ທີ່ການເຮັດວຽກ, ທ່ານ ເຈິ່ນຮົ່ງຮ່າ ເນັ້ນໜັກວ່າ ແນວທາງສະເໝີຕົ້ນສະເໝີປາຍຂອງຫວຽດນາມ ແມ່ນແນວທາງການທູດເອກະລາດ, ເປັນເຈົ້າຕົນເອງ, ຫັນການພົວພັນເປັນຫຼາຍຮູບຫຼາຍແບບ, ຫຼາຍຝ່າຍ; ຖືເປັນສຳຄັນການພົວພັນກັບສະຫະພັນລັດເຊຍ ແລະປາດຖະໜາຢາກເພີ່ມທະວີການຮ່ວມມືກັບລັດເຊຍ ໃນທຸກຂົງເຂດ.
ໃນຂອບເຂດການປະຊຸມ, ຮອງນາຍົກລັດຖະມົນຕີສອງທ່ານພ້ອມກັນຕີລາຄາສະພາບການປະຕິບັດເນື້ອໃນຮ່ວມມືສອງຝ່າຍນັບແຕ່ກອງປະຊຸມ ຄັ້ງທີ 25 ຂອງຄະນະກໍາມະການລະຫວ່າງລັດຖະບານຫວຽດນາມ-ສະຫະພັນລັດເຊຍ ກ່ຽວກັບການຮ່ວມມືດ້ານເສດຖະກິດ-ການຄ້າ ແລະວິທະຍາສາດ-ເຕັກນິກ (ເດືອນ ກັນຍາ 2024) ມາຮອດປະຈຸບັນ.
    |
 |
|
ທ່ານ ເຈິ່ນຮົ່ງຮ່າ ຮອງນາຍົກລັດຖະມົນຕີ. ພາບ: ສໍານັກຂ່າວສານຫວຽດນາມ |
ໃນ 11 ເດືອນຂອງປີ 2024, ວົງເງິນການຄ້າສອງຝ່າຍລະຫວ່າງຫວຽດນາມ ແລະສະຫະພັນລັດເຊຍ ບັນລຸ 4,1 ຕື້ໂດລາສະຫະລັດ, ເພີ່ມ 27,4% ເມື່ອທຽບໃສ່ໄລຍະດຽວກັນຂອງປີ 2023.
ຫຼາຍມາດຕະການລະອຽດໄດ້ເຫັນດີເປັນເອກະພາບ, ເພື່ອຊຸກຍູ້ການຮ່ວມມືສອງຝ່າຍໃນຫຼາຍຂົງເຂດ, ຄື: ກະສິກໍາ, ຖະແຫຼງຂ່າວ-ສື່ສານ, ວິທະຍາສາດ-ການສຶກສາ, ວັດທະນະທໍາ-ກິລາ ກວ່າອີກ; ຊຸກຍູ້ການທ່ອງທ່ຽວ, ການພົບປະແລກປ່ຽນປະຊາຊົນ, ເພີ່ມທະວີການສອນພາສາຫວຽດນາມ ແລະພາສາລັດເຊຍ ຢູ່ສອງປະເທດ, ຮັກສາທຶນການສຶກສາໃຫ້ນັກສຶກສາຫວຽດນາມ ກໍ່ຄືດຶງດູດນັກສຶກສາລັດເຊຍ ມາຮໍ່າຮຽນ, ຄົ້ນຄວ້າຢູ່ຫວຽດນາມ; ສ້າງເງື່ອນໄຂສະດວກໃນການອອກວິຊາໃຫ້ພົນລະເມືອງຫວຽດນາມ ທີ່ເຮັດວຽກ ແລະທ່ອງທ່ຽວຢູ່ສະຫະພັນລັດເຊຍ.
ບັນດາໝາກຜົນທີ່ບັນລຸໄດ້ນັ້ນ, ໄດ້ຫັນບັນດາຄໍາໝັ້ນສັນຍາ ແລະການຕັດສິນໃຈດ້ານການເມືອງຂອງການນໍາຂັ້ນສູງສອງປະເທດໃນໄລຍະຈະຜ່ານມາເປັນລະອຽດ, ປະກອບສ່ວນສໍາຄັນເຮັດໃຫ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຫວຽດນາມ ແລະສະຫະພັນລັດເຊຍ ເລິກເຊິ່ງກວ່າອີກ.
ສອງຝ່າຍຕີລາຄາວ່າ ການຮ່ວມມືຫວຽດນາມ-ສະຫະພັນລັດເຊຍ ດ້ານເສດຖະກິດ-ການຄ້າ ຍັງບໍ່ທັນສົມກັບຄວາມສາມາດບົ່ມຊ້ອນ, ການພົວພັນດ້ານການເມືອງ, ການຕ່າງປະເທດອັນດີງາມ ກໍ່ຄືຄວາມປາດຖະໜາຂອງການນໍາຂັ້ນສູງສອງປະເທດ. ບັນດາກະຊວງ, ຂະແໜງການສອງປະເທດຕ້ອງມານະພະຍາຍາມໃນການຄົ້ນຄວ້າ, ເປີດກວ້າງຂອບຮ່ວມມືລະຫວ່າງຫວຽດນາມ ແລະສະຫະພັນລັດເຊຍ ກວ່າອີກ; ແກ້ໄຂຮົ້ວກີດຂວາງດ້ານການຄ້າ, ພິຈາລະນາເງື່ອນໄຂສະດວກໃຫ້ໂຄງການລົງທຶນຂອງວິສາຫະກິດສອງປະເທດ.
ທ່ານ ເຈິ່ນຮົ່ງຮ່າ ເຊື່ອໝັ້ນວ່າ ໃນປີ 2025, ການພົວພັນຮ່ວມມືລະຫວ່າງຫວຽດນາມ ແລະສະຫະພັນລັດເຊຍ ຈະມີບາດກ້າວພັດທະນາຢ່າງແຂງແຮງໃນທຸກຂົງເຂດ, ຮັບຮອງເອົາກົນໄກຄະນະກໍາມະການລະຫວ່າງລັດຖະບານ ແລະບັນດາອະນຸກຳມະການ/ກຸ່ມປະຕິບັດງານລະຫວ່າງສອງຝ່າຍ, ຈາກນັ້ນປະກອບສ່ວນຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ-ສະຫະພັນລັດເຊຍ.
ໂດຍ: ໄຊນີດາ