ກອງບັນຊາການ ປກສ ແຂວງຜົ້ງສາລີ ພົບປະເຈລະຈາກັບທະຫານຊາຍແດນແຂວງດ້ຽນບຽນ

ພິທີລົງນາມບົດບັນທຶກການພົບປະເຈລະຈາ. ພາບ: ແອັງຢຸງ

ສະຫາຍພັນເອກ ຢິນວັນນະສຸກ ບຸດຕະນະວົງ ຮອງຫົວໜ້າກອງບັນຊາການ ປກສ ແຂວງຜົ້ງສາລີ ແລະສະຫາຍພັນເອກພິເສດ ວື່ອາຄົວ, ຮອງຫົວໜ້າກອງບັນຊາການທະຫານຊາຍແດນແຂວງດ້ຽນບຽນ ເປັນປະທານຮ່ວມການພົບປະເຈລະຈາ.

ທີ່ການພົບປະເຈລະຈາ, ສອງຝ່າຍໄດ້ຕີລາຄາສູງນ້ຳໃຈສາມັກຄີ, ມິດຕະພາບ, ການຮ່ວມມືຮອບດ້ານລະຫວ່າງພັກ, ລັດລາວ ແລະຫວຽດນາມ; ລະຫວ່າງກອງບັນຊາການ ປກສ ແຂວງຜົ້ງສາລີ ແລະກອງບັນຊາການທະຫານຊາຍແດນແຂວງດ້ຽນບຽນ ແລະປະຊາຊົນສອງປະເທດ. ໃນໄລຍະຜ່ານມາ, ສອງຝ່າຍໄດ້ມີການພົບປະ, ຈັດຕັ້ງການພົບປະເຈລະຈາ, ແລກປ່ຽນສະພາບການ, ສົມທົບກັນຢ່າງແໜ້ນແຟ້ນໃນການຄຸ້ມຄອງ, ປົກປັກຮັກສາຊາຍແດນ ແລະດ່ານຊາຍແດນເປັນປະຈຳ; ຕໍ່ສູ້ຕ້ານ ແລະສະກັດກັ້ນອາດຊະຍາກໍາປະເພດຕ່າງໆຢ່າງມີປະສິດທິຜົນ, ຮັບມືກັບການປ່ຽນແປງນັບມື້ນັບສັບສົນຢູ່ເຂດຊາຍແດນຢ່າງທັນການ, ປະກອບສ່ວນຮັກສາຄວາມໝັ້ນຄົງຄວາມເປັນລະບຽບຮຽບຮ້ອຍຢູ່ເຂດຊາຍແດນຂອງສອງຝ່າຍ.

ການນຳສອງຝ່າຍມອບບົດບັນທຶກຊ່ວຍຈໍາທີ່ການພົບປະເຈລະຈາ. ພາບ: ແອັງຢຸງ

ສອງຝ່າຍກໍ່ກຳນົດ, ສືບຕໍ່ປະຕິບັດສັນຍາກ່ຽວກັບກົດລະບຽບການຄຸ້ມຄອງຊາຍແດນ, ດ່ານຊາຍແດນບັນດາຂໍ້ຕົກລົງຮ່ວມມືກ່ຽວກັບການຄຸ້ມຄອງຊາຍແດນສອງປະເທດ ຫວຽດນາມ-ລາວ ທີ່ໄດ້ລົງນາມຢ່າງເຂັ້ມງວດ. ສົມທົບກັນຢ່າງແໜ້ນແຟ້ນເພື່ອຮັບປະກັນຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍ, ຄວາມປອດໄພໃນສັງຄົມຢູ່ເຂດຊາຍແດນ, ຄຸ້ມຄອງ ແລະຄວບຄຸມຄົນເຂົ້າ-ອອກເມືອງ, ການນຳເຂົ້າ ແລະສົ່ງອອກສິນຄ້າຜ່ານດ່ານຊາຍແດນ...

ໂດຍ: ເຈິ່ນຮວ່ຽນ