ການສົ່ງອອກຜະລິດຕະພັນກະເສດ, ເຄື່ອງປ່າຂອງດົງ ແລະສິນໃນນໍ້າບັນລຸກວ່າ 19 ຕື້ໂດລາສະຫະລັດ
ກປ.ອອນໄລ - ວັນທີ 1 ພຶດສະພາ, ກະຊວງກະສິກຳ ແລະພັດທະນາຊົນນະບົດຫວຽດນາມ ໃຫ້ຮູ້ວ່າ ໃນ 4 ເດືອນຕົ້ນປີ 2024, ຍອດວົງເງິນສົ່ງອອກຜະລິດຕະພັນກະເສດ, ເຄື່ອງປ່າຂອງດົງ, ສິນໃນນ້ຳຄາດວ່າ ຈະບັນລຸກວ່າ 19 ຕື້ ໂດລາສະຫະລັດ, ເພີ່ມຂຶ້ນເກືອບ 24% ເມື່ອທຽບໃສ່ໄລຍະດຽວກັນຂອງປີ 2023.
ບັນດາໝວດສິນຄ້າສົ່ງອອກຂອງຂະແໜງລ້ວນແຕ່ເພີ່ມຂຶ້ນ, ສະນັ້ນ, ວົງເງິນສົ່ງອອກກໍໄດ້ເພີ່ມຂຶ້ນ. ກ່ຽວກັບຕະຫຼາດ, ການສົ່ງອອກໄປຍັງ ອາຊີ ໄດ້ເພີ່ມຂຶ້ນເກືອບ 20%; ທະວີບ ອາເມລິກາ ເພີ່ມຂຶ້ນ 24,6%; ເອີຣົບ ເພີ່ມຂຶ້ນ 38,6%; ທະວີບມະຫາສະໝຸດ ເພີ່ມຂຶ້ນ 26%... ອາເມລິກາ, ຈີນ ແລະ ຍີ່ປຸ່ນ ສືບຕໍ່ແມ່ນ 3 ຕະຫຼາດໃຫຍ່ສຸດທີ່ນຳເຂົ້າຜະລິດຕະພັນກະເສດ, ເຄື່ອງປ່າຂອງດົງ, ສິນໃນນ້ຳຂອງ ຫວຽດນາມ.
ເພື່ອສືບຕໍ່ຮັກສາທ່າເຕີບໂຕໃນການສົ່ງອອກ, ກະຊວງກະສິກຳ ແລະ ພັດທະນາຊົນນະບົດ ຫວຽດນາມ ໃຫ້ຮູ້ວ່າ ຈະເປີດປະຕູບັນດາຕະຫຼາດໃໝ່, ມີກຳລັງບົ່ມຊ້ອນ ເຊັ່ນ: ບັນດາປະເທດ ອິດສະລາມ, ຕາເວັນອອກກາງ, ທະວີບ ອາຟະລິກາ… ທາງກະຊວງກໍໄດ້ສົມທົບກັບບັນດາກະຊວງ, ຂະແໜງການ, ວິສາຫະກິດຍາດແຍ່ງບັນດາໂອກາດຈາກບັນດາສົນທິສັນຍາການຄ້າເສລີ ທີ່ໄດ້ລົງນາມກັບບັນດາປະເທດ, ພ້ອມດຽວກັນນັ້ນ, ກໍ່ໜູນຊ່ວຍການປົກປ້ອງຍີ່ຫໍ້, ຂໍ້ມູນທີ່ມາຂອງບັນດາຜະລິດຕະພັນສົ່ງອອກທີ່ມີກຳລັງບົ່ມຊ້ອນຂອງ ຫວຽດນາມ ຢູ່ຕ່າງປະເທດ.
ໂດຍ: ກວຽດເຕິມ