ຫົວໜ້າກົງສູນໃຫຍ່ລາວ ປະຈໍາ ນະຄອນດ່າໜັງ ຢ້ຽມຢາມ ແລະອວຍພອນບຸນເຕັດຢູ່ແຂວງກວາງຫງາຍ
ກປ.ອອນໄລ - ວັນທີ 20 ມັງກອນ, ທ່ານ ເຈີ່ນຮ່ວາງຕວ໊ນ, ຮອງປະທານຜູ້ປະຈໍາການຄະນະກໍາມະການປະຊາຊົນແຂວງກວາງຫງາຍ ໄດ້ໃຫ້ການຕ້ອນຮັບທ່ານ ສຸພັນ ຮາດາວເຮືອງ ຫົວໜ້າກົງສູນໃຫຍ່ ລາວ ປະຈໍາ ນະຄອນດ່າໜັງ ໄດ້ໄປຢ້ຽມຢາມ ແລະອວຍພອນປີໃໝ່ປະຈຳຊາດ ເນື່ອງໃນໂອກາດລະດູບານໃໝ່ ປີມະເສງ 2025.
    |
 |
|
ບັນຍາກາດທີ່ການຕ້ອນຮັບ. ພາບ: baoquangngai.vn |
ເນື່ອງໃນໂອກາດບຸນປີໃໝ່ປະຈໍາຊາດຂອງຫວຽດນາມ, ທ່ານ ສຸພັນ ຮາດາວເຮືອງ ອວຍພອນໃຫ້ອົງຄະນະພັກ, ອໍານາດການປົກຄອງ ແລະປະຊາຊົນແຂວງກວາງຫງາຍ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ. ເຊື່ອໝັ້ນວ່າແຂວງກວາງຫງາຍ ຈະສືບຕໍ່ໄດ້ຮັບຜົນສຳເລັດຫຼາຍຢ່າງໃນປີໃໝ່, ປະຕິບັດເປົ້າໝາຍທີ່ໄດ້ວາງອອກຢ່າງສຳເລັດຜົນ.
|
|
 |
|
ທ່ານ ສຸພັນ ຮາດາວເຮືອງ ຫົວໜ້າກົງສູນໃຫຍ່ລາວ ປະຈໍານະຄອນດ່າໜັງ ມອບຊໍ່ດອກໄມ້, ອວຍພອນອົງຄະນະພັກ, ອໍານາດການປົກຄອງ ແລະປະຊາຊົນແຂວງກວາງຫງາຍ. ພາບ: baoquangngai.vn |
ທ່ານ ເຈີ່ນຮ່ວາງຕວ໊ນ ຮອງປະທານຜູ້ປະຈໍາການຄະນະກຳມະການປະຊາຊົນແຂວງກວາງຫງາຍ ໄດ້ສະແດງຄວາມຂອບອົກຂອບໃຈຕໍ່ຄໍາອວຍພອນ ອັນດີງາມຂອງທ່ານສຸພັນ ຮາດ່າວເຮືອງ. ທ່ານ ເຈີ່ນຮ່ວາງຕວ໊ນ ຫວັງວ່າບົນພື້ນຖານການຮ່ວມມືລະຫວ່າງຫວຽດນາມ - ລາວ, ດ້ວຍບົດບາດຂອງຕົນ, ສະຖານກົງສູນໃຫຍ່ລາວ ປະຈຳ ນະຄອນດ່າໜັງ ຈະສືບຕໍ່ເປັນຂົວຕໍ່ຊຸກຍູ້ການເຄື່ອນໄຫວຮ່ວມມືລະຫວ່າງແຂວງກວາງຫງາຍ ກັບບັນດາທ້ອງຖິ່ນ, ກົມກອງຂອງລາວ. ໃນນັ້ນ, ຕັ້ງໜ້າເປີດກວ້າງການຮ່ວມມືໃນຂົງເຂດວັດທະນະທຳ, ກະສິກຳ, ອຸດສາຫະກຳ; ຊຸກຍູ້ການເຄື່ອນໄຫວການທູດປະຊາຊົນ. ບົນພື້ນຖານນັ້ນ, ພ້ອມກັນເພີ່ມພູນຄູນສ້າງສາຍພົວພັນມິດຕະພາບລະຫວ່າງ ຫວຽດນາມ-ລາວ ໃຫ້ຂຽວສົດງົດງາມ, ໝັ້ນຄົງຂະໜົງແກ່ນໄປຊົ່ວກາລະນານ.
ໂດຍ: ທູຈາງ