັດທະນະທໍາຍອດຢ້ຽມຂອງກັນ; ເພື່ອພ້ອມກັບການພົວພັນດ້ານການເມືອງທີ່ໄວ້ເນື້ອເຊື່ອໃຈ, ເສດຖະກິດເພີ່ມເຕີມ, ສີສັນວັດທະນະທຳ ແລະໃກ້ຊິດ, ເພີ່ມພູນຄູນສ້າງການພົວພັນຮ່ວມມືລະຫວ່າງສອງປະເທດ ຫວຽດນາມ-ບຣາຊິນ ໃຫ້ຂຽວສົດງົດງາມ, ໝັ້ນຄົງຂະໜົງແກ່ນໄປຊົ່ວກາລະນານ.
ໂດຍ: ເຈິ່ນຮວ່ຽນ