ບັນຍາກາດວັນບຸນຄຼິດສະມາດຢູ່ ຫວຽດນາມ ແລະໃນໂລກ

ຢູ່ຖະໜົນຫຼາຍສາຍໄດ້ຮັບການປະດັບປະດາຢ່າງສວຍງາມດຶງດູດປະຊາຊົນ. ພາບ: VOV

ຕອນຄ່ຳວັນທີ 24 ທັນວາ, ຢູ່ຮ່າໂນ້ຍ, ຢູ່ຖະໜົນຍາງຫຼາຍສາຍ, ພິເສດແມ່ນໂບດແຫ່ງຕ່າງໆໄດ້ຮັບການປະດັບປະດາຢ່າງສວຍງາມ, ດຶງດູດປະຊາຊົນມາຖ່າຍຮູບ, ຕ້ອນຮັບວັນບຸນຄຼິດສະມາດດ້ວຍຄວາມສະຫງົບສຸກ. ບັນດາສູນການຄ້າໃຫຍ່ຢູ່ຮ່າໂນ້ຍ ກໍ່ແມ່ນສະຖານທີ່ຫຼາຍຄົນມາຖ່າຍຮູບເພື່ອຮັກສາຈຸດເວລາທີ່ໜ້າຈົດຈຳພ້ອມກັບຍາດຕິພີຮ້ອງ ແລະເພື່ອນມິດຂອງຕົນ.

ຢູ່ນະຄອນດ່ານັ້ງ, ໃນຂອບເຂດການເຄື່ອນໄຫວຕ້ອນຮັບວັນບຸນຄຼິດສະມາດ - ຕ້ອນຮັບປີໃໝ່ 2025, ຕອນຄ່ຳວັນທີ 24 ທັນວາ, ພະແນກທ່ອງທ່ຽວນະຄອນດ່ານັ້ງ ໄດ້ຈັດລາຍການ “ຮ່ວມມ່ວນຊື່ນພ້ອມກັບຊານຕາຄອດ”. ລາຍການໄດ້ສະຫງວນຂອງຂວັນ 3.000 ພູດ ແມ່ນບັນດາຜະລິດຕະພັນທີ່ລະນຶກມອບໃຫ້ປະຊາຊົນ, ແຂກທ່ອງທ່ຽວ. ນາງ ຫງວຽນທິຈາງ, ຢູ່ນະຄອນດ່ານັ້ງ, ແບ່ງປັນວ່າ: “ເປັນຄັ້ງທຳອິດຢູ່ນະຄອນດ່ານັ້ງ ໄດ້ຈັດການເຄື່ອນໄຫວຄືແນວນີ້, ເປັນໜ້າຈັບໃຈ ແລະດຶງດູດແຂກທ່ອງທ່ຽວເປັນຈຳນວນຫຼາຍ. ບັນດາພວກນ້ອງນ້ອຍ ກໍ່ມີຄວາມພູມໃຈເຂົ້າຮ່ວມການເຄື່ອນໄຫວຄືແນວນີ້, ຊ່ວຍໃຫ້ພວກນ້ອງເຂົ້າຮ່ວມຢ່າງມີຄວາມໝາຍກວ່າ”.

ແລະກໍ່ໃນຕອນຄ່ຳວັນດຽວກັນ, ຢູ່ນະຄອນໂຮ່ຈີມິນ, ປະຊາຊົນໄດ້ເຕົ້າໂຮມກັນຢູ່ບັນດາສະຖານທີ່ລະຫຼີ້ນຢູ່ເຂດໃຈກາງນະຄອນ ເພື່ອຕ້ອນຮັບວັນບຸນຄຼິດສະມາດ.

ຢູ່ ເອີລົບ, ມີຊານຕາຄອດເກືອບ 1.200 ຄົນໄດ້ຖີບລົດຖີບມາເຂດໃຈກາງນະຄອນຫຼວງລອນດອນ, ອັງກິດ ໃນເຫດການສ້າງກອງທຶນເພື່ອການກູ້ສົນໃຫ້ແກ່ເດັກ.

ຢູ່ ກຣົວຊີ, ເພື່ອສ້າງຄວາມມ່ວນຊື່ນໃຫ້ແກ່ບັນດາເດັກເຈັບເປັນ, ມີກຸ່ມນັກອາສາສະໝັກໄດ້ນຸ່ງຊຸດເຊື້ອຊານຕາຄອດ ລົງຈາກຫຼັງຄາເຮືອນລົງລະບຽງເຮືອນ, ປ່ອງຢ້ຽມຂອງໂຮງໝໍຢູ່ Zagreb ເພື່ອລະດົມກຳລັງໃຈບັນດາພວກນ້ອງໃນໂອກາດວັນບຸນຄຼິດສະມາດ.

ຢູ່ ເມັກຊີໂກ, ວັນທີ 24 ທັນວາ, ປະຊາຊົນໄດ້ເຂົ້າຮ່ວມພິທີເດີນຂະບວນຢູ່ສະໜາມຫຼວງ, ຮັບຊົມບັນດາຂະບວນລົດສວນສະໜາມໄດ້ຮັບການປະດັບປະດາຢ່າງສວຍງາມໄປຕິດຕໍ່ກັນ.

ແຫຼ່ງຄັດຈາກ: vovworld.vn