ລາຍການພົບປະແລກປ່ຽນ “ຕໍາຫຼວດທະເລຫວຽດນາມ ກັບເພື່ອນມິດ” ຄັ້ງທີ 2
ກປ.ອອນໄລ - ຕອນບ່າຍວັນທີ 5 ທັນວາ, ກອງບັນຊາການຕໍາຫຼວດທະເລຫວຽດນາມ ໄດ້ຈັດຕັ້ງກອງປະຊຸມ ເພື່ອຮັບຟັງບັນດາອົງການ, ກົມກອງລາຍງານກ່ຽວກັບການກະກຽມປະຕິບັດແຜນການຈັດຕັ້ງລາຍການພົບປະແລກປ່ຽນ “ຕໍາຫຼວດທະເລຫວຽດນາມ ກັບເພື່ອນມິດ” ຄັ້ງທີ 2, ປີ 2024. ທ່ານພົນຈັດຕະວາ ຫວູຈູງກຽນ ຮອງຜູ້ບັນຊາການກົດໝາຍຕໍາຫຼວດທະເລຫວຽດນາມ ເປັນປະທານກອງປະຊຸມດັ່ງກ່າວ.
ທີ່ກອງປະຊຸມ, ຜູ້ຕາງໜ້າບັນດາອົງການ, ກົມກອງໄດ້ລາຍງານຕໍ່ທ່ານຮອງຜູ້ບັນຊາການກົດໝາຍຕໍາຫຼວດທະເລຫວຽດນາມ ກ່ຽວກັບຄວາມຄືບໜ້າຂອງການປະຕິບັດແຜນການ, ຂໍ້ຕິດຂັດໃນວິວັດການກະກຽມໃຫ້ແກ່ລາຍການພົບປະແລກປ່ຽນ “ຕໍາຫຼວດທະເລຫວຽດນາມ ກັບເພື່ອນມິດ” ຄັ້ງທີ 2, ປີ 2024; ຍົກອອກຄຳເຫັນປະກອບ ແລະຂໍ້ສະເໜີເພື່ອແນໃສ່ເພີ່ມທະວີການສົມທົບກັນ, ຍູ້ໄວຄວາມຄືບໜ້າ.
    |
 |
|
ບັນຍາກາດທີ່ກອງປະຊຸມ. ພາບ:qdnd.vn |
ກ່າວຄຳເຫັນທີ່ກອງປະຊຸມ, ທ່ານພົນຈັດຕະວາ ຫວູຈູງກຽນ ຮຽກຮ້ອງໃຫ້ບັນດາອົງການ, ກົມກອງປະຕິບັດວຽກງານກະກຽມໃຫ້ສຳເລັດຢ່າງຮີບດ່ວນ, ເອົາໃຈໃສ່ຕິດແທດກັບຫົວຂໍ້ “ຮ່ວມມືຊອກຫາກອບກູ້ຢູ່ທະເລ” ແລະສ່ອງແສງສານທີ່ວ່າ “ສາມັກຄີແມ່ນກຳລັງແຮງ” ຂອງລາຍການ.
|
|
 |
|
ທ່ານພົນຈັດຕະວາ ຫວູຈູງກຽນ ກ່າວຄໍາເຫັນທີ່ກອງປະຊຸມ. ພາບ:qdnd.vn |
ເນັ້ນໜັກເຖິງເປົ້າໝາຍ, ຄວາມໝາຍຂອງລາຍການພົບປະແລກປ່ຽນແມ່ນປະກອບສ່ວນສ້າງຄວາມໄວ້ເນື້ອເຊື່ອໃຈ, ເພີ່ມທະວີຄວາມເຂົ້າໃຈ ເຊິ່ງກັນ ແລະກັນລະຫວ່າງກອງບັນຊາການຕໍາຫຼວດຫວຽດນາມ ກັບກໍາລັງປະຕິບັດກົດໝາຍຢູ່ທະເລ ຂອງບັນດາປະເທດໃນພາກພື້ນ, ທ່ານພົນຈັດຕະວາ ຫວູຈູງກຽນ ຖືວ່າ, ວຽກງານຈັດຕັ້ງລາຍການຕ້ອງລະອຽດ, ຮອບຄອບຖີ່ຖ້ວນ, ຮັບປະກັນຄວາມປອດໄພຢ່າງແທ້ຈິງ, ສ້າງຄວາມປະທັບໃຈອັນດີງາມໃນໃຈຂອງເພື່ອນມິດສາກົນ.
|
|
 |
|
ຜູ້ຕາງໜ້າຫ້ອງເສນທິການ ຂຶ້ນກັບກອງບັນຊາການຕໍາຫຼວດທະເລຫວຽດນາມ ລາຍງານທີ່ກອງປະຊຸມ. ພາບ:qdnd.vn |
ນີ້ແມ່ນຄັ້ງທີ 2 ທີ່ຕໍາຫຼວດທະເລຫວຽດນາມ ຈັດຕັ້ງລາຍພົບປະການແລກປ່ຽນ “ຕໍາຫຼວດທະເລຫວຽດນາມ ກັບເພື່ອນມິດ”. ລາຍການພົບປະແລກປ່ຽນຄາດວ່າຈະດຳເນີນແຕ່ວັນທີ 17-21 ທັນວາ ຢູ່ຮ່າໂນ້ຍ. ມາຮອດປະຈຸບັນ, ກໍາລັງປະຕິບັດກົດໝາຍຢູ່ທະເລຂອງ 6 ປະເທດໃນພາກພື້ນ ໄດ້ຢືນຢັນການເຂົ້າຮ່ວມລາຍການພົບປະແລກປ່ຽນ ເຊິ່ງລວມມີ: ຈີນ, ກຳປູເຈຍ, ໄທ, ຟີລິບປິນ, ອິນໂດເນເຊຍ ແລະ ມາເລເຊຍ.
ໂດຍ: ທູຈາງ