ເຂົ້າຮ່ວມບັນຍາກາດຟົດຟື້ນເພື່ອຕ້ອນຮັບບຸນປີໃໝ່ປະຈຳຊາດປີມະເສັງ 2025, ຕອນເຊົ້າວັນທີ 20 ມັງກອນ, ຢູ່ນະຄອນຫຼວງວຽງຈັນ, ໂຮງຮຽນສອງ ພາສາລາວ-ຫວຽດນາມ ຫງວຽນຢູ ໄດ້ຈັດຕັ້ງການເຄື່ອນໄຫວ “ຫໍ່ເຂົ້າຕົ້ມເຕັດ”.

leftcenterrightdel
ນ້ອງ ເຈິ່ນຮ໋ຽວແອັງ, ນັກຮຽນຫ້ອງ 11A ຢູ່ໂຮງຮຽນສອງພາສາ ລາວ-ຫວຽດນາມ ຫງວຽນຢູ ແບ່ງປັນກ່ຽວກັບຄວາມໝາຍຂອງການເຄື່ອນໄຫວຫໍ່ເຂົ້າຕົ້ມ. ພາບ: ສໍານັກຂ່າວສານ ຫວຽດນາມ

ນີ້ແມ່ນໜຶ່ງໃນບັນດາການເຄື່ອນໄຫວປະຈຳປີ, ບໍ່ພຽງແຕ່ຊ່ວຍໃຫ້ນັກຮຽນໄດ້ຊອກຮູ້, ຄົ້ນຫາ ແລະຮັກສາຄວາມງາມຂອງຮີດຄອງປະເພນີວັດທະນະທຳຫວຽດນາມ ເທົ່ານັ້ນ, ຫາກຍັງ ເພື່ອໂຄສະນາຈຸດວັດທະນະທຳທີ່ເປັນມູນເຊື້ອອັນດີງາມຂອງຊາວຫວຽດນາມ ໃຫ້ພວກນ້ອງນັກຮຽນ ແລະປະຊາຊົນລາວ ອີກດ້ວຍ.

ທ່ານນາງ ຫງວຽນທິແທັງເຮືອງ ຫົວໜ້າໂຮງຮຽນສອງພາສາ ລາວ-ຫວຽດນາມ ຫງວຽນຢູ ໃຫ້ຮູ້ວ່າ ນີ້ແມ່ນປີທີ 3 ທີ່ທາງໂຮງຮຽນໄດ້ຈັດກິດຈະກຳຫໍ່ເຂົ້າຕົ້ມ ແລະແມ່ນໜຶ່ງໃນບັນດາກິດຈະກຳນອກຫຼັກສູດທີ່ມີຄວາມໝາຍ ເພື່ອໃຫ້ພວກນ້ອງໄດ້ຄົ້ນຫາ ແລະສະສົມທັກສະການດຳລົງຊີວິດຕື່ມອີກ, ຜ່ານນັ້ນຈື່ຈຳຮາກເຫງົ້າຂອງຕົນ, ມີສະຕິຮັກສາ ແລະແຜ່ຂະຫຍາຍໃຫ້ເພື່ອນຂອງຕົນທີ່ແມ່ນຄົນລາວ ກ່ຽວກັບວັດທະນະທຳ ແລະມູນເຊື້ອຂອງຫວຽດນາມ ທຸກໆເທື່ອເມື່ອລະດູບານໃໝ່ວຽນມາ.

ເຂົ້າຕົ້ມສີຂຽວຍັງແມ່ນ “ຂອງຂວັນ” ທີ່ຄູອາຈານໂຮງຮຽນສອງພາສາ ລາວ-ຫວຽດນາມ ຫງວຽນຢູ ມອບໃຫ້ພວກນ້ອງກ່ອນຕ້ອນຮັບບຸນປີໃຫມ່ປະຈໍາຊາດ ປີມະເສັງ 2025.

ໂດຍ: ເຈິ່ນຮວ່ຽນ