ເລຂາທິການໃຫຍ່ ໂຕເລິມ ເຂົ້າຮ່ວມວັນບຸນມະຫາສາມັກຄີທົ່ວປວງຊົນທັງຊາດຢູ່ຕາແສງກວ໊ານແທັ໊ງ

ທ່ານ ໂຕເລິມ ເລຂາທິການໃຫຍ່ພັກກອມມູນິດຫວຽດນາມ, ທ່ານ ເຈິ່ນແທງເໝິນ ປະທານສະພາແຫ່ງຊາດຫວຽດນາມ ແລະບັນດາຜູ້ແທນພ້ອມກັບພະນັກງານ, ປະຊາຊົນຕາແສງກວ໊ານແທັ໊ງ, ເມືອງບາດີ່ງ, ນະຄອນຮ່າໂນ້ຍ. ພາບ: ສໍານັກຂ່າວສານຫວຽດນາມ

ສະແດງຄວາມປິຕິຊົມຊື່ນທີ່ໄດ້ເຂົ້າຮ່ວມວັນບຸນມະຫາສາມັກຄີທົ່ວປວງຊົນທັງຊາດກັບຊຸມຊົນຕາແສງກວ໊ານແທັ໊ງ, ຕາງໜ້າການນຳພັກ, ລັດ, ທ່ານເລຂາທິການໃຫຍ່ ໂຕເລິມ ເນັ້ນໜັກວ່າ ກຳລັງແຮງຂອງກຸ່ມກ້ອນມະຫາສາມັກຄີທົ່ວປວງຊົນທັງຊາດແມ່ນໜຶ່ງໃນບັນດາແຫຼ່ງກໍາລັງສໍາຄັນທີ່ສຸດ, ແຂງແຮງທີ່ສຸດ ເພື່ອໃຫ້ທົ່ວພັກ, ທົ່ວປວງຊົນ, ທົ່ວກອງທັບຜ່ານຜ່າທຸກຄວາມຫຍຸ້ງຍາກ, ສິ່ງທ້າທາຍ, ປະຕິບັດພາລະກິດປ່ຽນແປງໃໝ່, ພັດທະນາປະເທດເວົ້າລວມ ແລະກໍ່ສ້າງນະຄອນຫຼວງສັນຕິພາບ, ອະລິຍະທຳ,  ສີວິໄລ, ທັນສະໄໝເວົ້າສະເພາະ. ທ່ານເລຂາທິການໃຫຍ່ ໂຕເລິມ ໃສ່ໃຈວ່າ ຄະນະພັກ, ອໍານາດການປົກຄອງທຸກຂັ້ນຂອງນະຄອນຮ່າໂນ້ຍ ສືບຕໍ່ຊາບຊຶມຢ່າງເລິກເຊິ່ງກ່ຽວກັບທັດສະນະ “ຖືປະຊາຊົນເປັນໃຈກາງ, ເຈົ້າກໍາຂອງທຸກແຜນນະໂຍບາຍ, ນະໂຍບາຍ”, “ຖືຄວາມຜາສຸກ, ຄວາມອີ່ມໜຳສຳລານຂອງປະຊາຊົນເປັນເປົ້າໝາຍສູ້ຊົນ”, ຍົກສູງຊີວິດທາງດ້ານວັດຖຸ ແລະຈິດໃຈຂອງປະຊາຊົນ, ຮັບປະກັນໃຫ້ປະຊາຊົນທຸກຄົນລ້ວນແຕ່ໄດ້ຊົມໃຊ້ບັນດາຜົນງານຂອງການປ່ຽນແປງໃໝ່ ແລະພັດທະນາ.

ທ່ານເລຂາທິການໃຫຍ່ ໂຕເລິມ ຫວັງວ່າ ພໍ່ແມ່ປະຊາຊົນຈະສືບຕໍ່ເສີມຂະຫຍາຍມູນເຊື້ອປະຕິວັດອັນສະຫງ່າລາສີ, ເສີມຂະຫຍາຍສີສັນວັດທະນະທຳທີ່ເປັນມູນເຊື້ອອັນດີງາມ ແລະກຳລັງແຮງມະຫາສາມັກຄີທົ່ວປວງຊົນທັງຊາດ, ຮ່ວມເດີນທາງພ້ອມກັບຄະນະພັກ ແລະອຳນາດການປົກຄອງທ້ອງຖິ່ນຕັດສິນໃຈສູ້ຊົນກໍ່ສ້າງຕາແສງກວ໊ານແທັ໊ງ ກໍ່ຄືບັນດາບໍລິເວນໃນເມືອງບາດີ່ງ ແລະທົ່ວນະຄອນຮ່າໂນ້ຍ ໃຫ້ນັບມື້ນັບອຸດົມສົມບູນ, ສວຍງາມ, ສີວິໄລ, ທັນສະໄໝ, ສົມກັບມູນເຊື້ອອັນສະຫງ່າງາມຂອງນະຄອນຫຼວງວິລະຊົນ, ເມືອງວັດທະນະທໍາຂອງນະຄອນຫຼວງອະລິຍະທຳ, ເມືອງສັນຕິສຸກຂອງນະຄອນເພື່ອສັນຕິພາບ.

ໂດຍ: ເຈິ່ນຮວ່ຽນ