ໃນບົດກ່າວປາໄສຂອງຕົນ, ທ່ານ ຟ້າມມິງຈິ໊ງ ໄດ້ຢືນຢັນຄືນໃໝ່ແຜນນະໂຍບາຍສະເໝີຕົ້ນສະເໝີປາຍ, ຊອດທະລຸກ່ຽວກັບການພັດທະນາແບບຍືນຍົງ ແລະຄຳໝັ້ນສັນຍາຂອງຫວຽດນາມ ແມ່ນບໍ່ເອົາສະຫວັດດີການ, ຄວາມກ້າວໜ້າ, ຄວາມຍຸຕິທຳທາງສັງຄົມ ແລະການປົກປັກຮັກສາສິ່ງແວດລ້ອມໄປແລກເອົາການເຕີບໂຕເສດຖະກິດແຕ່ພຽງຢ່າງດຽວ. ເນື່ອງໃນໂອກາດນີ້, ທ່ານ ຟ້າມມິງຈິ໊ງ ກໍ່ປະກາດຕໍ່ກອງປະຊຸມວ່າ: ຫວຽດນາມ ຈະເປັນເຈົ້າພາບຈັດຕັ້ງກອງປະຊຸມສຸດຍອດຄູ່ຮ່ວມມືການເຕີບໂຕສີຂຽວ ແລະເປົ້າໝາຍໂລກ (P4G) ໃນເດືອນ ເມສາ ປີ 2025; ຢືນຢັນວ່າ ນີ້ແມ່ນຄວາມມານະພະຍາຍາມຂອງຫວຽດນາມ ເພື່ອແນໃສ່ປະກອບສ່ວນຊຸກຍູ້ການປະຕິບັດບັນດາເປົ້າໝາຍພັດທະນາແບບຍືນຍົງ ແລະການຫັນປ່ຽນພະລັງງານ. ແຈ້ງການຂອງຫວຽດນາມ ໄດ້ຮັບການຊົມເຊີຍ ແລະຕອບສະໜອງຈາກກອງປະຊຸມ.
    |
 |
|
ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ກ່າວຄຳເຫັນທີ່ວາລະປຶກສາຫາລື “ການພັດທະນາແບບຍືນຍົງ ແລະການຫັນປ່ຽນພະລັງງານ”. ພາບ: baochinhphu.vn |
ພາຍໃຕ້ການບໍລິຫານຂອງປະເທດປະທານ ແລະຄວາມມານະພະຍາຍາມແກ້ໄຂຄວາມບໍ່ລົງລອຍກັນ, ກອງປະຊຸມໄດ້ຮັບຮອງເອົາຖະແຫຼງການຮ່ວມໂດຍເນັ້ນໜັກເຖິງສານແຫ່ງຄວາມສາມັກຄີສາກົນ, ຍົກສູງລັດທິຫຼາຍຝ່າຍ, ຮ່ວມແຮງຮ່ວມໃຈຕໍ່ຕ້ານຄວາມທຸກຍາກ, ອຶດຫິວ, ຊຸກຍູ້ການພັດທະນາແບບຍືນຍົງ. ໃນພິທີປິດກອງປະຊຸມ, ທ່ານປະທານາທິບໍດີບຣາຊິນ ໄດ້ມອບຄ້ອນຕີໃຫ້ທ່ານ Cyril Raphamosa ປະທານາທິບໍດີ, ມອບອຳນາດປະທານ G20 ປີ 2025 ໃຫ້ສາທາລະນະລັດອາຟຼິກາໃຕ້ ຢ່າງເປັນທາງການ. ຫົວຂໍ້ຂອງ G20 ປີໜ້າຄາດວ່າຈະແມ່ນ “ຊຸກຍູ້ຄວາມສາມັກຄີ, ສະເໝີພາບ ແລະການພັດທະນາແບບຍືນຍົງ”.
ກອງປະຊຸມສຸດຍອດ G20 ປີ 2024 ໄດ້ປະສົບຜົນສໍາເລັດ, ປິດການເປັນປະທານຂອງ ບຣາຊິນ ດ້ວຍຈຸດພົ້ນເດັ່ນແມ່ນການຊຸກຍູ້ການປຶກສາຫາລືຂອງ G20 ແມ່ນສືບຕໍ່ສຸມໃສ່ບັນດາບັນຫາທີ່ມີຄວາມສົນໃຈຮ່ວມຂອງບັນດາປະເທດຢູ່ເຄິ່ງຊີກໂລກໃຕ້ໃນປະຈຸບັນ. ການເຂົ້າຮ່ວມ ແລະການປະກອບສ່ວນຢ່າງມີຄວາມຮັບຜິດຊອບຂອງທ່ານນາຍົກລັດຖະມົນຕີ ທີ່ກອງປະຊຸມໄດ້ຮັບການຕີລາຄາສູງຈາກບັນດາປະເທດ G20 ແລະແຂກທີ່ຖືກເຊີນ, ໄດ້ສະແດງໃຫ້ເຫັນທີ່ຕັ້ງ, ບົດບາດ, ອິດທິພົນຊື່ສຽງ ແລະທີ່ຕັ້ງສາກົນຂອງຫວຽດນາມ ໃນການແກ້ໄຂບັນດາສິ່ງທ້າທາຍໃນທົ່ວໂລກນັບມື້ນັບເພີ່ມຂຶ້ນ.
*ວັນທີ 18 ພະຈິກ (ຕາມເວລາທ້ອງຖິ່ນ), ໃນຂອບເຂດກອງປະຊຸມສຸດຍອດ G20, ທ່ານນາຍົກລັດຖະມົນຕີ ໄດ້ມີການພົບປະ, ແລກປ່ຽນກັບການນຳບັນດາປະເທດ ແລະອົງການສາກົນທີ່ເຂົ້າຮ່ວມກອງປະຊຸມ.
|
|
 |
|
ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ພົບປະກັບທ່ານ ສີຈິ້ນຜິງ ເລຂາທິການໃຫຍ່, ປະທານປະເທດຈີນ. ພາບ: baochinhphu.vn |
ທີ່ການພົບປະກັບທ່ານ ສີຈິ້ນຜິງ ເລຂາທິການໃຫຍ່, ປະທານປະເທດຈີນ, ທ່ານ ຟ້າມມິງຈິ໊ງ ຢືນຢັນວ່າ: ຫວຽດນາມ ຖືການພັດທະນາການພົວພັນຮ່ວມມືມິດຕະພາບກັບ ຈີນ ແມ່ນແຜນນະໂຍບາຍທີ່ສະເໝີຕົ້ນສະເໝີປາຍ, ແມ່ນຄວາມຮຽກຮ້ອງຕ້ອງການພາວະວິໄສ, ແມ່ນການຄັດເລືອກຍຸດທະສາດ, ໃຫ້ບຸລິມະສິດແຖວໜ້າໃນນະໂຍບາຍການພົວພັນຕ່າງປະເທດ; ຫວັງວ່າ ສອງຝ່າຍຈະສືບຕໍ່ສົມທົບກັນຢ່າງແໜ້ນແຟ້ນ ເພື່ອຜັນຂະຫຍາຍຄວາມຮັບຮູ້ລວມລະດັບສູງ ແລະບັນດາຖະແຫຼງການຮ່ວມ, ເອກະສານທີ່ໄດ້ລົງນາມໃນການຢ້ຽມຢາມຂັ້ນສູງ 2 ປະເທດ.
ທ່ານ ສີຈີ້ນຜິງ ກໍ່ຕີລາຄາສູງໝາກຜົນການຮ່ວມມືລະຫວ່າງລັດຖະບານສອງປະເທດໃນໄລຍະຜ່ານມາ; ສະເໜີສອງຝ່າຍສືບຕໍ່ເສີມຂະຫຍາຍກົນໄກການພົບປະເປັນປະຈຳລະຫວ່າງນາຍົກລັດຖະມົນຕີ ສອງທ່ານ, ຜັນຂະຫຍາຍກອງປະຊຸມຄະນະຊີ້ນຳການຮ່ວມມືສອງຝ່າຍໃນທ້າຍປີນີ້ຢ່າງມີປະສິດທິຜົນ, ລວມທັງບັນດາເນື້ອໃນຮ່ວມມືໃໝ່; ຊຸກຍູ້ການຜັນຂະຫຍາຍບັນດາຂົງເຂດຮ່ວມມືຕົວຈິງຢ່າງມີປະສິດທິຜົນ, ໃນນັ້ນມີການກໍ່ສ້າງທາງລົດໄຟ 3 ເສັ້ນເຊື່ອມຕໍ່ສອງປະເທດ; ພ້ອມທັງເພີ່ມທະວີການຮ່ວມມືຢູ່ເວທີປາໄສຫຼາຍຝ່າຍ, ສົມທົບກັນຜັນຂະຫຍາຍ 3 ຂໍ້ລິເລີ່ມທົ່ວໂລກກ່ຽວກັບການພັດທະນາ, ຄວາມໝັ້ນຄົງ ແລະສີວິໄລ.
|
|
 |
|
ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ພົບປະກັບທ່ານ Joe Biden ປະທານາທິບໍດີ ອາເມລິກາ. ພາບ: baochinhphu.vn |
ພົບປະກັບທ່ານ Joe Biden ປະທານາທິບໍດີອາເມລິກາ, ທ່ານ ຟ້າມມິງຈິ໊ງ ໄດ້ຂອບໃຈທ່ານ Joe Biden ທີ່ສະຫງວນຄວາມຮັກແພງ ແລະສະໜັບສະໜູນຢ່າງແຂງແຮງໃຫ້ແກ່ການພົວພັນລະຫວ່າງ ຫວຽດນາມ - ອາເມລິກາ ແລະຫວັງວ່າ ໃນໄລຍະຈະມາເຖິງ, ບໍ່ວ່າຈະຢູ່ໃນຕຳແໜ່ງໃດກໍ່ຕາມ, ທ່ານປະທານາທິບໍດີ ກໍ່ຈະສືບຕໍ່ສະໜັບສະໜູນ ແລະປະກອບສ່ວນຢ່າງແທດຈິງໃຫ້ແກ່ການພົວພັນສອງຝ່າຍ.
ທ່ານ Joe Biden ໄດ້ສະແດງຄວາມປິຕິຊົມຊື່ນໃນໄລຍະທີ່ດຳລົງຕຳແໜ່ງ, ສອງປະເທດໄດ້ຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດຮອບດ້ານ. ທ່ານປະທານາທິບໍດີ ຢືນຢັນວ່າ ຈະສືບຕໍ່ສະໜັບສະໜູນການພົວພັນ ຫວຽດນາມ-ອາເມລິກາໃຫ້ ພັດທະນາຢ່າງເລິກເຊິ່ງ ແລະແທດຈິງ. ການນຳສອງທ່ານໄດ້ເຫັນດີສືບຕໍ່ຜັນຂະຫຍາຍບັນດາຂົງເຂດຮ່ວມມືທີ່ໄດ້ເຫັນດີເປັນເອກະພາບ, ໃນນັ້ນມີການຮັບຮູ້ຫວຽດນາມ ເປັນພື້ນຖານເສດຖະກິດຕະຫຼາດ ແລະການຮ່ວມມືດ້ານວິທະຍາສາດ-ເຕັກໂນໂລຢີ.
|
|
 |
|
ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ພົບປະກັບທ່ານ Narendra Modi ນາຍົກລັດຖະມົນຕີອິນເດຍ. ພາບ: baochinhphu.vn |
ທີ່ການພົບປະກັບທ່ານ Narendra Modi ນາຍົກລັດຖະມົນຕີອິນເດຍ, ທ່ານ ຟ້າມມິງຈິ໊ງ ໄດ້ສະເໜີ 3 ທິດທາງບຸລິມະສິດ ເພື່ອແນໃສ່ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານໃຫ້ເຂົ້າສູ່ລວງເລິກ, ມີປະສິດທິຜົນ. ທີໜຶ່ງ, ລັດຖະບານຫວຽດນາມ ສົ່ງເສີມບັນດາໂຄງການລົງທຶນຂະໜາດໃຫຍ່ຂອງອິນເດຍ ເຂົ້າໃນຂົງເຂດຍຸດທະສາດ, ຄື: ພື້ນຖານໂຄງລ່າງຄົມມະນາຄົມຂົນສົ່ງ, logistics, ເຕັກໂນໂລຊີສູງ, ນ້ຳມັນອາຍແກັສ, ພະລັງງານທົດແທນ... ທີສອງ, ສະເໜີເພີ່ມທະວີການເຊື່ອມຕໍ່ວິສາຫະກິດ ແລະການເຈລະຈາລະຫວ່າງລັດຖະບານ-ວິສາຫະກິດ ເພື່ອຊອກຫາໂອກາດຮ່ວມມື, ແກ້ໄຂບັນດາບັນຫາທີ່ຍັງເຫຼືອ. ທີສາມ, ເພີ່ມທະວີການຮ່ວມມືພົບປະແລກປ່ຽນປະຊາຊົນ. ທ່ານ Narendra Modi ຖືເປັນສໍາຄັນຫວຽດນາມ ໃນນະໂຍບາຍການພົວພັນຕ່າງປະເທດຂອງ ອິນເດຍ ແລະຈະພິຈາລະນາຄຳເຊີນຂອງທ່ານ ຟ້າມມິງຈິ໊ງ ມາຢ້ຽມຢາມຫວຽດນາມ ໃນປີໜ້າ.
ທ່ານ ຟ້າມມິງຈິ໊ງ ກໍ່ມີການແລກປ່ຽນຢ່າງກົງໄປກົງມາ, ຕັ້ງໜ້າກັບການນຳບັນດາປະເທດ ຍີ່ປຸ່ນ, ສ.ເກົາຫຼີ, ມາເລເຊຍ, ອິນໂດເນເຊຍ, ອັງກິດ, ອີຕາລີ...; ບັນດາອົງການຈັດຕັ້ງສາກົນເຊັ່ນ: ອົງການການຄ້າ ແລະການພັດທະນາຂອງສະຫະປະຊາຊາດ, ອົງການການຄ້າໂລກ, ກອງທຶນການເງິນສາກົນ, ທະນາຄານໂລກ, ທະນາຄານການລົງທຶນພື້ນຖານໂຄງລ່າງອາຊີ...
* ພາຍຫຼັງສິ້ນສຸດການປະຕິບັດງານເຂົ້າຮ່ວມກອງປະຊຸມສຸດຍອດ G20 ແລະການເຄື່ອນໄຫວສອງຝ່າຍຢູ່ບຣາຊິນ, ຕອນບ່າຍວັນທີ 19 ພະຈິກ (ຕາມເວລາທ້ອງຖິ່ນ), ທ່ານ ຟ້າມມິງຈິ໊ງ ແລະພັນລະຍາ ພ້ອມກັບຄະນະຜູ້ແທນຂັ້ນສູງຫວຽດນາມ ໄດ້ເດີນທາງອອກຈາກນະຄອນ Rio de Janeiro, ເລີ່ມດຳເນີນການຢ້ຽມຢາມຢ່າງເປັນທາງການຢູ່ສາທາລະນະລັດ ໂດມິນິກ ຕາມຄຳເຊີນຂອງທ່ານ Luis Abinader ປະທານາທິບໍດີສາທາລະນະລັດ ໂດມິນິກ ແລະພັນລະຍາ ໃນລະຫວ່າງວັນທີ 19-21 ພະຈິກ.
ໂດຍ: ຈາງຫງວຽນ