ເລຂາທິການໃຫຍ່ ໂຕເລິມ ເຮັດວຽກກັບຄະນະພະນັກງານຮັບຜິດຊອບພັກຂອງກະຊວງຍຸຕິທຳ

ທ່ານ ໂຕເລິມ ເລຂາທິການໃຫຍ່ ເຮັດວຽກກັບຄະນະພະນັກງານຮັບຜິດຊອບພັກຂອງກະຊວງຍຸຕິທຳ. ພາບ: ຖາຍຮືງ

ກ່າວຄຳເຫັນສະຫຼຸບທີ່ການເຮັດວຽກ, ທ່ານເລຂາທິການໃຫຍ່ ໂຕເລິມ ເນັ້ນໜັກວ່າ ວຽກງານສ້າງກົດໝາຍມີບົດບາດ, ທີ່ຕັ້ງ, ຄວາມສຳຄັນພິເສດ, ມີຄວາມໝາຍຫຼັກແຫຼ່ງເພື່ອຍາດແຍ່ງເອົາກາລະໂອກາດ, ລະດົມແຫຼ່ງກຳລັງຢ່າງແຂງແຮງເພື່ອພັດທະນາ ແລະເບິ່ງແຍງດູແລປະຊາຊົນ. ເພື່ອໃຫ້ປະເທດກ້າວເຂົ້າສູ່ສັງກາດໃຫມ່, ທ່ານເລຂາທິການໃຫຍ່ ໂຕເລິມ ສະເໜີວ່າ ໃນໄລຍະຈະມາເຖິງ, ທົ່ວຂະແໜງຍຸຕິທຳຕ້ອງສຸມໃສ່ປ່ຽນແປງໃໝ່ວຽກງານນິຕິບັນຍັດຕາມພາລະບົດບາດ, ໜ້າທີ່ທີ່ໄດ້ມອບໝາຍ, ມຸ່ງໄປເຖິງເປົ້າໝາຍປົກປ້ອງສິດ ແລະຜົນປະໂຫຍາດອັນຊອບທຳຂອງບຸກຄົນ ແລະອົງການຈັດຕັ້ງ; ຮັກສາ ແລະຮັບປະກັນຄວາມເປັນລະບຽບຮຽບຮ້ອຍໃນສັງຄົມ; ຊຸກຍູ້ການພັດທະນາເສດຖະກິດ-ສັງຄົມ; ຮັບປະກັນຄວາມຍຸຕິທຳ ແລະຄວາມສະເໝີພາບທາງສັງຄົມ; ຮັບມືກັບການພັດທະນາຂອງສັງຄົມ; ປະກອບສ່ວນສ້າງສັງຄົມທີ່ກ້າວໜ້າ, ກົມກຽວ ແລະພັດທະນາ.

ທ່ານ ໂຕເລິມ ເລຂາທິການໃຫຍ່ ແລະບັນດາຜູ້ແທນກັບຄະນະພະນັກງານຮັບຜິດຊອບພັກຂອງກະຊວງຍຸຕິທຳ. ພາບ: ຖາຍຮືງ

ເນື່ອງໃນໂອກາດນີ້, ທ່ານເລຂາທິການໃຫຍ່ ໂຕເລິມ ໄດ້ສະເໜີໃຫ້ກະຊວງຍຸຕິທຳເອົາໃຈໃສ່ເປັນພິເສດເຖິງການພັດທະນາຊັບພະຍາກອນມະນຸດ ເຮັດໃຫ້ວຽກງານເປັນເສນາທິການໃນການສ້າງກົດໝາຍມີຄຸນທາດການເມືອງໜັກແໜ້ນ, ມີຄຸນສົມບັດສິນທຳປະຕິວັດ, ມີຄວາມຊຳນານດ້ານວິຊາສະເພາະ ແລະທັກສະອາຊີບ ຕາມຈິດໃຈ “ກ້າຄິດ, ກ້າເວົ້າ, ກ້າທໍາ, ກ້າຮັບຜິດຊອບ, ກ້າປ່ຽນແປງໃໝ່, ປະດິດສ້າງ, ກ້າປະເຊີນໜ້າກັບຄວາມຫຍຸ້ງຍາກ, ສິ່ງທົດສອບ ແລະກ້າກະທໍາເພື່ອຜົນປະໂຫຍດລວມ”.

ໂດຍ: ທະນາພອນ