ທີ່ກອງປະຊຸມ, ທະຫານຊາຍແດນ ໄດ້ຮັບການຕີລາຄາວ່າ ແມ່ນກົມກອງທີ່ມີຫຼາຍວິທີເຮັດໃໝ່, ມີຫົວຄິດປະດິດສ້າງໃນວຽກງານໂຄສະນາຜ່ານການເຄື່ອນໄຫວສົມທົບກັນລະຫວ່າງທະຫານຊາຍແດນຫວຽດນາມ ກັບກໍາລັງປ້ອງກັນຊາຍແດນຂອງປະເທດເພື່ອນລາວ ກໍ່ຄືໂຄງການ, ການເຄື່ອນໄຫວໃຫ້ພວກຫຼານນັກຮຽນ, ປະກອບສ່ວນເພີ່ມພູນຄູນສ້າງນໍ້າໃຈສາມັກຄີ, ມິດຕະພາບສອງຟາກຊາຍແດນ ຫວຽດນາມ-ລາວ.
    |
 |
|
ເອື້ອຍຄູ ລາດຊາດາ (ຜູ້ທີ 6, ຈາກຂວາໄປ) ໃຫ້ຮູ້ວ່າ ພວກນ້ອງນັກຮຽນ ຍາມໃດກໍ່ສະແດງຄວາມຮູ້ບຸນຄຸນຕໍ່ການໜູນຊ່ວຍ ແລະຊ່ວຍເຫຼືອຂອງທະຫານຊາຍແດນຫວຽດນາມ. ພາບ: ວັນເຈືອງ |
ຂອງຂວັນໃນໄວເດັກ
ບຸນໄຫວ້ພະຈັນ ປີ 2024 ໄດ້ຜ່ານໄປດົນແລ້ວ, ແຕ່ນາງນ້ອຍ ທານວາ ແລະໝູ່ເພື່ອນຂອງລາວຫຼາຍຄົນຢູ່ຕາແສງອາຊອກ, ເມືອງສະມ້ວຍ, ແຂວງສາລະວັນ, ປະເທດລາວ ຕິດກັບຕາແສງບາເຕິ່ງ (ເມືອງເຮື໊ອງຮວ໊າ, ແຂວງກວ໋າງຈິ) ຍາມໃດກໍ່ເວົ້າເຖິງລາຍການ “ເຍົາວະຊົນ ຫວຽດນາມ-ລາວ ຫຼິ້ນບຸນໄຫວ້ພະຈັນຢູ່ເຂດຊາຍແດນ” ໂດຍກອງບັນຊາການທະຫານຊາຍແດນແຂວງກວ໋າງຈິ ຈັດຕັ້້ງດ້ວຍຄວາມກະຕືລືລົ້ນ ແລະຄອງຄອຍ. ສະຫາຍພັນເອກພິເສດ ຫງວຽນນາມຈູງ, ຫົວໜ້າການເມືອງກອງບັນຊາການທະຫານຊາຍແດນກວ໋າງຈິ ໃຫ້ຮູ້ວ່າ ເດັກນ້ອຍຢູ່ລາວ ຍັງປະສົບກັບຄວາມຫຍຸ້ງຍາກຫຼາຍ, ຍ້ອນແນວນັ້ນ, ພວກນ້ອງຫຼາຍຄົນບໍ່ເຄີຍໄດ້ຕ້ອນຮັບບຸນໄຫວ້ພະຈັນມາກ່ອນ. ດ້ວຍເຫດນັ້ນ, ທະຫານຊາຍແດນແຂວງກວ໋າງຈິ ຈຶ່ງໄດ້ຈັດຕັ້ງລາຍການ “ເຍົາວະຊົນ ຫວຽດນາມ-ລາວ ຫຼິ້ນບຸນໄຫວ້ພະຈັນຢູ່ເຂດຊາຍແດນ” ໃຫ້ພວກລູກຫຼານເຍົາວະຊົນສອງຟາກຊາຍແດນໃນບໍລິເວນກົມກອງຄຸ້ມຄອງແນໃສ່ສ້າງຄວາມສະໜິດຕິດພັນໃຫ້ເດັກນ້ອຍສອງປະເທດດ້ວຍຄວາມຫວັງວ່າ ເມື່ອເຕີບໃຫຍ່ຂຶ້ນມາພວກນ້ອງ ຈະເປັນລຸ້ນສືບທອດເພື່ອສ້າງສາຍພົວພັນອັນດີງາມລະຫວ່າງປະຊາຊົນສອງປະເທດ.
ປີ 2023, ໃນລາຍການພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ-ລາວ-ກໍາປູເຈຍ ໄດ້ຈັດຂຶ້ນຢູ່ເມືອງງອັກໂຮ່ຍ, ແຂວງກອນຕູມ, ທ້ອງຖິ່ນທີ່ມີຫຼັກໝາຍຊາຍແດນ 3 ຝ່າຍ, ຕິດກັບຊາຍແດນສາມປະເທດ ຫວຽດນາມ-ລາວ-ກໍາປູເຈຍ, ໃນລາຍການມີເນື້ອໃນມອບຂອງຂວັນໃຫ້ພວກນັກຮຽນ ແລະຄູອາຈານໂຮງຮຽນປະຖົມພູເກືອ ທີ່ຕັ້ງຢູ່ຕາແສງພູເກືອ, ເມືອງພູວົງ, ແຂວງອັດຕະປື, ປະເທດລາວ. ໂຮງຮຽນຕັ້ງຢູ່ແຄມຫ້ວຍ, ໃກ້ກັບຕີນພູ. ໂຮງຮຽນແມ່ນຂະໜາດນ້ອຍມີ 3 ຫ້ອງ, ມຸງດ້ວຍເຫຼັກສັງກະສີ. ສະຫາຍພົນຈັດຕະວາ ຮວ່າງຮືວຈ໊ຽນ, ຮອງຜູ້ບັນຊາການ, ຫົວໜ້າເສນາທິການທະຫານຊາຍແດນ ເປັນຫົວໜ້າຄະນະ ແລະທຸກຄົນກໍ່ຈ້ອງຕາເບິ່ງພວກນ້ອງນັກຮຽນເປັນເວລາດົນເຕີບ. ເອື້ອຍຄູ ລາດຊາດາ ຊີ້ໃສ່ພວກນ້ອງນ້ອຍ ແລະເວົ້າວ່າ, ຍ່າງແຕ່ເຮືອນໄປຫາໂຮງຮຽນແມ່ນໄກທີ່ສຸດ, ຕ້ອງຂ້າມນໍ້າຫ້ວຍ, ຍ້ອນເງື່ອນໄຂຫຍຸ້ງຍາກຄືດັ່ງກ່າວ, ຂອງຂວັນຂອງທະຫານຊາຍແດນຫວຽດນາມ ຈະເຮັດໃຫ້ພວກນ້ອງມີຄວາມສຸກ ແລະຈື່ຈຳໄປຕະຫຼອດ.
ພົ້ນເດັ່ນໃນຈໍານວນພວກນ້ອງນັກຮຽນ ແມ່ນ ນາງຕຽວ (ອາຍຸ 11 ປີ) ເມື່ອໄດ້ຮັບຂອງຂວັນແມ່ນກະເປົາໃໝ່ ແລະເງິນຈຳນວນ 2 ລ້ານດົ່ງຈາກທະຫານຊາຍແດນແຂວງກວ໋າງນາມ, ນາງຕຽວ ໄດ້ສະແດງຄວາມດີໃຈອອກມາຜ່ານທາງສາຍຕາ. ຜ່ານນາຍພາສາ, ນາງຕຽວ ເວົ້າວ່າ ນ້ອງຂອບໃຈ ແລະຈະບໍ່ລືມບຸນຄຸນທະຫານຊາຍແດນຫວຽດນາມ.
ມຸ່ງໄປສູ່ຄົນລຸ້ນຫຼັງ
ສະຫາຍ ວົງໄຊ, ອໍານວຍການໂຮງຮຽນມັດທະຍົມ ຕອນຕົ້ນ-ຕອນປາຍ ນ້ອງອໍ-ນາເປ (ເມືອງຄໍາເກີດ, ແຂວງບໍລິຄໍາໄຊ, ປະເທດລາວ) ແລະພວກນ້ອງນັກຮຽນ ມັກເວົ້າກັບທະຫານຊາຍແດນຫວຽດນາມ ດ້ວຍຄວາມຮັກແພງ ແລະຮູ້ບຸນຄຸນຢ່າງຈິງໃຈ. ເພາະໃນລາຍການ “ຊ່ວຍນ້ອງໄປໂຮງຮຽນ - ລູກລ້ຽງຄ້າຍທະຫານຊາຍແດນ” ຄ້າຍທະຫານຊາຍແດນດ່ານສາກົນເກົ່າແຈວ, ທະຫານຊາຍແດນແຂວງຮ່າຕິ້ງ ໄດ້ອຸປະຖຳ ໃຫ້ນັກຮຽນລາວ ຈໍານວນ 5 ຄົນ ທີ່ຮຽນຢູ່ໂຮງຮຽນເປັນເງິນ 500 ກີບ/ເດືອນ. ຍ້ອນການໜູນຊ່ວຍ ແລະລະດົມກໍາລັງໃຈຂອງຄ້າຍທະຫານຊາຍແດນດ່ານສາກົນເກົ່າແຈວ, ໄດ້ເຮັດໃຫ້ນັກຮຽນ 5 ຄົນມີເງື່ອນໄຂໄປຮໍ່າຮຽນນັບມື້ນັບຫຼາຍຂຶ້ນ ແລະຄວາມສາມາດຮ່ຳຮຽນກໍ່ໄດ້ຮັບການປັບປຸງດີກວ່າ.
|
|
 |
|
ສະຫາຍ ຫງວຽນມິງຫວູ (ຜູ້ທີ 2, ຈາກຊ້າຍໄປ) ຍ້ອງຍໍຊົມເຊີຍທະຫານຊາຍແດນ ຍາມໃດກໍ່ມີຫົວຄິດປະດິດສ້າງ, ມີບັນດາຮູບແບບເພື່ອປະຕິບັດວຽກງານການພົວພັນຕ່າງປະເທດຢູ່ເສັ້ນຊາຍແດນ. ພາບ: ວັນເຈືອງ |
ຢູ່ເສັ້ນຊາຍແດນກວ໋າງບິ່ງ, ກວ໋າງຈິ, ເທື່ອທຽນເຫວ້, ກວ໋າງນາມ, ເງະອານ, ແທັງຮວ໊າ, ໃນລາຍການ “ຊ່ວຍນ້ອງໄປໂຮງຮຽນ - ລູກລ້ຽງຄ້າຍທະຫານຊາຍແດນ” ໄດ້ຮັບນັກຮຽນລາວ ຕື່ມອີກ. ສະເພາະທະຫານຊາຍແດນແຂວງກວ໋າງບິ່ງ, 14 ຄົນໃນຈຳນວນ 77 ຄົນໃນລາຍການ “ຊ່ວຍນ້ອງໄປໂຮງຮຽນ - ລູກລ້ຽງຄ້າຍທະຫານຊາຍແດນ” ແມ່ນນັກຮຽນລາວ. ຢູ່ບໍລິເວນຕ່າງໆ, ທະຫານຊາຍແດນ ໄດ້ໄປຢ້ຽມຢາມພວກນ້ອງທຸກໆເດືອນ, ແຕ່ກໍ່ມີບໍລິເວນ, ຍ້ອນວ່າເສັ້ນທາງຫຍຸ້ງຍາກ ແລະໂຮງຮຽນຝ່າຍລາວ ຢູ່ໄກຈາກຊາຍແດນຈຶ່ງໃຊ້ເວລາຫຼາຍເດືອນ, ສະນັ້ນທະຫານຊາຍແດນຈຶ່ງໄປຢ້ຽມຢາມພວກນ້ອງນັກຮຽນໄດ້.
ໃນການເດີນທາງກັບຄະນະປະຕິບັດງານຂອງທະຫານຊາຍແດນຫວຽດນາມ ໄປຢ້ຽມຢາມ ແລະມອບຂອງຂວັນໃຫ້ພໍ່ແມ່ປະຊາຊົນຢູ່ບ້ານກາໂລ, ເມືອງກະລຶມ, ແຂວງເຊກອງ, ຂ້າພະເຈົ້າ ໄດ້ພົບປະກັບເດັກຊາຍຊື່ ທ້າວເບັນ. ໂຮງຮຽນປະຖົມກາໂລ ຕັ້ງຢູ່ເທິງຈອມພູແດງ. ຫຼັງຈາກຝົນຕົກເຊົາ, ເດີ່ນໂຮງຮຽນໄດ້ກາຍເປັນຕົມ ແລະເຕັມໄປດ້ວຍຮອຍຕີນຂອງນັກຮຽນ. ແມ່ຍິງຄົນໜຶ່ງເວົ້າຜ່ານນາຍພາສາວ່າ: ແຕ່ກີ້ແມ່ນທຸກຍາກຫຼາຍ, ແຕ່ຍ້ອນການຊ່ວຍເຫຼືອຂອງທະຫານຊາຍແດນ, ປະຈຸບັນໝູ່ບ້ານກາໂລດີຂຶ້ນຫຼາຍແລ້ວ.
ທ້າວເບັນ ຍ່າງອອກຈາກເຮືອນໄມ້ໄປໂຮງຮຽນເພື່ອຮັບເອົາຂອງຂວັນ. ລາວ ພົ້ນເດັ່ນໃນບັນດາເດັກນ້ອຍຄົນອື່ນໆຍ້ອນວ່າລາວໃສ່ເສື້ອຂາວໃໝ່ ແລະໂສ້ງສີຟ້າ. ນາຍແປພາສາຖາມວ່າ: “ເຈົ້າຍັງຈື່ທະຫານຊາຍແດນຫວຽດນາມ ຢູ່ບໍ່?”. ທ້າວເບັນ ໃຫ້ຮູ້ວ່າ ເຄື່ອງນຸ່ງທີ່ສວຍງາມເຫຼົ່ານີ້ ກໍ່ແມ່ນທະຫານຊາຍແດນຫວຽດນາມ ມອບໃຫ້ລາວ, ພວກອາວຍາມໃດກໍ່ລະດົມກໍາລັງໃຈນ້ອງຕ້ອງຮໍ່າຮຽນເພື່ອບັນລຸໄດ້ໝາກຜົນດີ, ເມື່ອມີຄວາມຮູ້, ໄດ້ເຮັດວຽກແລ້ວ ກໍ່ຈະບໍ່ຂາດອາຫານ, ກໍ່ຈະບໍ່ທຸກຍາກອຶດຫິວຄືກ່ອນນີ້ອີກແລ້ວ.
ທີ່ກອງປະຊຸມໂຄສະນາກ່ຽວກັບວຽກງານຄຸ້ມຄອງຊາຍແດນທາງບົກ ຫວຽດນາມ-ລາວ ທີ່ຈັດຕັ້ງຢູ່ແຂວງກວ໋າງນາມ ຜ່ານມາ, ສະຫາຍ ຫວູແທັງມາຍ, ຮອງຫົວໜ້າກົມໂຄສະນາອົບຮົມສູນກາງ; ສະຫາຍ ຫງວຽນມິງຫວູ, ຮອງລັດຖະມົນຕີຜູ້ປະຈໍາການກະຊວງການຕ່າງປະເທດຫວຽດນາມ ໄດ້ຊົມເຊີຍທະຫານຊາຍແດນ ທີ່ມີຫຼາຍວິທີເຮັດໃໝ່ ແລະມີຫົວຄິດປະດິດສ້າງໃນວຽກງານໂຄສະນາເພື່ອສ້າງສາຍພົວພັນ ຫວຽດນາມ-ລາວ. ຫົວຄິດປະດິດສ້າງນັ້ນແມ່ນເຮັດກ່ອນ, ໂຄສະນາຕາມຫຼັງ, ໂຄສະນາຜ່ານການກະທຳຢ່າງລະອຽດ, ໃນນັ້ນໄດ້ເອົາໃຈໃສ່ເປັນພິເສດເຖິງການໜູນຊ່ວຍລູກຫຼານຊາວລາວ, ມຸ່ງໄປສູ່ຄົນລຸ້ນຫຼັງ.
ໂດຍ: ເຈິ່ນຮວ່ຽນ