ສ້າງຖັນແຖວພະນັກງານໄອຍະການທີ່ມີທາດແທ້ຄຸນສົມບັດ, ປະສົບການ, ລັກສະນະເປັນມືອາຊີບສູງ
ກປ.ອອນໄລ - ວັນທີ 3 ທັນວາ, ຢູ່ຮ່າໂນ້ຍ, ທ່ານ ເລືອງເກື່ອງ ປະທານປະເທດຫວຽດນາມ, ຫົວໜ້າຄະນະຊີ້ນຳການປະຕິຮູບຕຸລາການສູນກາງ ໄດ້ໄປຢ້ຽມຢາມ ແລະເຮັດວຽກກັບອົງການໄອຍະການປະຊາຊົນສູງສຸດ.
ກ່າວຄໍາເຫັນນະທີ່ນີ້, ທ່ານປະທານປະເທດ ສະເໜີໃຫ້ຂະແໜງໄອຍະການເປັນເຈົ້າການ, ຕັ້ງໜ້າເປັນເສນາທິການ, ຫັນແຜນນະໂຍບາຍ, ແນວທາງຂອງພັກກ່ຽວກັບວຽກງານຕຸລາການເປັນລະບອບບຽບການ; ສົມທົບກັບອົງການທີ່ກ່ຽວຂ້ອງຄົ້ນຄວ້າປັບປຸງຂໍ້ກຳນົດຂອງກົດໝາຍກ່ຽວກັບພາລະບົດບາດ, ໜ້າທີ່, ສິດອຳນາດ, ຄວາມຮັບຜິດຊອບ, ຂອບເຂດການເຄື່ອນໄຫວໃຫ້ສົມບູນແບບ, ຮັບປະກັນຄວາມເປັນເອກະພາບ, ຄົບຊຸດໃນການພົວພັນລະຫວ່າງອົງການໄອຍະການປະຊາຊົນກັບອົງການຈັດຕັ້ງອື່ນໃນກົງຈັກລັດ.
    |
 |
|
ບັນຍາກາດທີ່ການເຮັດວຽກ. ພາບ: qdnd.vn |
ທ່ານປະທານປະເທດ ຮຽກຮ້ອງໃຫ້ຂະແໜງໄອຍະການສຸມໃສ່ຍົກສູງຄຸນນະພາບການປະຕິບັດສິດດຳເນີນການສືບສວນ ແລະໄອຍະການເຄື່ອນໄຫວຕຸລາການ; ສືບຕໍ່ຍົກສູງຄຸນນະພາບການໂຕ້ແຍ້ງໃນການດຳເນີນຄະດີ; ປ່ຽນແປງໃໝ່ໃນຂົງເຂດໄອຍະການເຄື່ອນໄຫວຕຸລາການ; ເປັນເຈົ້າການສົມທົບກັນລະຫວ່າງຂະແໜງຕຸລາການສູນກາງ, ສຸມໃສ່ແກ້ໄຂຄວາມຫຍຸ້ງຍາກ ແລະຂໍ້ຕິດຂັດໃນການເຄື່ອນໄຫວຕຸລາການ.
ກ່ຽວກັບການເຄື່ອນໄຫວຮ່ວມມືສາກົນ, ທ່ານປະທານປະເທດ ຖືວ່າ ອົງການໄອຍະການປະຊາຊົນສູງສຸດຕ້ອງເປັນເຈົ້າການ, ຕັ້ງໜ້າສຶກສາຮ່ຳຮຽນເອົາສິ່ງຍອດຍິ່ງຂອງໂລກ, ໝູນໃຊ້ເຂົ້າໃນເງື່ອນໄຂລະອຽດຂອງຫວຽດນາມ; ສືບຕໍ່ຍົກສູງປະສິດທິຜົນການເຄື່ອນໄຫວຮ່ວມມືສາກົນໃນການປ້ອງກັນ, ຕ້ານອາດຊະຍາກຳ; ປະຕິບັດບົດບາດຂອງອົງການປະສານງານໜູນຊ່ວຍຕຸລາການກ່ຽວກັບອາຍາ.
ໂດຍ: ທະນາພອນ