ທີ່ການພົບປະກັບຜູ້ມີສິດເລືອກຕັ້ງ, ທ່ານ ໂຕເລິມ ສະແດງຄວາມພາກພູມໃຈເມື່ອໄດ້ຮູ້ວ່າ ອົງຄະນະພັກ, ອຳນາດການປົກຄອງ ແລະປະຊາຊົນນະຄອນຫຼວງຮ່າໂນ້ຍ ໄດ້ປະຕິບັດບັນດາລາຍການປະຕິບັດງານ, ກຳນົດທິດໃຫຍ່, ຂອດບຸກທະລຸ, ຄາດໝາຍ ແລະໜ້າທີ່, ມາດຕະການຕົ້ນຕໍຂອງນະຄອນຫຼວງ ອາຍຸການ 2020-2025 ຢ່າງມີປະສິດທິຜົນສູງ; ນໍາເອົາ ແລະຫັນມະຕິກອງປະຊຸມໃຫຍ່ ຄັ້ງທີ XIII ຂອງພັກ, ມະຕິກອງປະຊຸມໃຫຍ່ ຄັ້ງທີ XVII ອົງຄະນະພັກນະຄອນຫຼວງໃຫ້ປະກົດຜົນເປັນຈິງ, ກ້າວເຂົ້າສູ່ຊີວິດຕົວຈິງ, ບັນລຸໄດ້ຫຼາຍໝາກຜົນທີ່ຕັ້ງໜ້າ. ພິເສດ, ກົດໝາຍວ່າດ້ວຍນະຄອນຫຼວງ (ສະບັບປັບປຸງ) ສະພາແຫ່ງຊາດໄດ້ຮັບຮອງເອົາ, ດ້ວຍບັນດາກົນໄກພົ້ນເດັ່ນເພື່ອພັດທະນານະຄອນຫຼວງ.

leftcenterrightdel
ທ່ານ ໂຕເລິມ ເລຂາທິການໃຫຍ່ ກ່າວຄຳເຫັນທີ່ການພົບປະຜູ້ມີສິດເລືອກຕັ້ງ. ພາບ: ຟ້າມກຽນ

ທ່ານ ໂຕເລິມ ຮັບຮູ້, ຍ້ອງຍໍຊົມເຊີຍບັນດາຜົນງານທີ່ບັນລຸໄດ້, ແຕ່ກໍໃສ່ໃຈວ່າ ຮ່າໂນ້ຍ ຍັງມີຫຼາຍວຽກຕ້ອງເຮັດ ແລະຕ້ອງມານະພະຍາຍາມສູ້ຊົນຕື່ມອີກຈຶ່ງສົມກັບຄວາມໄວ້ເນື້ອເຊື່ອໃຈ ແລະຄວາມຮັກແພງ, ຄວາມຫວັງຂອງທົ່ວປະເທດ; ໂດຍສະເພາະແມ່ນບັນຫາໃນການຮັກສາຄວາມສຸພາບຮຽບຮ້ອຍ, ສີວິໄລ, ອະລິຍະທຳນັບຫຼາຍພັນປີ; ບັນຍາກາດປອດໂປ່ງ; ຮັບປະກັນສຸຂະອະນາໄມຂອງອາຫານ; ຫຼຸດຜ່ອນຄວາມແອອັດໃນການສັນຈອນ... ທ່ານເລຂາທິການໃຫຍ່ ຖືວ່າ ສິ່ງດັ່ງກ່າວ, ພວກເຮົາຕ້ອງເອົາໃຈໃສ່, ຕ້ອງຊອກຫາວິທີແກ້ໄຂ ແລະຕ້ອງມີການຮ່ວມແຮງຮ່ວມໃຈຂອງແຕ່ລະຄົນ, ຂອງທົ່ວສັງຄົມ. ທ່ານເລຂາທິການໃຫຍ່ ຫວັງວ່າ ພໍ່ແມ່ປະຊາຊົນຢູ່ເຂດເລືອກຕັ້ງທີ 1 ກໍ່ຄືພົນລະເມືອງຮ່າໂນ້ຍ ໝົດທຸກຄົນຈະຮ່ວມແຮງຮ່ວມໃຈ, ຄຽງບ່າຄຽງໄຫຼ່ກັບອົງຄະນະພັກ ແລະອຳນາດການປົກຄອງ, ປະຊາຊົນນະຄອນຫຼວງ, ສ້າງຮ່າໂນ້ຍໃຫ້ສວຍງາມສົດໃສ.

leftcenterrightdel
ທ່ານ ໂຕເລິມ ເລຂາທິການໃຫຍ່ ແລະຜູ້ແທນທີ່ການພົບປະຜູ້ມີສິດເລືອກຕັ້ງນະຄອນຫຼວງຮ່າໂນ້ຍ. ພາບ: ຟ້າມກຽນ

ທີ່ການພົບປະຜູ້ມີສິດເລືອກຕັ້ງ, ທ່ານ ໂຕເລິມ  ໄດ້ຕອບບັນດາຄຳຖາມຂອງຜູ້ມີສິດເລືອກຕັ້ງທີ່ຍັງມີຄວາມສົນໃຈ. ພິເສດ, ທ່ານ ໂຕເລິມ ໄດ້ເນັ້ນໜັກເຖິງບັນດາມາດຕະການເພື່ອນຳປະເທດກ້າວເຂົ້າສັງກາດໃໝ່; ບັນດາມາດຕະການປະຕິບັດການປ່ຽນແປງໃໝ່ ແລະຮອບດ້ານກ່ຽວກັບການສຶກສາ-ກໍ່ສ້າງ; ການແກ້ໄຂບັນດາບັນຫາໃນການປົກປັກຮັກສາສິ່ງແວດລ້ອມ; ວຽກງານຮັບປະກັນຊີວິດສັງຄົມ...

ໂດຍ: ແສງເດືອນ