ການ​ຈັດ​ອັນ​ດັບ​ສາ​ກົນ​ສະ​ແດງ​ໃຫ້​ເຫັນ​ຄວາມ​ປະ​ທັບ​ໃຈ​ກ່ຽວ​ກັບ​ຄວາມ​ກ້າວ​ໜ້າ​ຂອງ​ເສດ​ຖະ​ກິດ, ສັງ​ຄົມ​ຂອງຫວຽດ​ນາມ

ພາບປະກອບ: ສໍານັກຂ່າວສານຫວຽດນາມ

ຕີລາຄາກ່ຽວກັບສະພາບການພັດທະນາເສດຖະກິດ-ສັງຄົມຂອງຫວຽດນາມ ປີ 2024, ທ່ານສາດສະດາຈານກຽດສັກສິດ Hal Hill ຂອງໂຮງຮຽນນະໂຍບາຍສາທາລະນະ Crawford, ຂຶ້ນກັບມະຫາວິທະຍາສາດແຫ່ງຊາດ ອົດສະຕາລີ (ANU) ຖືວ່າ ທ່າພັດທະນາຢ່າງແຮງຂອງພື້ນຖານເສດຖະກິດຫວຽດນາມ ຍັງໄດ້ຮັກສາ ແລະໄດ້ຢັ້ງຢືນໃນແງ່ຫວັງພັດທະນາອາຊີ ຄັ້ງຫຼ້າສຸດຂອງທະນາຄານພັດທະນາອາຊີ (ADB). ນີ້ແມ່ນໜຶ່ງໃນບັນດາຕົວຢ່າງກ່ຽວກັບການຈັດອັນດັບສາກົນທີ່ສະແດງໃຫ້ເຫັນຄວາມກ້າວໜ້າກ່ຽວກັບເສດຖະກິດ, ສັງຄົມຂອງຫວຽດນາມ ແມ່ນມີຄວາມປະທັບໃຈທີ່ສຸດ. ທ່ານສາດສະດາຈານ ໃຫ້ຂໍ້ສັງເກດວ່າ, ຫວຽດນາມ ຈະກາຍເປັນ “ພື້ນຖານເສດຖະກິດທີ່ມີລາຍຮັບປານກາງສູງ” ໂດຍໄວ.

ໃນຂະນະນັ້ນ, ທ່ານ Layton Pike ສະມາຊິກຄະນະໃຫ້ຄຳປຶກສາຂອງສະຖາບັນນະໂຍບາຍອົດສະຕາລີຫວຽດນາມ ຖືວ່າ ເລື່ອງຮັກສາຄວາມດຸ່ມດ່ຽງລະຫວ່າງບັນດາການພົວພັນໃນພາກພື້ນ ແລະທົ່ວໂລກ ແມ່ນໜຶ່ງໃນບັນດາຈຸດພົ້ນເດັ່ນໃນນະໂຍບາຍການຕ່າງປະເທດຂອງຫວຽດນາມ. ປີ 2024, ຫວຽດນາມ ແລະອົດສະຕາລີ ໄດ້ຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດຮອບດ້ານ. ທ່ານຕີລາຄາວ່າ ພາຍຫຼັງວິວັດການປ່ຽນແປງການນຳໃນປີ 2024, ແນ່ນອນວ່າຫວຽດນາມ ຈະສືບຕໍ່ປັບປຸງປະສິດທິຜົນໃນສະພາບການການເມືອງນັບມື້ນັບສັບສົນໃນຊຸມປີຕໍ່ໄປ.

ໂດຍ: ວິທະຍຸກະຈາຍສຽງຫວຽດນາມ